Shakubelenga 12
12
Milyamu mbwaakapekwa mulandu
1Ono Milyamu aAloni bakatalika kutongookela Mose ceebo wakeeba mwanakashi mwine Kushi. 2Lyalo bakaamba ayi, “Sa Mwaami Lesa ulaambilabo muli Mose eenka? Sa taakwe kwaambilawo kale kwiinda muli ndiswe?” Mpomunyaawo Mwaami Lesa wakanyumfwa nshebakaamba. 3Mose wakalinga muntu shikuliceesha kwiinda muntu uli woonse mucishi ca panshi.
4Paciindi ceenka ico Mwaami Lesa wakaambila Mose, Aloni alimwi aMilyamu ayi, “Kamwisa kuTente ya Cipangano noonse notatwe.” Lyalo boonse bakaya. 5Mpeeke Mwaami Lesa wakesa mulicincilo lya likumbi, weemikana pamulyango wa Tente, akwiita Aloni aMilyamu. Mpomunyaawo bobilo abo bakasena kunembo. 6Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto. 7Sombi cilipusene na ntokwaamba amusebenshi wangu Mose. Ndakamubika ayi anokweendelesha bantu bangu bene Isilaeli.#Ebulu 3:2 8Aboobo ndaamba anguwe bweenka mbuli muntu mbwaamba amubye, kaanyumfwite kuteshi mumapinda. Lakwe wakabonaawo ambomboneka! Nceebonshi ncemwabulila boowa kutongooka musebenshi wangu Mose?”
9Mpeeke Mwaami Lesa wakabakalalila akubashiya. 10Likumbi ndilyakaswa paTente, paciindi ceenka ico Milyamu wakaba abulwashi bwa manata akuboolabo tuu anga mbusu. Ono Aloni ndyaakamulangilisha akubona ayi waba abulwashi ubo, 11wakaambila Mose ayi, “Ndapapaata nkambo, ayi mutatulengeshi kuba amulandu uyu ceebo ca cibiibi ca buluya bwesu. 12Mutamuleeki ayi abe anga ngumwaana washalwa kaafwite, amusa wa mubili wakwe koolitwe.”
13Lyalo Mose wakalilila Mwaami Lesa ayi, “NobaLesa, amumushilike!” 14Alakwe Mwaami Lesa wakakumbula ayi, “Baishi nibakamushipila mate kumeenso, naakwiinga wekala nshiku shosanwe ashobilo mumusebaanyo wakwe. Mbweeke ubo atanoonjila mumisumba kwansondo yomwi. Kuswawaawo ndyeshi akabooshekwe mukati.”#Shakube 5:2-3 15Paceebo ceeci Milyamu taakalinga kwiinjila mumisumba kwanshiku shosanwe ashobilo. Abalo bantu tabakwe kulonga kushikila ndibakamuboosha mukati. 16Kuswawaawo bakaswa kuAseloti akuya mukuyakila muluyanga lwa Palani.
Currently Selected:
Shakubelenga 12: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
