Esekelo 2
2
Lesa mbwaakeeta Esekelo kuba mulaluki
1Mpomunyaawo wakaŋambila ayi, “Webo omuntu, nyamuka mbandike kuli ndiwe.” 2Kaacaamba, Mushimu wakwe Lesa wakenjila muli ndime akunengesha kwiimikana. Lyalo ndakamunyumfwa kaabandika kuli ndime.
3Wakaamba ayi, “Webo omuntu, ntookutuma kubene Isilaeli, mushobo waashu uyo wakangashukila. Balo alimwi abamashali babo bakulukulu bakangashukila kushikila asunu. 4Bantu abo tabanyumfwi alimwi mbeshicimpamya. Ono uye ubalwiitebo nebo neMwaami Lesa Shinkusu shoonse nsheshi nkaambe. 5Nabi bakanyumfwe nabi batakanyumfwi ceebo mbaashu, balaakwishiba ayi palinga mulaluki pakati kabo.
6“Ono webo omuntu, utabaloondi nabi kututuma kusheesho nshebaamba. Utaloondi nakubi kwaamba ayi shisonsoonya amyuumfwa shoonse shilikushingulukite alimwi bwikaalo bwako buli anga uli pakati ka ntalaŋongo. Utaloondi nshebaamba nabi kuloonda mbabo nakubi kwaamba ayi mbaashu. 7Webo ubalwiitebo maswi angu nabi bakanyumfwe nabi batakanyumfwi ceebo mbaashu.
8“Sombi webo omuntu, kutika nsheshi nkulwiite. Utaashuki mbuli bwakaashuka bantu aba. Cenama ulye nceshi nkupe.”
9Mpomunyaawo ndakalangilisha akubona lyaansa lyakalinga kutambikitwe kuli ndime. Muli ndilyo mwakalinga cakulembelaawo 10ico ncaakafungulula kunembo lyangu. Cakalinga kulembetwe maswi abuumba, akulila alimwi amaswi amapensho kumbasu shoonse shobilo.#Ciyu 5:1
Currently Selected:
Esekelo 2: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.