Kulonga 36
36
1“Anu Besalelo, Oolyabu alimwi abamwi boonse bacishi milimo abo Mwaami Lesa mbwaakapa lushibo alimwi abusongo bwa pamilimo, abo bacishi kupanga shintu shoonse shiyandika pakuyaka Tente isalalite, balyeelete kupanga shintu shoonse kweelana abwakaamba Mwaami Lesa.”
Bantu mbobakaleta shipo shiinji
2Mpeeke Mose wakeeta Besalelo, Oolyabu alimwi abasankwa bamwi boonse bacishi milimo abo Mwaami Lesa mbwaakapa maano alimwi bakalinga kulibambite kucafwa, akubalwiita ayi batalike kuyaka. 3Mose wakabapa shipo shoonse isho bene Isilaeli nshebakaleta ayi bayakishe Tente isalalite. Sombi bene Isilaeli bakatolelela kuleta shipo kuli Mose bwaca abwaca. 4Lyalo basankwa bacishi milimo abo bakalinga kusebensa mulimo uyo bakaya 5kuli Mose mukumulwiita ayi, “Bantu batooleta shintu shiinji kwiinda sheesho shiyandika pamulimo uyo Mwaami Lesa ngwaakaamba ayi ucitwe.”
6Paceebo ceeci Mose wakatuma nkombe iyo yakaambilishikwa mumisumba yoonse ayi taaku muntu weelete kunoocitola shipo sha kuTente isalalite. Aboobo bantu boonse bakacileka kutola shipo ashimwi, 7mukwiinga isho shakaletwa kale shakalinga shiinji kwiinda sheesho shakalinga kuyandika kumanisha mulimo woonse.
Kupanga Tente ya Cipangano
(Kulo 26:1-37)
8Ono bacishi milimo boonse pakati ka basebenshi bamwi boonse bakapanga Tente ya Cipangano. Bakapangisha shisani shibotu shiteshimite shili likumi, apo pakalinga kutungitwe booya bwa mbelele buboneka anga ndiculu, bufubelafubela abusalalabo pyu. Pakalinga kutungitwe ashintu shicite mapapaminwa shiitwa ayi bakelebu. 9Shisani shoonse shakalinga kweelenebo mubulaamfu amubufwaafwi. Shakalinga mamita ali 12 mubulaamfu amamita ali 2 mubufwaafwi. 10Kuswawaawo bakanunganya shisani shili shosanwe kwaamba ayi cikabe cisani comwi, ashalo shimwi shili shosanwe bakashicita mbomunya ubo. 11Kweela kwa lubasu lomwi lwa cisani cinene bakatungilaako mwakukobeka acisani camushobo wa liculu. Bakacita bweenka akucisani cinene cimwi. 12Mucisani cakutaanguna ico cakununga, bakatungilaako mwakukobeka muli makumi osanwe, akwalo kucisani cakununga cabili, bakatungilaako mwakukobeka muli makumi osanwe bweenka mbuli citaanshi. 13Alimwi bakapanga shakukobekesha sha golodi shili makumi osanwe shakucatanishishako shisani shobilo ishi ayi cibe comwi.
14Lyalo bakapanga acakufweka Tente ca shisani sha booya bwa mpongo shili likumi alimwi acomwi. 15Shoonse shakalinga kunokweelenebo, shakalinga mamita ali 13 mubulaamfu alimwi mamita ali 2 mubufwaafwi. 16Kuswawaawo bakatunga shisani shosanwe kwaamba ayi cibe comwi, ashalo shili shosanwe acomwi shakaba cisani comwi. 17Bakabika mwakukobeka muli makumi osanwe kweela kwa cisani cakweelaako kuceeco citaanshi, alimwi amwakukobeka muli makumi osanwe kweela kwa cisani cakweelaako kuceeco cabili. 18Mpeeke bakapanga shakukobekesha sha bulonse shili makumi osanwe akwinjisha sha mwakukobeka umo kwaamba ayi shisani shobilo isho shibe cakufweka paTente comwi. 19Ono bakapanga shakufweka paTente ya Cipangano ashimwi shobilo. Cimwi cakaba ca cipaya ca mbelele isankwa ncibakaalula kuba cisalala, acalo cimwi ca cipaya cibotu.
20Lyalo bakapanga shintu shamakonko one sha cisamu ca mulombe ayi shibe sha kuTente iyo. 21Shintu isho shoonse shakalinga mamita ali 4 mubulaamfu alimwi amasentimita ali 66 mubufwaafwi, 22alimwi bakapanga shakwiimikaninaako shobilo. Shamakonko one shoonse isho shakalinga kucite shakwiimikaninaako isho. 23Kulubasu lwa kumalenge bakabikaako shamakonko one shili makumi obilo, 24alimwi ashapanshi sha nshisho sha silifa shili makumi one, nkokwaamba ayi pacamakonko one comwi pakaba shapanshi shobilo, comwi acomwi panshi lya cakwiimikaninaako comwi acomwi. 25Kulubasu lwa kumatwa lya Tente akwalo bakabikaako shamakonko shili makumi obilo, 26alimwi ashapanshi sha silifa shili makumi one, nkokwaamba ayi shapanshi shobilo pacamakonko comwi. 27Ono kwisule lya Tente ya Cipangano kulubasu lwa kumbo bakabikaako shamakonko shosanwe acomwi, 28alimwi ashamakonko shobilo shamumakonko a Tente. 29Shintu shamakonko one shamumakonko a Tente isho, shakalinga kunungilwa panshi akuya mukucatanishikwa apeculu. Shamakonko shobilo isho shakalinga kupanga makonko obilo a Tente shakaba mbomunya ubo. 30Nkokwaamba ayi kwakaba shamakonko one shili shosanwe ashotatwe alimwi ashapanshi sha nshisho sha silifa shili likumi ashosanwe acomwi isho shakaba shobilo pacamakonko comwi.
31Kuboolaawo bakapanga mbalo shili likumi ashosanwe sha cisamu ca mulombe. Mbaalo shosanwe shakaba kushamakonko sha kulubasu lomwi lwa Tente ya Cipangano. 32Shimwi shosanwe shakaba sha kulubasu lumwi, ashalo shosanwe shimwi shakaba kushamakonko sha kulubasu lwa kumbo, nkokwaamba ayi kwisule lya Tente. 33Mbaalo ya pakati ka shamakonko yalo yakalinga kuswa kweela akweela lya Tente. 34Shamakonko isho bakashinanika golodi alimwi akupanga nkobeko sha golodi akushicatanisha ashamakonko one kwaamba ayi shicate mbalo, isho shakananikwa golodi ashalo.
35Bakatunga cisani cakushitilisha citeshimite cibotu, citungitwe abooya bwa mbelele buboneka anga ndiculu, bufubelafubela alimwi abusalalabo pyu. Bakatungilaawo ashintu shicite mapapaminwa shiitwa ayi bakelebu. 36Bakapanga ashisamu shone sha cisamu ca mulombe shakucata cisani cakushitilisha, akushinanika golodi alimwi akushibika shakukobekesha sha golodi. Lyalo bakapanga ashapanshi shone sha silifa shakucata shisamu. 37Apalo pamulyango wa Tente bakatungilaawo cisani cakushitilisha ca nsalu iteshimite ibotu, itungitwe abooya bwa mbelele bwa mushobo wa liculu, bufubelafubela alimwi abusalalabo pyu, alimwi bakatungilaawo shimwi shakwiibotesha. 38Cisani cakushitilisha ici, bakacipangila shisamu shosanwe isho nshebakabikako shakukobekesha. Peculu panshisho alimwi apatusamu tucinjibikitwe bakananikaawo golodi. Lyalo bakashipangila shapanshi shosanwe sha bulonse.
Currently Selected:
Kulonga 36: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 36
36
1“Anu Besalelo, Oolyabu alimwi abamwi boonse bacishi milimo abo Mwaami Lesa mbwaakapa lushibo alimwi abusongo bwa pamilimo, abo bacishi kupanga shintu shoonse shiyandika pakuyaka Tente isalalite, balyeelete kupanga shintu shoonse kweelana abwakaamba Mwaami Lesa.”
Bantu mbobakaleta shipo shiinji
2Mpeeke Mose wakeeta Besalelo, Oolyabu alimwi abasankwa bamwi boonse bacishi milimo abo Mwaami Lesa mbwaakapa maano alimwi bakalinga kulibambite kucafwa, akubalwiita ayi batalike kuyaka. 3Mose wakabapa shipo shoonse isho bene Isilaeli nshebakaleta ayi bayakishe Tente isalalite. Sombi bene Isilaeli bakatolelela kuleta shipo kuli Mose bwaca abwaca. 4Lyalo basankwa bacishi milimo abo bakalinga kusebensa mulimo uyo bakaya 5kuli Mose mukumulwiita ayi, “Bantu batooleta shintu shiinji kwiinda sheesho shiyandika pamulimo uyo Mwaami Lesa ngwaakaamba ayi ucitwe.”
6Paceebo ceeci Mose wakatuma nkombe iyo yakaambilishikwa mumisumba yoonse ayi taaku muntu weelete kunoocitola shipo sha kuTente isalalite. Aboobo bantu boonse bakacileka kutola shipo ashimwi, 7mukwiinga isho shakaletwa kale shakalinga shiinji kwiinda sheesho shakalinga kuyandika kumanisha mulimo woonse.
Kupanga Tente ya Cipangano
(Kulo 26:1-37)
8Ono bacishi milimo boonse pakati ka basebenshi bamwi boonse bakapanga Tente ya Cipangano. Bakapangisha shisani shibotu shiteshimite shili likumi, apo pakalinga kutungitwe booya bwa mbelele buboneka anga ndiculu, bufubelafubela abusalalabo pyu. Pakalinga kutungitwe ashintu shicite mapapaminwa shiitwa ayi bakelebu. 9Shisani shoonse shakalinga kweelenebo mubulaamfu amubufwaafwi. Shakalinga mamita ali 12 mubulaamfu amamita ali 2 mubufwaafwi. 10Kuswawaawo bakanunganya shisani shili shosanwe kwaamba ayi cikabe cisani comwi, ashalo shimwi shili shosanwe bakashicita mbomunya ubo. 11Kweela kwa lubasu lomwi lwa cisani cinene bakatungilaako mwakukobeka acisani camushobo wa liculu. Bakacita bweenka akucisani cinene cimwi. 12Mucisani cakutaanguna ico cakununga, bakatungilaako mwakukobeka muli makumi osanwe, akwalo kucisani cakununga cabili, bakatungilaako mwakukobeka muli makumi osanwe bweenka mbuli citaanshi. 13Alimwi bakapanga shakukobekesha sha golodi shili makumi osanwe shakucatanishishako shisani shobilo ishi ayi cibe comwi.
14Lyalo bakapanga acakufweka Tente ca shisani sha booya bwa mpongo shili likumi alimwi acomwi. 15Shoonse shakalinga kunokweelenebo, shakalinga mamita ali 13 mubulaamfu alimwi mamita ali 2 mubufwaafwi. 16Kuswawaawo bakatunga shisani shosanwe kwaamba ayi cibe comwi, ashalo shili shosanwe acomwi shakaba cisani comwi. 17Bakabika mwakukobeka muli makumi osanwe kweela kwa cisani cakweelaako kuceeco citaanshi, alimwi amwakukobeka muli makumi osanwe kweela kwa cisani cakweelaako kuceeco cabili. 18Mpeeke bakapanga shakukobekesha sha bulonse shili makumi osanwe akwinjisha sha mwakukobeka umo kwaamba ayi shisani shobilo isho shibe cakufweka paTente comwi. 19Ono bakapanga shakufweka paTente ya Cipangano ashimwi shobilo. Cimwi cakaba ca cipaya ca mbelele isankwa ncibakaalula kuba cisalala, acalo cimwi ca cipaya cibotu.
20Lyalo bakapanga shintu shamakonko one sha cisamu ca mulombe ayi shibe sha kuTente iyo. 21Shintu isho shoonse shakalinga mamita ali 4 mubulaamfu alimwi amasentimita ali 66 mubufwaafwi, 22alimwi bakapanga shakwiimikaninaako shobilo. Shamakonko one shoonse isho shakalinga kucite shakwiimikaninaako isho. 23Kulubasu lwa kumalenge bakabikaako shamakonko one shili makumi obilo, 24alimwi ashapanshi sha nshisho sha silifa shili makumi one, nkokwaamba ayi pacamakonko one comwi pakaba shapanshi shobilo, comwi acomwi panshi lya cakwiimikaninaako comwi acomwi. 25Kulubasu lwa kumatwa lya Tente akwalo bakabikaako shamakonko shili makumi obilo, 26alimwi ashapanshi sha silifa shili makumi one, nkokwaamba ayi shapanshi shobilo pacamakonko comwi. 27Ono kwisule lya Tente ya Cipangano kulubasu lwa kumbo bakabikaako shamakonko shosanwe acomwi, 28alimwi ashamakonko shobilo shamumakonko a Tente. 29Shintu shamakonko one shamumakonko a Tente isho, shakalinga kunungilwa panshi akuya mukucatanishikwa apeculu. Shamakonko shobilo isho shakalinga kupanga makonko obilo a Tente shakaba mbomunya ubo. 30Nkokwaamba ayi kwakaba shamakonko one shili shosanwe ashotatwe alimwi ashapanshi sha nshisho sha silifa shili likumi ashosanwe acomwi isho shakaba shobilo pacamakonko comwi.
31Kuboolaawo bakapanga mbalo shili likumi ashosanwe sha cisamu ca mulombe. Mbaalo shosanwe shakaba kushamakonko sha kulubasu lomwi lwa Tente ya Cipangano. 32Shimwi shosanwe shakaba sha kulubasu lumwi, ashalo shosanwe shimwi shakaba kushamakonko sha kulubasu lwa kumbo, nkokwaamba ayi kwisule lya Tente. 33Mbaalo ya pakati ka shamakonko yalo yakalinga kuswa kweela akweela lya Tente. 34Shamakonko isho bakashinanika golodi alimwi akupanga nkobeko sha golodi akushicatanisha ashamakonko one kwaamba ayi shicate mbalo, isho shakananikwa golodi ashalo.
35Bakatunga cisani cakushitilisha citeshimite cibotu, citungitwe abooya bwa mbelele buboneka anga ndiculu, bufubelafubela alimwi abusalalabo pyu. Bakatungilaawo ashintu shicite mapapaminwa shiitwa ayi bakelebu. 36Bakapanga ashisamu shone sha cisamu ca mulombe shakucata cisani cakushitilisha, akushinanika golodi alimwi akushibika shakukobekesha sha golodi. Lyalo bakapanga ashapanshi shone sha silifa shakucata shisamu. 37Apalo pamulyango wa Tente bakatungilaawo cisani cakushitilisha ca nsalu iteshimite ibotu, itungitwe abooya bwa mbelele bwa mushobo wa liculu, bufubelafubela alimwi abusalalabo pyu, alimwi bakatungilaawo shimwi shakwiibotesha. 38Cisani cakushitilisha ici, bakacipangila shisamu shosanwe isho nshebakabikako shakukobekesha. Peculu panshisho alimwi apatusamu tucinjibikitwe bakananikaawo golodi. Lyalo bakashipangila shapanshi shosanwe sha bulonse.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.