Mateyo MAKANI ATAANSHI
MAKANI ATAANSHI
Makani Abotu akalemba Mateyo alatulwiita ayi Jesu ngoMupulushi bantu ngobakashomeshekwa, umo Lesa mwaakacitila cancinencine isho shoonse nshaakashomesha abo bakapekwa Cipangano Cikulukulu. Ono Makani Abotu aya teshibo a baJuda uko nkwaakashalilwa akwikala, sombi nga bantu boonse ba mucishi ca panshi.
Libuku ili lilatalika akushalwa kwakwe Jesu, kubombekwa kwakwe akusunkwa alimwi ambwaakatalika mulimo wakwe wakushimikila, kwiisha akushilika muGalili. Kuswa sheeshi muMakani Abotu aya mulilembetwe shalweendo lwakwe kuswa muGalili kushika kuJelusalemu alimwi ashintu shimwi shakacitika munsondo yakwe yakweelaako isho shakeela mukupopwa kwakwe pamucilingano akubushikwa kuswa kubafu.
Makani Abotu aya aleemika Jesu ayi ngoMufundishi wiindaawo uyo ucite nkusu shakusansulula Milawo yakwe Lesa alimwi wiisha paBweene bwakwe Lesa. Kwiisha kwakwe mulibuku ili, bunene kuli mumitwi ya makani yosanwe. 1. Jesu mbwaakashimikila pakalundu. Umu mulacanika makani a mibo ya muntu, sheelete kucita bantu, shoolwe nshebeelete kupekwa amusena wa baabo beshi bakenjile muBweene bwa kwiculu (munyinsa ya 5—7). 2 Milasho yakapekwa bashikwiiya bali likumi abobilo ndibakatumwa (munyinsa ya 10). 3. Shikoshanyo shaBweene bwa kwiculu (munyinsa ya 13). 4. Kwiisha pakuba shikwiiya mbocaamba (munyinsa ya 18). 5. Kwiisha shakumana kwa cishi cino akwisa kwa Bweene bwa kwiculu (munyinsa ya 24—25).
Mundando wa Shiliimo amoshicanika
Bamashali bakulukulu mbobakonkelene akushalwa kwakwe Jesu Klistu 1:1—2:23
Mulimo wakwe Joni Mubombeki 3:1-12
Kubombekwa akusunkwa kwakwe Jesu 3:13—4:11
Mulimo wakwe Jesu kubantu ba muGalili 4:12—18:35
Kuswa kuGalili kushika kuJelusalemu 19:1—20:34
Nsondo yakweelaako yakwe Jesu pacishi ca panshi 21:1—27:66
Shakubuka kuswa kubafu ambwaakaboneka Mwaami Jesu 28:1-20
Currently Selected:
Mateyo MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.