Kulonga 37
37
Mbobakapanga Libokoshi lya Cipangano
(Kulo 25:10-22)
1Mpomunyaawo Besalelo wakapanga Libokoshi lya Cipangano lya cisamu ca mulombe, lili masentimita ali 110 mubulaamfu, masentimita ali 66 mubufwaafwi alimwi amasentimita 66 kuya mwiculu. 2Wakalinanika golodi wiine wiine peculu alimwi amukati moonse, alimwi akulishingulusha mutika wa golodi mweela. 3Wakapangilaako nkobeko shone sha golodi akushicatisha kumyeendo ili yone. Nkokwaamba ayi kulubasu lomwi shobilo akumwi shobilo. 4Mpeeke wakapanga shisamu sha mulombe shakunyamwisha washinanika golodi pansengwe 5akushinjisha mumalyango a nkobeko shili kumbasu isho shobilo sha Libokoshi shakulitembeshaako. 6Wakapanga cifwekesho ca nkumbu ca golodi wiine wiine cicite masentimita ali 110 mubulaamfu alimwi amasentimita ali 66 mubufwaafwi. 7Wakapanga ashintu shobilo sha golodi wakufula shicite mapapaminwa shiitwa ayi bakelebu, 8akushibika comwi kweela cifwekesho acimwi kweela. Shintu shobilo isho shakalinga kunoocatenebo acifwekesho. 9Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho.
Mbobakapanga tebulu ya shimaande shipekwa kuli Lesa
(Kulo 25:23-30)
10Wakapanga tebulu ya cisamu ca mulombe yakalinga masentimita ali 88 mubulaamfu, masentimita ali 44 mubufwaafwi alimwi aali 66 kuya mwiculu. 11Wakeebika golodi wiine wiine peculu alimwi amutika wa golodi mweela moonse. 12Mpeeke wakapangilaako shamweela shili mamilimita 75, alimwi amutika wa golodi pasheesho shamweela. 13Wakapangilaako nkobeko shone sha golodi akushibika mumakonko a tebulu umo muli myeendo. 14Nkobeko isho mweshi mukabe shisamu sha kunyamwisha tebulu, wakashibika pafwaafwi ashamweela. 15Wakapanga shisamu sha mulombe akushinanika golodi. 16Kuswawaawo wakapanga mbale, nkomeshi, nongo alimwi mbale shifongomene ayi shoonse shikanoosebenseshekwa pakupa shipo kuli Lesa. Shoonse ishi shakaba sha golodi wiine wiine.
Mbobakapanga cakubikawo malampi
(Kulo 25:31-40)
17Lyalo wakapanga cakubikawo malampi ca golodi wiine wiine. Capanshi alimwi amunkonti shakaba sha golodi wakufula, maluba a kucibotesha, kubikaawo amifuko ya buluba alimwi amatewu amweela, shoonse shakalinga kunoocatenebo acakubikawo malampi.
18Ono mumbasu sha cakubikawo malampi ici mwakaswa misampi yosanwe awomwi, kulubasu lumwi kwakaswa yotatwe, akwalo kumwi yotatwe. 19Musampi womwi awomwi wa misampi yosanwe awomwi iyo, wakaba amaluba otatwe akuubotesha ali anga ngamaluba a alumondi, kaacite amifuko ya buluba alimwi amatewu mweela. 20Kumunkonti wa cakubikawo malampi wakabikaako maluba one akuubotesha, ali anga ngamaluba a alumondi, kaacite amifuko ya buluba alimwi amatewu mweela. 21Muunshi lya misampi yotatwe yoonse kulubasu lomwi lomwi wakabikaako mufuko wa buluba womwi. 22Anu mifuko ya buluba iyi, misampi, alimwi acakubikawo malampi, shakalinga cintu comwi ca golodi wiine wiine yakufula. 23Pacakubikawo malampi, wakapangilaawo malampi osanwe aobilo alimwi wakapanga amano alimwi ambale shiselebete sha ncico sha golodi wiine wiine. 24Pakupanga cakubikawo malampi alimwi ashintu shimwi shoonse sha kuli ncico, wakasebensesha makilogilamu a golodi wiine wiine ali 35.
Mbobakapanga cipaililo cakutentelawo tununkila kabotu pakutenta
(Kulo 30:1-5)
25Wakapanga cipaililo ca cisamu ca mulombe cakutentelawo tununkila kabotu pakutenta. Cakalinga kunokweelenebo mumbasu shoonse, nkokwaamba ayi masentimita ali 45 koonse koonse, sombi masentimita ali 90 kuya mwiculu. Shintu shili anga ngameeca shone isho shili pamakonko one, shilyeelete kunoocatenebo acipaililo. 26Peculu, mumbasu shoonse shone alimwi ashintu shili anga ngameeca, moonse wakananikaamo golodi wiine wiine. Alimwi mweela wakashingulushaamo mutika wa golodi. 27Mumbasu shobilo sha cipaililo, wakapangilaamo shakukobekaamo sha golodi shobilo umo mwakunoobikwa shisamu shakunyamwisha cipaililo. Shakukobekaamo isho wakashipangila munshi lya mutika. 28Wakapanga shisamu shakunyamwisha sha cisamu ca mulombe isho nshaakananika golodi.
Mbobakapanga mafuta akunanika alimwi atununkila kabotu pakutenta
(Kulo 30:33-38)
29Alimwi wakapanga mafuta asalalite akunanika, alimwi atununkila kabotu, asenkanishitwe ali anga ngamafuta acite bweema bubotu.#Kulo 30:22-38
Currently Selected:
Kulonga 37: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 37
37
Mbobakapanga Libokoshi lya Cipangano
(Kulo 25:10-22)
1Mpomunyaawo Besalelo wakapanga Libokoshi lya Cipangano lya cisamu ca mulombe, lili masentimita ali 110 mubulaamfu, masentimita ali 66 mubufwaafwi alimwi amasentimita 66 kuya mwiculu. 2Wakalinanika golodi wiine wiine peculu alimwi amukati moonse, alimwi akulishingulusha mutika wa golodi mweela. 3Wakapangilaako nkobeko shone sha golodi akushicatisha kumyeendo ili yone. Nkokwaamba ayi kulubasu lomwi shobilo akumwi shobilo. 4Mpeeke wakapanga shisamu sha mulombe shakunyamwisha washinanika golodi pansengwe 5akushinjisha mumalyango a nkobeko shili kumbasu isho shobilo sha Libokoshi shakulitembeshaako. 6Wakapanga cifwekesho ca nkumbu ca golodi wiine wiine cicite masentimita ali 110 mubulaamfu alimwi amasentimita ali 66 mubufwaafwi. 7Wakapanga ashintu shobilo sha golodi wakufula shicite mapapaminwa shiitwa ayi bakelebu, 8akushibika comwi kweela cifwekesho acimwi kweela. Shintu shobilo isho shakalinga kunoocatenebo acifwekesho. 9Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho.
Mbobakapanga tebulu ya shimaande shipekwa kuli Lesa
(Kulo 25:23-30)
10Wakapanga tebulu ya cisamu ca mulombe yakalinga masentimita ali 88 mubulaamfu, masentimita ali 44 mubufwaafwi alimwi aali 66 kuya mwiculu. 11Wakeebika golodi wiine wiine peculu alimwi amutika wa golodi mweela moonse. 12Mpeeke wakapangilaako shamweela shili mamilimita 75, alimwi amutika wa golodi pasheesho shamweela. 13Wakapangilaako nkobeko shone sha golodi akushibika mumakonko a tebulu umo muli myeendo. 14Nkobeko isho mweshi mukabe shisamu sha kunyamwisha tebulu, wakashibika pafwaafwi ashamweela. 15Wakapanga shisamu sha mulombe akushinanika golodi. 16Kuswawaawo wakapanga mbale, nkomeshi, nongo alimwi mbale shifongomene ayi shoonse shikanoosebenseshekwa pakupa shipo kuli Lesa. Shoonse ishi shakaba sha golodi wiine wiine.
Mbobakapanga cakubikawo malampi
(Kulo 25:31-40)
17Lyalo wakapanga cakubikawo malampi ca golodi wiine wiine. Capanshi alimwi amunkonti shakaba sha golodi wakufula, maluba a kucibotesha, kubikaawo amifuko ya buluba alimwi amatewu amweela, shoonse shakalinga kunoocatenebo acakubikawo malampi.
18Ono mumbasu sha cakubikawo malampi ici mwakaswa misampi yosanwe awomwi, kulubasu lumwi kwakaswa yotatwe, akwalo kumwi yotatwe. 19Musampi womwi awomwi wa misampi yosanwe awomwi iyo, wakaba amaluba otatwe akuubotesha ali anga ngamaluba a alumondi, kaacite amifuko ya buluba alimwi amatewu mweela. 20Kumunkonti wa cakubikawo malampi wakabikaako maluba one akuubotesha, ali anga ngamaluba a alumondi, kaacite amifuko ya buluba alimwi amatewu mweela. 21Muunshi lya misampi yotatwe yoonse kulubasu lomwi lomwi wakabikaako mufuko wa buluba womwi. 22Anu mifuko ya buluba iyi, misampi, alimwi acakubikawo malampi, shakalinga cintu comwi ca golodi wiine wiine yakufula. 23Pacakubikawo malampi, wakapangilaawo malampi osanwe aobilo alimwi wakapanga amano alimwi ambale shiselebete sha ncico sha golodi wiine wiine. 24Pakupanga cakubikawo malampi alimwi ashintu shimwi shoonse sha kuli ncico, wakasebensesha makilogilamu a golodi wiine wiine ali 35.
Mbobakapanga cipaililo cakutentelawo tununkila kabotu pakutenta
(Kulo 30:1-5)
25Wakapanga cipaililo ca cisamu ca mulombe cakutentelawo tununkila kabotu pakutenta. Cakalinga kunokweelenebo mumbasu shoonse, nkokwaamba ayi masentimita ali 45 koonse koonse, sombi masentimita ali 90 kuya mwiculu. Shintu shili anga ngameeca shone isho shili pamakonko one, shilyeelete kunoocatenebo acipaililo. 26Peculu, mumbasu shoonse shone alimwi ashintu shili anga ngameeca, moonse wakananikaamo golodi wiine wiine. Alimwi mweela wakashingulushaamo mutika wa golodi. 27Mumbasu shobilo sha cipaililo, wakapangilaamo shakukobekaamo sha golodi shobilo umo mwakunoobikwa shisamu shakunyamwisha cipaililo. Shakukobekaamo isho wakashipangila munshi lya mutika. 28Wakapanga shisamu shakunyamwisha sha cisamu ca mulombe isho nshaakananika golodi.
Mbobakapanga mafuta akunanika alimwi atununkila kabotu pakutenta
(Kulo 30:33-38)
29Alimwi wakapanga mafuta asalalite akunanika, alimwi atununkila kabotu, asenkanishitwe ali anga ngamafuta acite bweema bubotu.#Kulo 30:22-38
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.