Kulonga 26
26
Tente ya Cipangano
(Kulo 36:8-38)
1“Ono ukapange Tente ya Cipangano ashisani shibotu shiteshimite shili likumi, apo patungitwe booya bwa mbelele buboneka anga ndiculu, bufubelafubela alimwi abusalalabo pyu. Mukataleewo shintu shicite mapapaminwa shiitwa ayi bakelebu. 2Shisani ishi shilyeelete kunoolibo mushobo womwi mubulaamfu amubufwaafwi. Shilyeelete kuba mamita ali 12 mubulaamfu amamita ali 2 mubufwaafwi. 3Kuswawaawo ukanunganye shisani shili shosanwe kwaamba ayi cikabe cisani comwi, ashalo shimwi shili shosanwe ukashiciite mbomunya ubo. 4Kweela kwa lubasu lomwi lwa cisani cinene ukatungileko mwakukobeka acisani ca mushobo wa liculu. Ukacite bweenka ubo akucisani cinene cimwi. 5Mucisani cakutaanguna ico cakununga, ukatungileko mwakukobeka muli makumi osanwe, akwalo kucisani cakununga cabili, ukatungileko mwakukobeka muli makumi osanwe bweenka mbuli citaanshi. 6Alimwi ukapange shakukobekesha sha golodi shili makumi osanwe shakucatanishishako shisani shobilo ishi ayi cibe comwi.
7“Lyalo ukapange acakufweka Tente ca shisani sha booya bwa mpongo shili likumi alimwi acomwi. 8Shoonse shilyeelete kunokweelenebo, mubulaamfu shilyeelete kuba mamita ali 13 alimwi mubufwaafwi shikabe mamita ali 2. 9Kuswawaawo ukatunge shisani shosanwe kwaamba ayi cibe comwi, ashalo shili shosanwe acomwi shikabe cisani comwi. Ono cisani casanu acomwi ukacipete mankanda obilo panembo lya Tente ya Cipangano. 10Ukabike mwakukobeka muli makumi osanwe kweela kwa cisani cakweelaako kuceeco citaanshi, alimwi amwakukobeka muli makumi osanwe kweela kwa cisani cakweelaako kuceeco cabili. 11Mpeeke ukapange shakukobekesha sha bulonse shili makumi osanwe akwinjisha sha mwakukobeka umo kwaamba ayi shisani shobilo isho shibe cakufweka paTente comwi. 12Ukaleleeshe musa wa cisani cakweelaako kwisule lya Tente ya Cipangano. 13Ono masentimita ali 50 eendilila kulaampa kucisani comwi acomwi, alyeelete kunooleleela mweela Tente kwaamba ayi anooifweka.
14“Ono mukapange shakufweka paTente ya Cipangano ashimwi shobilo. Cimwi cikabe ca cipaya ca mbelele isankwa akucaalula kuba cisalala, acalo cimwi cikabe ca cipaya cibotu ayi cikabe cakufweka peculu.
15“Kuswawaawo ukapange shintu shamakonko one sha cisamu ca mulombe ayi shikabe sha kuTente iyo. 16Shintu isho shoonse shilyeelete kuba mamita ali 4 mubulaamfu, alimwi amasentimita ali 66 mubufwaafwi, 17alimwi shilyeelete kunoocite shakwiimikaninaako shobilo. Shamakonko one shoonse isho shilyeelete kunoocite shakwiimikaninaako isho. 18Kulubasu lwa kumalenge, ukabikeko shamakonko one shili makumi obilo, 19alimwi ashapanshi sha nshisho sha silifa shili makumi one, nkokwaamba ayi pacamakonko one comwi palyeelete kuba shapanshi shobilo, comwi acomwi panshi lya cakwiimikaninaako comwi acomwi. 20Kulubasu lwa kumatwa lya Tente akwalo ukabikeko shamakonko shili makumi obilo, 21alimwi ashapanshi sha silifa shili makumi one, nkokwaamba ayi shapanshi shobilo pacamakonko comwi. 22Ono kwisule lya Tente ya Cipangano kulubasu lwa kumbo ukabikeeko shamakonko shosanwe acomwi, 23alimwi ashamakonko shobilo shamumakonko a Tente. 24Shintu shamakonko one shamumakonko a Tente isho, shilyeelete kunungilwa panshi akuya mukucatanishikwa apeculu. Shamakonko shobilo isho sheshi shikanoopanga makonko obilo a Tente shilyeelete kuba mbomunya ubo. 25Nkokwaamba ayi kulaakuba shamakonko one shili shosanwe ashotatwe alimwi ashapanshi sha nshisho sha silifa shili likumi ashosanwe acomwi isho sheshi shikabe shobilo pacamakonko comwi.
26“Kuboolaawo ukapange mbalo shili likumi ashosanwe sha cisamu ca mulombe, mbaalo shosanwe shikabe kushamakonko sha kulubasu lomwi lwa Tente ya Cipangano, 27shimwi shosanwe shikabe sha kulubasu lumwi, ashalo shosanwe shimwi shikabe kushamakonko sha kulubasu lwa kumbo, nkokwaamba ayi kwisule lya Tente. 28Mbaalo ya pakati ka shamakonko yalo, ilyeelete kuswa kweela akweela lya Tente. 29Shamakonko isho ukashinanike golodi alimwi akupanga nkobeko sha golodi akushicatanisha ashamakonko one kwaamba ayi shicate mbalo, isho sheshi shikananikwe golodi ashalo. 30Tente iyi mukeeyaake kweelana ambondakakubonesha pakalundu.
31“Ukatunge acisani cakushitilisha citeshimite cibotu, ukacituunge abooya bwa mbelele buboneka anga ndiculu, bufubelafubela alimwi abusalalabo pyu. Ukatungileewo shintu shicite mapapaminwa shiitwa ayi bakelebu. 32Mpeeke ukacikobeke kushisamu shone sha mulombe isho shinanikitwe golodi, shicite shakukobekesha alimwi shili musha panshi shone sha silifa. 33Cisani ici cakushitilisha ukacikobeke kumundando wa shakukobekesha muciluli ca Tente, ono kwisule lya cisani ici, ukabikeko Libokoshi lya Cipangano umo muli mabwe apampamene obilo. Cisani ici cilaakupansaanya Musena Usalalite alimwi aMusena Usalalite Wiindaawo.#Ebulu 6:19; 9:3-5 34PaLibokoshi lya Cipangano, ukabikewo cifwekesho ico. 35Ono pansengwe lya Musena Usalalite Wiindaawo, ukabike tebulu kulubasu lwa kumatwa lya Tente, alimwi akubika cakubikawo malampi kulubasu lwa kumalenge.
36“Apalo pamulyango wa Tente ukatungilewo cisani cakushitilisha ca nsalu iteshimite ibotu, itungitwe abooya bwa mbelele bwa mushobo wa liculu, bufubelafubela alimwi abusalalabo pyu, alimwi akutungilawo shimwi shakwiibotesha. 37Cisani cakushitilisha ici, ukacipangile shisamu shosanwe sha mulombe shinanikitwe golodi alimwi shicite ashakukobekesha sha golodi. Ukapange ashapanshi shosanwe sha bulonse sha shisamu ishi.
Currently Selected:
Kulonga 26: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 26
26
Tente ya Cipangano
(Kulo 36:8-38)
1“Ono ukapange Tente ya Cipangano ashisani shibotu shiteshimite shili likumi, apo patungitwe booya bwa mbelele buboneka anga ndiculu, bufubelafubela alimwi abusalalabo pyu. Mukataleewo shintu shicite mapapaminwa shiitwa ayi bakelebu. 2Shisani ishi shilyeelete kunoolibo mushobo womwi mubulaamfu amubufwaafwi. Shilyeelete kuba mamita ali 12 mubulaamfu amamita ali 2 mubufwaafwi. 3Kuswawaawo ukanunganye shisani shili shosanwe kwaamba ayi cikabe cisani comwi, ashalo shimwi shili shosanwe ukashiciite mbomunya ubo. 4Kweela kwa lubasu lomwi lwa cisani cinene ukatungileko mwakukobeka acisani ca mushobo wa liculu. Ukacite bweenka ubo akucisani cinene cimwi. 5Mucisani cakutaanguna ico cakununga, ukatungileko mwakukobeka muli makumi osanwe, akwalo kucisani cakununga cabili, ukatungileko mwakukobeka muli makumi osanwe bweenka mbuli citaanshi. 6Alimwi ukapange shakukobekesha sha golodi shili makumi osanwe shakucatanishishako shisani shobilo ishi ayi cibe comwi.
7“Lyalo ukapange acakufweka Tente ca shisani sha booya bwa mpongo shili likumi alimwi acomwi. 8Shoonse shilyeelete kunokweelenebo, mubulaamfu shilyeelete kuba mamita ali 13 alimwi mubufwaafwi shikabe mamita ali 2. 9Kuswawaawo ukatunge shisani shosanwe kwaamba ayi cibe comwi, ashalo shili shosanwe acomwi shikabe cisani comwi. Ono cisani casanu acomwi ukacipete mankanda obilo panembo lya Tente ya Cipangano. 10Ukabike mwakukobeka muli makumi osanwe kweela kwa cisani cakweelaako kuceeco citaanshi, alimwi amwakukobeka muli makumi osanwe kweela kwa cisani cakweelaako kuceeco cabili. 11Mpeeke ukapange shakukobekesha sha bulonse shili makumi osanwe akwinjisha sha mwakukobeka umo kwaamba ayi shisani shobilo isho shibe cakufweka paTente comwi. 12Ukaleleeshe musa wa cisani cakweelaako kwisule lya Tente ya Cipangano. 13Ono masentimita ali 50 eendilila kulaampa kucisani comwi acomwi, alyeelete kunooleleela mweela Tente kwaamba ayi anooifweka.
14“Ono mukapange shakufweka paTente ya Cipangano ashimwi shobilo. Cimwi cikabe ca cipaya ca mbelele isankwa akucaalula kuba cisalala, acalo cimwi cikabe ca cipaya cibotu ayi cikabe cakufweka peculu.
15“Kuswawaawo ukapange shintu shamakonko one sha cisamu ca mulombe ayi shikabe sha kuTente iyo. 16Shintu isho shoonse shilyeelete kuba mamita ali 4 mubulaamfu, alimwi amasentimita ali 66 mubufwaafwi, 17alimwi shilyeelete kunoocite shakwiimikaninaako shobilo. Shamakonko one shoonse isho shilyeelete kunoocite shakwiimikaninaako isho. 18Kulubasu lwa kumalenge, ukabikeko shamakonko one shili makumi obilo, 19alimwi ashapanshi sha nshisho sha silifa shili makumi one, nkokwaamba ayi pacamakonko one comwi palyeelete kuba shapanshi shobilo, comwi acomwi panshi lya cakwiimikaninaako comwi acomwi. 20Kulubasu lwa kumatwa lya Tente akwalo ukabikeko shamakonko shili makumi obilo, 21alimwi ashapanshi sha silifa shili makumi one, nkokwaamba ayi shapanshi shobilo pacamakonko comwi. 22Ono kwisule lya Tente ya Cipangano kulubasu lwa kumbo ukabikeeko shamakonko shosanwe acomwi, 23alimwi ashamakonko shobilo shamumakonko a Tente. 24Shintu shamakonko one shamumakonko a Tente isho, shilyeelete kunungilwa panshi akuya mukucatanishikwa apeculu. Shamakonko shobilo isho sheshi shikanoopanga makonko obilo a Tente shilyeelete kuba mbomunya ubo. 25Nkokwaamba ayi kulaakuba shamakonko one shili shosanwe ashotatwe alimwi ashapanshi sha nshisho sha silifa shili likumi ashosanwe acomwi isho sheshi shikabe shobilo pacamakonko comwi.
26“Kuboolaawo ukapange mbalo shili likumi ashosanwe sha cisamu ca mulombe, mbaalo shosanwe shikabe kushamakonko sha kulubasu lomwi lwa Tente ya Cipangano, 27shimwi shosanwe shikabe sha kulubasu lumwi, ashalo shosanwe shimwi shikabe kushamakonko sha kulubasu lwa kumbo, nkokwaamba ayi kwisule lya Tente. 28Mbaalo ya pakati ka shamakonko yalo, ilyeelete kuswa kweela akweela lya Tente. 29Shamakonko isho ukashinanike golodi alimwi akupanga nkobeko sha golodi akushicatanisha ashamakonko one kwaamba ayi shicate mbalo, isho sheshi shikananikwe golodi ashalo. 30Tente iyi mukeeyaake kweelana ambondakakubonesha pakalundu.
31“Ukatunge acisani cakushitilisha citeshimite cibotu, ukacituunge abooya bwa mbelele buboneka anga ndiculu, bufubelafubela alimwi abusalalabo pyu. Ukatungileewo shintu shicite mapapaminwa shiitwa ayi bakelebu. 32Mpeeke ukacikobeke kushisamu shone sha mulombe isho shinanikitwe golodi, shicite shakukobekesha alimwi shili musha panshi shone sha silifa. 33Cisani ici cakushitilisha ukacikobeke kumundando wa shakukobekesha muciluli ca Tente, ono kwisule lya cisani ici, ukabikeko Libokoshi lya Cipangano umo muli mabwe apampamene obilo. Cisani ici cilaakupansaanya Musena Usalalite alimwi aMusena Usalalite Wiindaawo.#Ebulu 6:19; 9:3-5 34PaLibokoshi lya Cipangano, ukabikewo cifwekesho ico. 35Ono pansengwe lya Musena Usalalite Wiindaawo, ukabike tebulu kulubasu lwa kumatwa lya Tente, alimwi akubika cakubikawo malampi kulubasu lwa kumalenge.
36“Apalo pamulyango wa Tente ukatungilewo cisani cakushitilisha ca nsalu iteshimite ibotu, itungitwe abooya bwa mbelele bwa mushobo wa liculu, bufubelafubela alimwi abusalalabo pyu, alimwi akutungilawo shimwi shakwiibotesha. 37Cisani cakushitilisha ici, ukacipangile shisamu shosanwe sha mulombe shinanikitwe golodi alimwi shicite ashakukobekesha sha golodi. Ukapange ashapanshi shosanwe sha bulonse sha shisamu ishi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.