Shakubelenga 14
14
Bantu mbobakatongooka
1Ono mashiku oonse bantu bakalila cakuungumana abuumbi. 2Bakalinga kutongookela Mose aAloni kabaamba ayi, “Nicakabota kufwita mucishi ca Ijipiti nabi momuno muluyanga! 3Ino Mwaami Lesa utootutolelanshi mucishi ico? Swebo tulaakucaikwa munkondo, alimwi bamakeesu abana besu balaakucatwa. Sa inga taciboti kuboolelabo kucishi ca Ijipiti?” 4Mpeeke bakalinga kwaamba beene abeene ayi, “Atusale mutanjilili tuboolele kucishi ca Ijipiti!”
5Lyalo Mose aAloni bakafukama cakushisha shiwa panshi kunembo lya bene Isilaeli boonse. 6Mpomunyaawo Joshuwa mwanaakwe Nani alimwi aKalebu mwanaakwe Jefune, bobilo pabaabo basenseshi bakakwamuna shakufwala shabo mubuumba, 7akwaambila bene Isilaeli boonse ayi, “Cishi ico ncetwakaya mukubona ncibotu abuumbi. 8Na Mwaami Lesa ulikondetwe muli ndiswe, ulaakututola nkomunya uko akutupa cishi muli bubile abulongo bubotu.#Ebulu 3:16 9Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.” 10Mpeeke bantu boonse bakayeeya kucaya Joshuwa aKalebu kumabwe, sombi paciindi ceenka ico, bene Isilaeli bakabona bulemu bwa Mwaami Lesa paTente lya Cipangano.
Mose mbwaakapailila bene Isilaeli
11Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo? 12Ono ndaakubatumina mwaalu ubanyonyoole, sombi webo ndaakulengesha ayi ukabe mushali wa mushobo unene ucite nkusu kwiinda wa baaba!”
13Sombi Mose wakaambila Mwaami Lesa ayi, “Mwebo mwakakusha bantu aba mucishi ca Ijipiti kwiinda munkusu shanu. Na bene Ijipiti bakanyumfwe nshemwacita kubantu banu, 14balaakulwiita bantu bekala mucishi ici. Bantu aba banyumfwa kale ayi mwebo noBaami baLesa, muli aswebo. Mulaboneka patuba na likumbi lyanu lyeemikana peculu lyesu, alimwi ayi mulatutanjilila mulicincilo lya likumbi ciindi ca malumwi, amulicincilo lya mulilo ciindi ca mashiku. 15Ono na bantu banu boonse mubacaaye, mishobo yoonse yakanyumfwa mpuwo yanu, ilaakwaamba ayi 16mwakacaya bantu banu muluyanga mukwiinga tamukwe kukonsha kubashisha mucishi ncemwakabalasha. 17Aboobo bulya noBaami baLesa ndaseenga ayi nkusu shanu shiboneke kweelana ambomwakaamba ayi, 18‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’#Kulo 20:5-6; 34:6-7; Duto 5:9-10; 7:9-10 19Ono pacecino ciindi noBaami baLesa, kweelana akukomena kwa lusuno lwanu lutapilooki, amulekelele bantu aba cibiibi cabo, bweenka mbuli mbomwalinga kubalekelela kuswabo ndibakaswa mucishi ca Ijipiti tibili asunu.”#Kulo 32:11-14
20Alakwe Mwaami Lesa wakakumbula ayi, “Ndabalekelela kweelana ambowansenga. 21Sombi ntokwaambilisha ayi kweelana amboondi muumi alimwi abulemu bwangu buliswite cishi coonse ca panshi, 22taaku nabi womwi pabaaba bantu eshi akashikeeko kucishi cilya. Bakabona bulemu bwangu alimwi ashaankamiko nshendakacita mucishi ca Ijipiti amuluyanga, sombi banjelesha lyobilo lyobilo akukaka kunyumfwila. 23Anu teshi bakenjile mucishi ico ncendakalasha bamashali babo bakulukulu. Pabaabo bakankaka taapu nabi womwi eshi akeeleshe kwinjilaamo.#Ebulu 3:18 24Sombi mukwiinga musebenshi wangu Kalebu ulicite bwikaalo bupusene alimwi watolelela kunyumfwila ca moyo woonse, ndaakumushisha mucishi ico ncaakabona alimwi bamulunyungu bakwe balaakuba mbobene cishi ico.#Joshu 14:9-12 25Ono ceebo cakwaamba ayi bene Amaleki abene Kenani balekala mushinyika, ciilo mukaboolele muluyanga kululama kulubasu lwa kuLweenge Lusalala.”
Mwaami Lesa mbwaakapa bantu mulandu ceebo cakutongooka
26Kuswawaawo Mwaami Lesa wakaambila Mose aAloni ayi, 27“Ino bamucita shibi aba batootola ciindi cilaamfu buyani kabacitongooka? Matongooshi aya andemya kwaanyumfwa! 28Ono amubalwiite ayi, ‘Ntoomulwiitilisha ayi bweenka mboondi muumi, ntoomucitila ceenka ncemwasenga. Nebo ndime Mwaami Lesa. 29Mulaakufwa alimwi mituntu yanu ilaakwisulabo luyanga loonse luno mukwiinga mwantogooka. Taaku nabi womwi ucite myaaka makumi obilo ayiindaawo eshi akenjile mucishi ico.#Ebulu 3:17 30Ndakamulasha ayi mulaakwikalaamo, sombi taaku weshi akeekaleemo kukushakobo Kalebu mwanaakwe Jefune alimwi aJoshuwa mwanaakwe Nani. 31Mwebo mwakaamba ayi bana banu balaakucatwa, sombi ndaakubaleta mucishi ico ncemwakakaka alimwi cilaakuba cinebo. 32Ono mwebo mulaakufwita muluyanga mweenka muno. 33Bana banu balaakwiingaila muluyanga kwamyaaka ili makumi one, kabapenga ceebo ca kutashomeka kwanu kushikila wakweelaako pali ndimwe akafwe.#Mili 7:36 34Mulaakupenshekwa kwamyaaka ili makumi one ceebo ca kubisha kwanu, nkokwaamba ayi mwaaka womwi ulaakunokwiimikanina bushiku bomwi panshiku shili makumi one nshemwakasowa pakubona cishi. Lyalo mulaakwishiba mbocaamba na nebo ndamwaalookila! 35Nkokwaambilisha ayi ici ndaakucicita kuli ndimwe nobamucita shibi nomwabungana akutongooka ndime. Muluyanga mweenka muno noonse mweshi mukafwite. Nebo ndime Mwaami Lesa.’ ”
36Ono basankwa abo Mose mbwaakalinga atuma mukusensa cishi ca Kenani bakalengesha ayi bene Isilaeli boonse batongookele Mwaami Lesa kwiinda mumakani ngobakesa mukwaamba pacishi ico. 37Abo bakalengesha ayi makani akubeca aya pacishi ca Kenani anyumfwike, Mwaami Lesa wakabaletela malwashi, lyalo boonse bakafwa. 38Pabeshikusensa bali likumi abobilo pakapulukabo Joshuwa mwanaakwe Nani alimwi aKalebu mwanaakwe Jefune.
Kweelesha kutaanshi kwakukoma cishi ca Kenani
(Duto 1:41-46)
39Ono Mose ndyaakalwiita bene Isilaeli maswi akaamba Mwaami Lesa, bakalila abuumbi. 40Pabushiku bwakaboolaawo macuunsa, bakanyamuka ayi bakakome cishi ca tulundu. Mpeeke bakaamba ayi, “Ono bulya tulilibambite kuya kumusena uyo Mwaami Lesa ngwaakatulasha. Ee, ncakwiila twakabisha.”
41Sombi Mose wakaamba ayi, “Ino tamutoonyumfwililanshi Mwaami Lesa bulya? Teshi mubakoome! 42Mutayiiko mukwiinga Mwaami Lesa taabete amwebo alimwi balwani banu batoomukoma. 43Pakunoolwana abene Amaleki alimwi abene Kenani, mutoofwita munkondo. Mwaami Lesa taabete amwebo ceebo mwakaaka kumukonkela.”
44Sombi balo bakatolelela kuya kucishi ca tulundu nakubi kwaamba ayi Libokoshi lya Cipangano talikwe kulonga alimwi aMose takwe kuswa pamisumba. 45Mpeeke bene Amaleki alimwi abene Kenani abo bakalinga kwikala kooko bakatalika kulwanaabo akubakoma. Kuswawaawo bakabatandaanya akwisa mukubashisha kundabala ya Oma.
Currently Selected:
Shakubelenga 14: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 14
14
Bantu mbobakatongooka
1Ono mashiku oonse bantu bakalila cakuungumana abuumbi. 2Bakalinga kutongookela Mose aAloni kabaamba ayi, “Nicakabota kufwita mucishi ca Ijipiti nabi momuno muluyanga! 3Ino Mwaami Lesa utootutolelanshi mucishi ico? Swebo tulaakucaikwa munkondo, alimwi bamakeesu abana besu balaakucatwa. Sa inga taciboti kuboolelabo kucishi ca Ijipiti?” 4Mpeeke bakalinga kwaamba beene abeene ayi, “Atusale mutanjilili tuboolele kucishi ca Ijipiti!”
5Lyalo Mose aAloni bakafukama cakushisha shiwa panshi kunembo lya bene Isilaeli boonse. 6Mpomunyaawo Joshuwa mwanaakwe Nani alimwi aKalebu mwanaakwe Jefune, bobilo pabaabo basenseshi bakakwamuna shakufwala shabo mubuumba, 7akwaambila bene Isilaeli boonse ayi, “Cishi ico ncetwakaya mukubona ncibotu abuumbi. 8Na Mwaami Lesa ulikondetwe muli ndiswe, ulaakututola nkomunya uko akutupa cishi muli bubile abulongo bubotu.#Ebulu 3:16 9Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.” 10Mpeeke bantu boonse bakayeeya kucaya Joshuwa aKalebu kumabwe, sombi paciindi ceenka ico, bene Isilaeli bakabona bulemu bwa Mwaami Lesa paTente lya Cipangano.
Mose mbwaakapailila bene Isilaeli
11Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo? 12Ono ndaakubatumina mwaalu ubanyonyoole, sombi webo ndaakulengesha ayi ukabe mushali wa mushobo unene ucite nkusu kwiinda wa baaba!”
13Sombi Mose wakaambila Mwaami Lesa ayi, “Mwebo mwakakusha bantu aba mucishi ca Ijipiti kwiinda munkusu shanu. Na bene Ijipiti bakanyumfwe nshemwacita kubantu banu, 14balaakulwiita bantu bekala mucishi ici. Bantu aba banyumfwa kale ayi mwebo noBaami baLesa, muli aswebo. Mulaboneka patuba na likumbi lyanu lyeemikana peculu lyesu, alimwi ayi mulatutanjilila mulicincilo lya likumbi ciindi ca malumwi, amulicincilo lya mulilo ciindi ca mashiku. 15Ono na bantu banu boonse mubacaaye, mishobo yoonse yakanyumfwa mpuwo yanu, ilaakwaamba ayi 16mwakacaya bantu banu muluyanga mukwiinga tamukwe kukonsha kubashisha mucishi ncemwakabalasha. 17Aboobo bulya noBaami baLesa ndaseenga ayi nkusu shanu shiboneke kweelana ambomwakaamba ayi, 18‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’#Kulo 20:5-6; 34:6-7; Duto 5:9-10; 7:9-10 19Ono pacecino ciindi noBaami baLesa, kweelana akukomena kwa lusuno lwanu lutapilooki, amulekelele bantu aba cibiibi cabo, bweenka mbuli mbomwalinga kubalekelela kuswabo ndibakaswa mucishi ca Ijipiti tibili asunu.”#Kulo 32:11-14
20Alakwe Mwaami Lesa wakakumbula ayi, “Ndabalekelela kweelana ambowansenga. 21Sombi ntokwaambilisha ayi kweelana amboondi muumi alimwi abulemu bwangu buliswite cishi coonse ca panshi, 22taaku nabi womwi pabaaba bantu eshi akashikeeko kucishi cilya. Bakabona bulemu bwangu alimwi ashaankamiko nshendakacita mucishi ca Ijipiti amuluyanga, sombi banjelesha lyobilo lyobilo akukaka kunyumfwila. 23Anu teshi bakenjile mucishi ico ncendakalasha bamashali babo bakulukulu. Pabaabo bakankaka taapu nabi womwi eshi akeeleshe kwinjilaamo.#Ebulu 3:18 24Sombi mukwiinga musebenshi wangu Kalebu ulicite bwikaalo bupusene alimwi watolelela kunyumfwila ca moyo woonse, ndaakumushisha mucishi ico ncaakabona alimwi bamulunyungu bakwe balaakuba mbobene cishi ico.#Joshu 14:9-12 25Ono ceebo cakwaamba ayi bene Amaleki abene Kenani balekala mushinyika, ciilo mukaboolele muluyanga kululama kulubasu lwa kuLweenge Lusalala.”
Mwaami Lesa mbwaakapa bantu mulandu ceebo cakutongooka
26Kuswawaawo Mwaami Lesa wakaambila Mose aAloni ayi, 27“Ino bamucita shibi aba batootola ciindi cilaamfu buyani kabacitongooka? Matongooshi aya andemya kwaanyumfwa! 28Ono amubalwiite ayi, ‘Ntoomulwiitilisha ayi bweenka mboondi muumi, ntoomucitila ceenka ncemwasenga. Nebo ndime Mwaami Lesa. 29Mulaakufwa alimwi mituntu yanu ilaakwisulabo luyanga loonse luno mukwiinga mwantogooka. Taaku nabi womwi ucite myaaka makumi obilo ayiindaawo eshi akenjile mucishi ico.#Ebulu 3:17 30Ndakamulasha ayi mulaakwikalaamo, sombi taaku weshi akeekaleemo kukushakobo Kalebu mwanaakwe Jefune alimwi aJoshuwa mwanaakwe Nani. 31Mwebo mwakaamba ayi bana banu balaakucatwa, sombi ndaakubaleta mucishi ico ncemwakakaka alimwi cilaakuba cinebo. 32Ono mwebo mulaakufwita muluyanga mweenka muno. 33Bana banu balaakwiingaila muluyanga kwamyaaka ili makumi one, kabapenga ceebo ca kutashomeka kwanu kushikila wakweelaako pali ndimwe akafwe.#Mili 7:36 34Mulaakupenshekwa kwamyaaka ili makumi one ceebo ca kubisha kwanu, nkokwaamba ayi mwaaka womwi ulaakunokwiimikanina bushiku bomwi panshiku shili makumi one nshemwakasowa pakubona cishi. Lyalo mulaakwishiba mbocaamba na nebo ndamwaalookila! 35Nkokwaambilisha ayi ici ndaakucicita kuli ndimwe nobamucita shibi nomwabungana akutongooka ndime. Muluyanga mweenka muno noonse mweshi mukafwite. Nebo ndime Mwaami Lesa.’ ”
36Ono basankwa abo Mose mbwaakalinga atuma mukusensa cishi ca Kenani bakalengesha ayi bene Isilaeli boonse batongookele Mwaami Lesa kwiinda mumakani ngobakesa mukwaamba pacishi ico. 37Abo bakalengesha ayi makani akubeca aya pacishi ca Kenani anyumfwike, Mwaami Lesa wakabaletela malwashi, lyalo boonse bakafwa. 38Pabeshikusensa bali likumi abobilo pakapulukabo Joshuwa mwanaakwe Nani alimwi aKalebu mwanaakwe Jefune.
Kweelesha kutaanshi kwakukoma cishi ca Kenani
(Duto 1:41-46)
39Ono Mose ndyaakalwiita bene Isilaeli maswi akaamba Mwaami Lesa, bakalila abuumbi. 40Pabushiku bwakaboolaawo macuunsa, bakanyamuka ayi bakakome cishi ca tulundu. Mpeeke bakaamba ayi, “Ono bulya tulilibambite kuya kumusena uyo Mwaami Lesa ngwaakatulasha. Ee, ncakwiila twakabisha.”
41Sombi Mose wakaamba ayi, “Ino tamutoonyumfwililanshi Mwaami Lesa bulya? Teshi mubakoome! 42Mutayiiko mukwiinga Mwaami Lesa taabete amwebo alimwi balwani banu batoomukoma. 43Pakunoolwana abene Amaleki alimwi abene Kenani, mutoofwita munkondo. Mwaami Lesa taabete amwebo ceebo mwakaaka kumukonkela.”
44Sombi balo bakatolelela kuya kucishi ca tulundu nakubi kwaamba ayi Libokoshi lya Cipangano talikwe kulonga alimwi aMose takwe kuswa pamisumba. 45Mpeeke bene Amaleki alimwi abene Kenani abo bakalinga kwikala kooko bakatalika kulwanaabo akubakoma. Kuswawaawo bakabatandaanya akwisa mukubashisha kundabala ya Oma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.