Bene Ebulu MAKANI ATAANSHI
MAKANI ATAANSHI
Nkalata yakalembelwa bene Ebulu, yakatumwa kulikoto lya bene Klistu abo bakalinga kweelela kuleka lushomo lwa bwine Klistu ceebo cakupikishikwa kwakalinga kuya cikomena. Mulembi wakabayumyayumya kwiinda mukubabonesha ayi Jesu Klistu nkokuyubulula kwakwe Lesa kwa mamanino alimwi kwa lushinisho.
Mukucita boobo wakeemika shikani shotatwe. Citaanshi, ncakwaamba ayi Jesu ngoMwanaakwe Lesa wamuyayaya, uyo wakeeya kunyumfwila baIshi calushinisho kwiinda mumapensho ngaakeendaamo cakutatama. Ono kweelana ambwaabete Mwanaakwe Lesa, Jesu ngumunene pabalaluki ba muCipangano Cikulukulu, baanjelo, apali Mose mwiine. Cabili, ncakwaamba ayi Lesa mwiine ngowakabika Jesu kuba Mupailishi Munene Wiindaawo wamuyayaya. Aboobo ngumunene kwiinda bapailishi ba muCipangano Cikulukulu. Cakweelaako, ncaakwaamba ayi kwiinda muli Jesu mushomi ulapulushikwa kuswa kububi, boowa akulufu. Jesu mukuba Mupailishi Munene Wiindaawo, ngoopa lupulusho lwalushinisho ulo lwakalinga kwiimikaninwabo kumilawo yakulisalasha akubengwa kwa milambu mubupailo bwa ciJuda.
Kwiinda mumukoshanyo wa bene Isilaeli bamwi bakulukulu bakalinga kupukite kushomeka, mulembi wakasengesha bene nkalata iyi ayi banooshomeka lyoonse kushikila akumeelelesho. Meenso abo lyoonse aabe pali Jesu ayi bakome mapensho amakatasho ali oonse akwiinga abashikila. Cakweelaako, mulibuku ili ngamaswi akufunda akucenjesha.
Mundando wa Shiliimo amoshicanika
Makani ataanshi: Klistu nkokuyubulula kwakwe Lesa kumaninite 1:1-3
Klistu mbwaabete munene pali baanjelo 1:4—2:18
Klistu mbwaabete munene pali Mose aJoshuwa 3:1—4:13
Bupailishi bwakwe Klistu mbobwiindaawo 4:14—7:28
Cipangano cakwe Klistu mbociindaawo 8:1—9:28
Mulambu wakwe Jesu mbowiindaawo 10:1-39
Lushomo mbolubete cintu cakutaanguna 11:1—12:29
Kukondelesha Lesa 13:1-19
Mupailo wakumanisha 13:20-21
Maswi akweelaako 13:22-25
Maswi akweelaako 13:22-25
Currently Selected:
Bene Ebulu MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.