Shakubelenga 17
17
Nkoli yakwe Aloni
1Mpomunyaawo Mwaami Lesa wakaambila Mose ayi, 2“Lwiita bene Isilaeli ayi bakupe nkoli shili likumi ashobilo, nkokwaamba ayi yomwi kuswa kumutanjilili womwi awomwi wa mukowa uli woonse. Ulyeelete kulemba liina lya musankwa uli woonse pankoli yakwe. 3Mpeeke ukalembe liina lyakwe Aloni pankoli itokwiimikanina bene Lefi. Anu kulaakuba nkoli yomwi ya mutanjilili wa mukowa uli woonse. 4Inkoli isho ukashitole kuTente ya Cipangano akushibika kunembo lya Libokoshi lya Cipangano, uko nkoonkumanina awebo. 5Lyalo nkooli ya musankwa ngondasala ilaakusonsa. Munshila iyi ndaakukasha kutongooka kwa bene Isilaeli kutamaani pali ndiwe.”
6Mpeeke Mose wakaamba abene Isilaeli alimwi bamatanjilili babo boonse mumikowa bakamupa nkoli yomwi yomwi, pantu pomwi shoonse shakalinga likumi ashobilo. Nkoli yakwe Aloni ayalo yakabikwa pantu pomwi anshisho. 7Kuswawaawo, Mose wakabika nkoli shoonse muTente, kunembo lya Libokoshi lya Cipangano ca Mwaami Lesa. 8Ingayi bushiku bwakaboolaawo Mose ndyaakenjila MuTente, wakabona nkoli yakwe Aloni, iyo yakalinga kwiimikanina mukowa wa bene Lefi, yasonsa. Maluba akasapuka, yakacata ashisepo shipite shiitwa ayi alimondi! 9Lyalo Mose wakabwesa inkoli shoonse akuya mukubonesha bene Isilaeli. Bakabona cakacitika, mpeeke mutanjilili uli woonse wakabwesa nkoli yakwe. 10Kuswawaawo Mwaami Lesa wakaambila Mose ayi, “Boosha nkoli yakwe Aloni kunembo lya Libokoshi lya Cipangano. Ilyeelete kubikwa ayi njakucenjesha bene Isilaeli abo beshikubukila bamatanjilili ayi balaakufwa na kutongooka kwabo kubule kumana.”#Ebulu 9:4 11Alakwe Mose wakacita kweelana abwakaamba Mwaami Lesa.
12Bene Isilaeli bakaambila Mose ayi, “Ono nditwamanaawobo soonse! 13Na muntu uli woonse weenga wasenabo pafwaafwi aTente ya Cipangano ulyeelete kufwa, nkokwaamba ayi swebo soonse tuli shuumbwe sheenda!”
Currently Selected:
Shakubelenga 17: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
