Kulonga 25
25
Shipo sha kuTente isalalite
(Kulo 35:4-9)
1Pesule Mwaami Lesa wakaambila Mose ayi, 2“Ambila bene Isilaeli boonse ayi balete shipo kuli ndime. Ulyeelete kutambula shipo shili shoonse muntu nsheenga waleta mukuyanda kwakwe. 3Shipo isho nshooelete kutambula shilyeelete kuba, golodi, silifa alimwi abulonse, 4busalu bwa booya bwa mbelele buboneka anga ndiculu, bufubelafubela alimwi abusalalabo pyu, shisani shibotu shiteshimite, booya bwa mpongo, 5shipaya sha mbelele shisankwa isho nshebakaalula mushobo usalala, shipaya shimwi shibotu abuumbi, ashisamu sha mulombe, 6mafuta a olifi a mumalampi, tununkila kabotu twa mumafuta akunanika bantu alimwi amutununkila kabotu pakutenta. 7Ulyeelete kutambula mabwe asalala amabwe amwi amakwebo a cakufwala ca mupailishi munene ciitwa ayi efodi alimwi acakufwala cakwe ca pacaamba. 8Bantu balyeelete kunjakila Tente isalalite kwaamba ayi nkekaale pakati lyabo. 9Mukeeyaake ashiyandika shoonse shamukati bweenka mbuli mbweshi nkakuboneshe.
Libokoshi lya Cipangano
(Kulo 37:1-9)
10“Bakapange libokoshi lya cisamu ca mulombe, lili masentimita ali 110 mubulaamfu, masentimita ali 66 mubufwaafwi alimwi amasentimita 66 kuya mwiculu. 11Mulyeelete kulibika golodi wiine wiine peculu alimwi amukati moonse, alimwi akulishingulusha amutika wa golodi mweela. 12Mukapangileeko nkobeko shone sha golodi akushicatisha kumyeendo ili yone. Nkokwaamba ayi kulubasu lomwi shobilo akumwi shobilo. 13Mpeeke mukapange shisamu sha mulombe shakunyamwisha mukashinanike golodi pansengwe 14akushinjisha mumalyango a nkobeko shili kumbasu isho shobilo sha libokoshi shakulitembeshaako. 15Shisamu shilyeelete kunoolibo munkobeko sha libokoshi, kutashikushaamo. 16Kuswawaawo mukabike mulibokoshi mabwe obilo apampamene ayo ngweshi nkamupe. Pamabwe obilo ayo, mpopalembetwe milawo.
17“Ukapange cifwekesho ca nkumbu ca golodi wiine wiine cicite masentimita ali 110 mubulaamfu alimwi amasentimita ali 66 mubufwaafwi.#Ebulu 9:5 18Ukapange ashintu shobilo sha golodi wakufula shicite mapapaminwa shiitwa ayi bakelebu, 19akushibika comwi kweela cifwekesho acimwi kweela. Shintu shobilo isho shilyeelete kunoocatenebo acifwekesho. 20Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho. 21Lyalo ukabikemo mabwe apampamene ayo obilo akufwekawo cifwekesho peculu. 22Ono nebo ndaakunookumana awebo peculu mpomunya apo, alimwi pakati ka shintu shobilo isho pacifwekesho, mpweshi nkakupete milawo yangu yoonse ayi ukalwiite bene Isilaeli.
Tebulu ya shimaande shipekwa kuli Lesa
(Kulo 37:10-16)
23“Ukapange tebulu ya cisamu ca mulombe yeelete kuba masentimita ali 88 mubulaamfu, masentimita ali 44 mubufwaafwi alimwi aali 66 kuya mwiculu. 24Ukabike golodi wiine wiine peculu alimwi amutika wa golodi mweela moonse. 25Alimwi ukapangileeko shamweela shili mamilimita 75, alimwi amutika wa golodi pasheesho shamweela. 26Ukapangileeko nkobeko shone sha golodi akushibika mumakonko a tebulu umo muli myeendo. 27Nkobeko isho mweshi mukabe shisamu sha kunyamwisha tebulu, shilyeelete kubeta pafwaafwi ashamweela. 28Ukapange shisamu sha mulombe akushinanika golodi. 29Kuswawaawo ukapange mbale, nkomeshi, nongo alimwi mbale shifongomene ayi shoonse shikanoosebenseshekwa pakupa shipo kuli Lesa. Shoonse ishi shilyeelete kuba sha golodi wiine wiine. 30Tebulu iyi ilyeelete kutulwa kunembo lya Libokoshi lya Cipangano. Apalo peculu patebulu, palyeelete kunoocanika cimaande cipekwa kuli ndime lyoonsebo.#Bene Lefi 24:5-8
Cakubikawo malampi
(Kulo 37:17-24)
31“Lyalo ukapange cakubikawo malampi ca golodi wiine wiine. Capanshi alimwi amunkonti shilyeelete kuba sha golodi wakufula, maluba a kucibotesha, kubikaawo amifuko ya buluba alimwi amatewu amweela, shoonse shilyeelete kunoocatenebo acakubikawo malampi. 32Ono mumbasu sha cakubikawo malampi ici mukaswe misampi yosanwe awomwi, kulubasu lumwi kukaswe yotatwe, akwalo kumwi yotatwe. 33Musampi womwi awomwi wa misampi yosanwe awomwi iyo, ulyeelete kuba amaluba otatwe akuubotesha, ali anga ngamaluba a alumondi, kaacite amifuko ya buluba alimwi amatewu mweela. 34Kumunkonti wa cakubikawo malampi ukabikeeko maluba one akuubotesha, ali anga ngamaluba a alumondi, kaacite amifuko ya buluba alimwi amatewu mweela. 35Muunshi lya misampi yotatwe yoonse kulubasu lomwi lomwi ulyeelete kuba mufuko wa buluba womwi. 36Anu mifuko ya buluba iyi, misampi, alimwi acakubikawo malampi, shilyeelete kubabo cintu comwi ca golodi wiine wiine yakufula. 37Pacakubikawo malampi, ukapangilewo malampi osanwe aobilo akwaabika peculu cakwaamba ayi akanoomunikila kunembo. 38Ukapange amano alimwi ambale shiselebete sha ncico sha golodi wiine wiine. 39Pakupanga cakubikawo malampi alimwi ashintu shimwi shoonse sha kuli ncico, ukasebenseshe makilogilamu a golodi wiine wiine ali 35. 40Ukabikeko maano kwaamba ayi ukapange kweelana ambondakakubonesha pakalundu kano.#Mili 7:44; Ebulu 8:5
Currently Selected:
Kulonga 25: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 25
25
Shipo sha kuTente isalalite
(Kulo 35:4-9)
1Pesule Mwaami Lesa wakaambila Mose ayi, 2“Ambila bene Isilaeli boonse ayi balete shipo kuli ndime. Ulyeelete kutambula shipo shili shoonse muntu nsheenga waleta mukuyanda kwakwe. 3Shipo isho nshooelete kutambula shilyeelete kuba, golodi, silifa alimwi abulonse, 4busalu bwa booya bwa mbelele buboneka anga ndiculu, bufubelafubela alimwi abusalalabo pyu, shisani shibotu shiteshimite, booya bwa mpongo, 5shipaya sha mbelele shisankwa isho nshebakaalula mushobo usalala, shipaya shimwi shibotu abuumbi, ashisamu sha mulombe, 6mafuta a olifi a mumalampi, tununkila kabotu twa mumafuta akunanika bantu alimwi amutununkila kabotu pakutenta. 7Ulyeelete kutambula mabwe asalala amabwe amwi amakwebo a cakufwala ca mupailishi munene ciitwa ayi efodi alimwi acakufwala cakwe ca pacaamba. 8Bantu balyeelete kunjakila Tente isalalite kwaamba ayi nkekaale pakati lyabo. 9Mukeeyaake ashiyandika shoonse shamukati bweenka mbuli mbweshi nkakuboneshe.
Libokoshi lya Cipangano
(Kulo 37:1-9)
10“Bakapange libokoshi lya cisamu ca mulombe, lili masentimita ali 110 mubulaamfu, masentimita ali 66 mubufwaafwi alimwi amasentimita 66 kuya mwiculu. 11Mulyeelete kulibika golodi wiine wiine peculu alimwi amukati moonse, alimwi akulishingulusha amutika wa golodi mweela. 12Mukapangileeko nkobeko shone sha golodi akushicatisha kumyeendo ili yone. Nkokwaamba ayi kulubasu lomwi shobilo akumwi shobilo. 13Mpeeke mukapange shisamu sha mulombe shakunyamwisha mukashinanike golodi pansengwe 14akushinjisha mumalyango a nkobeko shili kumbasu isho shobilo sha libokoshi shakulitembeshaako. 15Shisamu shilyeelete kunoolibo munkobeko sha libokoshi, kutashikushaamo. 16Kuswawaawo mukabike mulibokoshi mabwe obilo apampamene ayo ngweshi nkamupe. Pamabwe obilo ayo, mpopalembetwe milawo.
17“Ukapange cifwekesho ca nkumbu ca golodi wiine wiine cicite masentimita ali 110 mubulaamfu alimwi amasentimita ali 66 mubufwaafwi.#Ebulu 9:5 18Ukapange ashintu shobilo sha golodi wakufula shicite mapapaminwa shiitwa ayi bakelebu, 19akushibika comwi kweela cifwekesho acimwi kweela. Shintu shobilo isho shilyeelete kunoocatenebo acifwekesho. 20Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho. 21Lyalo ukabikemo mabwe apampamene ayo obilo akufwekawo cifwekesho peculu. 22Ono nebo ndaakunookumana awebo peculu mpomunya apo, alimwi pakati ka shintu shobilo isho pacifwekesho, mpweshi nkakupete milawo yangu yoonse ayi ukalwiite bene Isilaeli.
Tebulu ya shimaande shipekwa kuli Lesa
(Kulo 37:10-16)
23“Ukapange tebulu ya cisamu ca mulombe yeelete kuba masentimita ali 88 mubulaamfu, masentimita ali 44 mubufwaafwi alimwi aali 66 kuya mwiculu. 24Ukabike golodi wiine wiine peculu alimwi amutika wa golodi mweela moonse. 25Alimwi ukapangileeko shamweela shili mamilimita 75, alimwi amutika wa golodi pasheesho shamweela. 26Ukapangileeko nkobeko shone sha golodi akushibika mumakonko a tebulu umo muli myeendo. 27Nkobeko isho mweshi mukabe shisamu sha kunyamwisha tebulu, shilyeelete kubeta pafwaafwi ashamweela. 28Ukapange shisamu sha mulombe akushinanika golodi. 29Kuswawaawo ukapange mbale, nkomeshi, nongo alimwi mbale shifongomene ayi shoonse shikanoosebenseshekwa pakupa shipo kuli Lesa. Shoonse ishi shilyeelete kuba sha golodi wiine wiine. 30Tebulu iyi ilyeelete kutulwa kunembo lya Libokoshi lya Cipangano. Apalo peculu patebulu, palyeelete kunoocanika cimaande cipekwa kuli ndime lyoonsebo.#Bene Lefi 24:5-8
Cakubikawo malampi
(Kulo 37:17-24)
31“Lyalo ukapange cakubikawo malampi ca golodi wiine wiine. Capanshi alimwi amunkonti shilyeelete kuba sha golodi wakufula, maluba a kucibotesha, kubikaawo amifuko ya buluba alimwi amatewu amweela, shoonse shilyeelete kunoocatenebo acakubikawo malampi. 32Ono mumbasu sha cakubikawo malampi ici mukaswe misampi yosanwe awomwi, kulubasu lumwi kukaswe yotatwe, akwalo kumwi yotatwe. 33Musampi womwi awomwi wa misampi yosanwe awomwi iyo, ulyeelete kuba amaluba otatwe akuubotesha, ali anga ngamaluba a alumondi, kaacite amifuko ya buluba alimwi amatewu mweela. 34Kumunkonti wa cakubikawo malampi ukabikeeko maluba one akuubotesha, ali anga ngamaluba a alumondi, kaacite amifuko ya buluba alimwi amatewu mweela. 35Muunshi lya misampi yotatwe yoonse kulubasu lomwi lomwi ulyeelete kuba mufuko wa buluba womwi. 36Anu mifuko ya buluba iyi, misampi, alimwi acakubikawo malampi, shilyeelete kubabo cintu comwi ca golodi wiine wiine yakufula. 37Pacakubikawo malampi, ukapangilewo malampi osanwe aobilo akwaabika peculu cakwaamba ayi akanoomunikila kunembo. 38Ukapange amano alimwi ambale shiselebete sha ncico sha golodi wiine wiine. 39Pakupanga cakubikawo malampi alimwi ashintu shimwi shoonse sha kuli ncico, ukasebenseshe makilogilamu a golodi wiine wiine ali 35. 40Ukabikeko maano kwaamba ayi ukapange kweelana ambondakakubonesha pakalundu kano.#Mili 7:44; Ebulu 8:5
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.