Matalikilo 36
36
Bamulunyungu lwakwe Esau
(1 Maka 1:34-37)
1Aba mbobamulunyungu lwakwe Esau uyo wiitwa alya Edomu. 2Esau wakeeba balutundu bene Kenani. Mutaanshi nguAda mwanaakwe Eloni mwine Iti, umwi nguOolibama mwanaakwe Ana mwaana musankwa wakwe Sibyoni mwine Ifi.#Mata 26:34 3Aumwi nguBasemati mwanaakwe Ishimaeli alimwi nankashi yakwe Nebayoti.#Mata 28:9 4Ada wakashala Elifasi, Basemati wakashala Luwelo, 5alakwe Oolibama wakashala Jeyushi, Jalamu, alimwi aKola. Aba baana basankwa boonse Esau wakabashalila kucishi ca Kenani.
6Kuswakooko Esau wakabwesa bamakaakwe, bana bakwe basankwa abanakashi. Wakabwesa bamuŋanda yakwe bamwi boonse, shifubwa ashintu shakwe shoonse nshaakabaasho mucishi ca Kenani. Wakaswaako uko akuya kucishi cimwi kushiya Jakobo mukwabo. 7Wakaswaako ceebo musena mpobakalinga kushiite aJakobo wakaceya kwaamba ayi boonse bobilo kabashiite pantu pomwi. Bakalinga kufubite abuumbi cakwaamba ayi cakayuma kwikala boonse. 8Aboobo Esau wakekala mucishi ca tulundu ciitwa ayi Edomu.
9Bamulunyungu lwakwe Esau nkokwaamba ayi bashali bakulukulu ba bene Edomu mbaaba. 10Elifasi mwanaakwe Ada muka Esau, Luwelo mwanaakwe Basemati muka Esau.
11Elifasi wakashala baana basankwa, meena abo ngaaya, Temani, Oma, Sefo, Gatamu aKenasi. 12Elifasi wakalinga kucite kasuwa wiitwa ayi Timuna uyo wakamushalila Amaleki. Aba bakalinga bashikulu bakwe Ada muka Esau.
13Luwelo alakwe wakashala bana basankwa ameena abo ngaaya, Naati, Sela, Shama, aMisa. Aba bakalinga bashikulu bakwe Basemati muka Esau.
14Muka Esau, Oolibama mwanaakwe Ana mwanakashi, mwanaakwe Sibyoni musankwa wakashala baana botatwe basankwa. Meena abo ngaaya, Jeyushi, Jalamu alimwi aKola.
15Iyi njemikowa yakaswa mulunyungu lwakwe Esau. Mwanaakwe Esau musankwa mutaanshi, Elifasi ngumushali mukulukulu wa mikowa iyi, Temani, Oma, Sefo, Kenasi, 16Kola, Gatamu alimwi aAmaleki. Aba boonse bakalinga bamulunyungu lwakwe Ada muka Esau.
17Luwelo mwanaakwe Esau musankwa wakalinga ngomushali mukulukulu wa mikowa iyi, Naati, Sela, Shama, aMisa. Aba boonse bakalinga bamulunyungu lwakwe Basemati muka Esau. 18Mikowa yakaswa mulunyungu lwakwe Oolibama muka Esau mwanaakwe Ana mwanakashi njeeyi, Jeyushi, Jalamu alimwi aKola. 19Iyi yoonse mikowa yakaswa mulunyungu lwakwe Esau.
Bamulunyungu lwakwe Siya
(1 Maka 1:38-42)
20Bana basankwa bakwe Siya mwine Oli bakalinga kwikala mucishi ico mbaaba. Lotani, Shobali, Sibyoni, Ana, 21Dishoni, Esa alimwi Dishani. Aba bakalinga mbobamaami ba bene Oli mucishi ca Edomu.
22Lotani wakalinga ngomushali mukulukulu wa mikowa iyi, Oli aEmani. Lotani wakalinga kucite nankashi yakwe wiitwa ayi Timuna.
23Shobali wakalinga ngomushali mukulukulu wa mikowa iyi, Alafani, Manaati, Ebali, Shefo alimwi aOnamu.
24Sibiyoni wakalinga kucite baana basankwa bobilo, Aiya aAna. Uyu ngoAna wakacana kantupu ka maanshi alungula muluundu kaaembela mbongolo sha baishi. 25-26Ana wakalinga ngoishi Dishoni uyo wakalinga mushali mukulukulu wa mikowa iyi, Emudani, Eshibani, Itilani aKelani. Ana wakashala amwanakashi wakatumbwa ayi Oolibama.
27Esa wakalinga ngomushali mukulukulu wa mikowa iyi, Biluani, Safani alimwi aAkani. 28Dishani wakalinga ngomushali mukulukulu wa mikowa iyi, Usi alimwi aAlani. 29Mikowa ya bene Oli mucishi ca Edomu njeeyi, Lotani, Shobali, Sibyoni, Ana, 30Dishoni, Esa, aDishani.
Bamaami ba muEdomu
(1 Maka 1:43-54)
31Meena a baami bakeendelesha cishi ca Edomu mukubalana, mucishi ca Isilaeli kamutana kuba mwaami nabi womwi, ngaaya. 32Bela mwanaakwe Beyo. Ndabala yakwe inene yakatumbwa ayi Dinaaba. 33Bela ndyaakafwa, Jobabu mwanaakwe Sela kuswa kuBosila ngowakapyana bwaami bwakwe. 34Jobabu ndyaakafwa, Ushamu kuswa kucishi ca bene Temani ngowakapyana bwaami bwakwe. 35Ushamu ndyaakafwa, Adadi mwanaakwe Bedadi uyo wakakoma bene Midyani kunkondo yakalinga mucishi ca Moabu, ngowakapyana bwaami bwakwe. Ndabala yakwe inene yakeetwa ayi Afiti. 36Adadi ndyaakafwa, Samula kuswa kuMasileka, ngowakapyana bwaami bwakwe. 37Samula ndyaakafwa, Shaulo kuswa kuLeoboti muloombe lwa mulonga, ngowakapyana bwaami bwakwe. 38Shaulo ndyaakafwa, Baali Anani mwanaakwe Akibo musankwa, ngowakapyana bwaami bwakwe. 39Baali Anani mwanaakwe Akibo ndyaakafwa, Adadi ngowakapyana bwaami bwakwe. Ndabala yakwe inene yakatumbwa ayi Pau alimwi mukaakwe wakalinga Meetabelo, mwanaakwe Matiledi alimwi mwishikulu mwanakashi wakwe Mesaabu.
40Esau wakalinga ngomushali mukulukulu wa mikowa ya bene Edomu iyi, Timuna, Alufa, Jeteti, 41Oolibama, Ela, Pinoni, 42Kenasi, Temani, Mibusa, 43Magidiyelo alimwi aIlamu. Musena uli woonse uko mukowa womwi awomwi nkowakalinga kwikalila kuleetwa liina lyeenka lya mukowa uyo.
Currently Selected:
Matalikilo 36: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
