Kulonga 16
16
Mana alimwi abakancele
1Mpomunyaawo boonse bene Isilaeli bakanyamuka kuswa kuElimu. Ono pabushiku bwalikumi ashosanwe, mumweenshi wabili kuswa pabushiku ubo ndibakaswa kuIjipiti bakashika muluyanga lwiitwa ayi Sini, luli pakati ka Elimu alimwi aSinayi. 2Muluyanga umo, boonse bakatalika kutongooka kuli Mose aAloni, 3kababaambila ayi, “Anu naakwiinga Mwaami Lesa wakatucailabo mucishi ca Ijipiti. Ceebo kwalo twakalinga kwikala akulya nyama alimwi ashakulya shimwi shoonse nshetwakalinga kusuni. Sombi mwebo mwatuleta momuno muluyanga ayi mutucaishe kunsala soonse.”
4Mpeeke Mwaami Lesa wakaambila Mose ayi, “Ono ntoomuloshesha shakulya kuswa kwiculu ayi noonse mukwane. Bantu boonse balyeelete kuya mukubwesa shakulya lyoonse isho nsheenga bakumana pabushiku ubo. Munshila yeeyi, inga ndabeelesha akwishiba na inga bakonkela milasho yangu.#Joni 6:31 5Sombi pabushiku bwasanu abomwi, balyeelete kubwesa shakulya shanshiku shobilo akushitelekela limwi.”
6Aboobo Mose aAloni bakaambila bene Isilaeli boonse ayi, “Sunu macolesha noonse mutooshiba ayi nguMwaami Lesa wakamukusha mucishi ca Ijipiti. 7Macuunsa mutoobona bulemu bwa Mwaami Lesa mukwiinga wanyumfwa matongooshi anu kuli nguwe. Ncakwiila ngomutootongookela ceebo swebo tutokonkelabo milasho yakwe.” 8Lyalo Mose wakabaambila ayi, “NguMwaami Lesa eshi amupe nyama ayi mulye macolesha alimwi ashinkwa woonse uyandika macuunsa, mukwiinga Mwaami Lesa wanyumfwa mbuli mbomwamutongookela. Na mwatongookela ndiswe, nkokwaamba ayi mutootongookela Mwaami Lesa.”
9Mpeeke Mose wakaambila Aloni ayi, “Lwiita bene Isilaeli boonse ayi bese beemikane pameenso a Mwaami Lesa mukwiinga wanyumfwa matongooshi abo.” 10Ono Aloni ndyaakalinga kwaamba, bene Isilaeli boonse bakacebukila muluyanga. Paciindi ceenka ico, bakabona bulemu bwa mwaami Lesa mulikumbi. 11Mwaami Lesa wakaambila Mose ayi, 12“Matongooshi a bene Isilaeli ndaanyumfwa. Ubalwiite ayi macolesha batoolya nyama alimwi macuunsa balaakulya shinkwa kweelana ambobasuni. Lyalo ndyeshi bakeshibe ayi nebo neMwaami Lesa, ndime Lesa wabo.”
13Ingayi macolesha, bakancele baanji bakesa mukwikala poonse poonse pakati ka misumba. Ono macuunsa, kwakaba mume uunji abuumbi kushinguluka misumba yoonse. 14Ono mume ndiwakamana, muluyanga bakabona tuntu tuniininiini tupampamene panshi twakalinga kutubabo tuu. 15Bene Isilaeli ndibakatubona, tabakwe kutwishiba, aboobo bakatalika kwiipushanya ayi, “Anu utu ntuunshi?” Mose wakabalwiita ayi, “Uyu ngoshinkwa Mwaami Lesa ngwaamupa.#1 Koli 10:3 16Mwaami Lesa waamba ayi muntu womwi awomwi ulyeelete kubwesa shinkwa ngwaakonsha kulya, alimwi muntu womwi ulyeelete kubwesa malita obilo amuntu womwi awomwi kweelana abaabo mbwaabetaabo mumusumba wakwe.”
17Bene Isilaeli bakacita mbomunya ubo, bamwi bakalinga kubwesa uunji, sombi bamwi uniini. 18Ono ndibakashipima, abo bakabwesa uunji, tabakwe kuba ausotoka. Abalo abo bakabwesa uniini tabakwe kubulila. Cakacanika ayi muntu woonse wakabwesa kweelana ambwaakalinga kweelete.#2 Koli 8:15 19Lyalo Mose wakabaambila ayi, “Taaku muntu nabi womwi weelete kushiyaawo ayi shikashikweeko aciilo.” 20Sombi bamwi tabakwe kunyumfwila Mose, aboobo bakashiyaawo. Ndibwakaca bakacana kamweendabo mapila alimwi akununka abuumbi. Mose bantu abo wakabakalalila. 21Macuunsa lyoonse, muntu womwi awomwi wakalinga kubwesa shinkwa ngwaakonsha kulya. Ono na lumwi lwabala bunene, shoonse shakalinga kucaala panshi shakalinga kusunguluka.
22Pabushiku bwasanu abomwi, palo bakalinga kubwesa wanshiku shobilo, nkokwaamba ayi malita one pamuntu womwi. Bamatanjilili boonse ba bene Isilaeli bakesa kuli Mose mukumulwiita pacikani ici. 23Mose wakabalwiita ayi, “Mwaami Lesa wakaamba ayi ciilo mbushiku bwakwe busalalite bwakookesha bwa Cibelu. Paceebo ceeci mulyeelete kupanga sunu shakulya nshemusuni kupanga alimwi muteleke nshemusuni kuteleka. Shoonse nsheshi mushiyeeko, mushibike palubasu ayi mukalye ciilo.”#Kulo 20:8-11 24Kweelana abwakabalwiita Mose, bakabika nshebakashiyaako ayi nshabushiku bwakaboolaawo, Mpeeke tashikwe kunyonyooka nabi kuba amapila. 25Mose wakaamba ayi, “Amulye shakulya ishi sunu ceebo sunu mbushiku bwakookesha bwa Cibelu bwa Mwaami Lesa alimwi teshi mucanewo shakulya pansengwe. 26Mulyeelete kunoobwesa shakulya munshiku shili shosanwe abomwi, sombi pabushiku bwasanu ashobilo, bushiku bwakookesha, teshi shikanoobaako.”
27Nacibi boobo bantu bamwi bakalinga kuya ayi bakabwese shakulya pabushiku bwasanu ashobilo, sombi tebakalinga kushicanaawo. 28Lyalo Mwaami Lesa wakaambila Mose ayi, “Ino mwebo nobantu mutootola ciindi cilaamfu buyani kamukaka kukonkela milawo amilasho yangu? 29Mulyeelete kwiibaluka ayi nebo neMwaami Lesa ndakamupa bushiku bwakookesha bwa Cibelu, nceceeco nceshi noomupeta shakulya shikumana nshiku shobilo lyoonse pabushiku bwasanu abomwi. Muntu woonse ulyeelete kwikala kweenka nkwaabete pabushiku bwasanu ashobilo, alimwi teelete kushiya musumba wakwe.” 30Aboobo bantu tebakalinga kusebensa pabushiku bwasanu ashobilo.
31Mpeeke bene Isilaeli bakalinga kwiita shakulya ishi ayi mana. Shakalinga kuboneka anga ninseke shiniini shituba. Ono pakulya shakalinga kunyumfwika anga ncimaande cakapangwa abuuci.#Shakube 11:7-8 32Mose wakaamba ayi, “Mwaami Lesa watulwiita ayi tubike malita obilo a mana palubasu kwaamba ayi bamulunyungu lwesu bakabone cakulya ico ncaakatupa muluyanga ndyaakatukusha mucishi ca Ijipiti.” 33Mpomunyaawo Mose wakaambila Aloni ayi, “Bwesa kangomo, ubikemo mana akumana malita obilo akukabika pameenso a Mwaami Lesa kwaamba ayi tukaboneshe bamulunyungu lwesu.”#Ebulu 9:4 34Kweelana aMwaami Lesa mbwaakaambila Mose, Aloni wakabika kangomo ka mana ako kunembo lya Libokoshi lya Cipangano kwaamba ayi kalamwe. 35Bene Isilaeli bakalinga kulya mana kwamyaaka ili makumi one tibili ndibakashika mucishi mwakalinga kwikala bantu. Bakalinga kulya mana tibili ndibakashika kunyinsa ya cishi ca Kenani.#Joshu 5:12
36Ono cipimo ncebakalinga kusebensesha paciindi ico, cakalinga kukumana malita ali obilo.
Currently Selected:
Kulonga 16: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 16
16
Mana alimwi abakancele
1Mpomunyaawo boonse bene Isilaeli bakanyamuka kuswa kuElimu. Ono pabushiku bwalikumi ashosanwe, mumweenshi wabili kuswa pabushiku ubo ndibakaswa kuIjipiti bakashika muluyanga lwiitwa ayi Sini, luli pakati ka Elimu alimwi aSinayi. 2Muluyanga umo, boonse bakatalika kutongooka kuli Mose aAloni, 3kababaambila ayi, “Anu naakwiinga Mwaami Lesa wakatucailabo mucishi ca Ijipiti. Ceebo kwalo twakalinga kwikala akulya nyama alimwi ashakulya shimwi shoonse nshetwakalinga kusuni. Sombi mwebo mwatuleta momuno muluyanga ayi mutucaishe kunsala soonse.”
4Mpeeke Mwaami Lesa wakaambila Mose ayi, “Ono ntoomuloshesha shakulya kuswa kwiculu ayi noonse mukwane. Bantu boonse balyeelete kuya mukubwesa shakulya lyoonse isho nsheenga bakumana pabushiku ubo. Munshila yeeyi, inga ndabeelesha akwishiba na inga bakonkela milasho yangu.#Joni 6:31 5Sombi pabushiku bwasanu abomwi, balyeelete kubwesa shakulya shanshiku shobilo akushitelekela limwi.”
6Aboobo Mose aAloni bakaambila bene Isilaeli boonse ayi, “Sunu macolesha noonse mutooshiba ayi nguMwaami Lesa wakamukusha mucishi ca Ijipiti. 7Macuunsa mutoobona bulemu bwa Mwaami Lesa mukwiinga wanyumfwa matongooshi anu kuli nguwe. Ncakwiila ngomutootongookela ceebo swebo tutokonkelabo milasho yakwe.” 8Lyalo Mose wakabaambila ayi, “NguMwaami Lesa eshi amupe nyama ayi mulye macolesha alimwi ashinkwa woonse uyandika macuunsa, mukwiinga Mwaami Lesa wanyumfwa mbuli mbomwamutongookela. Na mwatongookela ndiswe, nkokwaamba ayi mutootongookela Mwaami Lesa.”
9Mpeeke Mose wakaambila Aloni ayi, “Lwiita bene Isilaeli boonse ayi bese beemikane pameenso a Mwaami Lesa mukwiinga wanyumfwa matongooshi abo.” 10Ono Aloni ndyaakalinga kwaamba, bene Isilaeli boonse bakacebukila muluyanga. Paciindi ceenka ico, bakabona bulemu bwa mwaami Lesa mulikumbi. 11Mwaami Lesa wakaambila Mose ayi, 12“Matongooshi a bene Isilaeli ndaanyumfwa. Ubalwiite ayi macolesha batoolya nyama alimwi macuunsa balaakulya shinkwa kweelana ambobasuni. Lyalo ndyeshi bakeshibe ayi nebo neMwaami Lesa, ndime Lesa wabo.”
13Ingayi macolesha, bakancele baanji bakesa mukwikala poonse poonse pakati ka misumba. Ono macuunsa, kwakaba mume uunji abuumbi kushinguluka misumba yoonse. 14Ono mume ndiwakamana, muluyanga bakabona tuntu tuniininiini tupampamene panshi twakalinga kutubabo tuu. 15Bene Isilaeli ndibakatubona, tabakwe kutwishiba, aboobo bakatalika kwiipushanya ayi, “Anu utu ntuunshi?” Mose wakabalwiita ayi, “Uyu ngoshinkwa Mwaami Lesa ngwaamupa.#1 Koli 10:3 16Mwaami Lesa waamba ayi muntu womwi awomwi ulyeelete kubwesa shinkwa ngwaakonsha kulya, alimwi muntu womwi ulyeelete kubwesa malita obilo amuntu womwi awomwi kweelana abaabo mbwaabetaabo mumusumba wakwe.”
17Bene Isilaeli bakacita mbomunya ubo, bamwi bakalinga kubwesa uunji, sombi bamwi uniini. 18Ono ndibakashipima, abo bakabwesa uunji, tabakwe kuba ausotoka. Abalo abo bakabwesa uniini tabakwe kubulila. Cakacanika ayi muntu woonse wakabwesa kweelana ambwaakalinga kweelete.#2 Koli 8:15 19Lyalo Mose wakabaambila ayi, “Taaku muntu nabi womwi weelete kushiyaawo ayi shikashikweeko aciilo.” 20Sombi bamwi tabakwe kunyumfwila Mose, aboobo bakashiyaawo. Ndibwakaca bakacana kamweendabo mapila alimwi akununka abuumbi. Mose bantu abo wakabakalalila. 21Macuunsa lyoonse, muntu womwi awomwi wakalinga kubwesa shinkwa ngwaakonsha kulya. Ono na lumwi lwabala bunene, shoonse shakalinga kucaala panshi shakalinga kusunguluka.
22Pabushiku bwasanu abomwi, palo bakalinga kubwesa wanshiku shobilo, nkokwaamba ayi malita one pamuntu womwi. Bamatanjilili boonse ba bene Isilaeli bakesa kuli Mose mukumulwiita pacikani ici. 23Mose wakabalwiita ayi, “Mwaami Lesa wakaamba ayi ciilo mbushiku bwakwe busalalite bwakookesha bwa Cibelu. Paceebo ceeci mulyeelete kupanga sunu shakulya nshemusuni kupanga alimwi muteleke nshemusuni kuteleka. Shoonse nsheshi mushiyeeko, mushibike palubasu ayi mukalye ciilo.”#Kulo 20:8-11 24Kweelana abwakabalwiita Mose, bakabika nshebakashiyaako ayi nshabushiku bwakaboolaawo, Mpeeke tashikwe kunyonyooka nabi kuba amapila. 25Mose wakaamba ayi, “Amulye shakulya ishi sunu ceebo sunu mbushiku bwakookesha bwa Cibelu bwa Mwaami Lesa alimwi teshi mucanewo shakulya pansengwe. 26Mulyeelete kunoobwesa shakulya munshiku shili shosanwe abomwi, sombi pabushiku bwasanu ashobilo, bushiku bwakookesha, teshi shikanoobaako.”
27Nacibi boobo bantu bamwi bakalinga kuya ayi bakabwese shakulya pabushiku bwasanu ashobilo, sombi tebakalinga kushicanaawo. 28Lyalo Mwaami Lesa wakaambila Mose ayi, “Ino mwebo nobantu mutootola ciindi cilaamfu buyani kamukaka kukonkela milawo amilasho yangu? 29Mulyeelete kwiibaluka ayi nebo neMwaami Lesa ndakamupa bushiku bwakookesha bwa Cibelu, nceceeco nceshi noomupeta shakulya shikumana nshiku shobilo lyoonse pabushiku bwasanu abomwi. Muntu woonse ulyeelete kwikala kweenka nkwaabete pabushiku bwasanu ashobilo, alimwi teelete kushiya musumba wakwe.” 30Aboobo bantu tebakalinga kusebensa pabushiku bwasanu ashobilo.
31Mpeeke bene Isilaeli bakalinga kwiita shakulya ishi ayi mana. Shakalinga kuboneka anga ninseke shiniini shituba. Ono pakulya shakalinga kunyumfwika anga ncimaande cakapangwa abuuci.#Shakube 11:7-8 32Mose wakaamba ayi, “Mwaami Lesa watulwiita ayi tubike malita obilo a mana palubasu kwaamba ayi bamulunyungu lwesu bakabone cakulya ico ncaakatupa muluyanga ndyaakatukusha mucishi ca Ijipiti.” 33Mpomunyaawo Mose wakaambila Aloni ayi, “Bwesa kangomo, ubikemo mana akumana malita obilo akukabika pameenso a Mwaami Lesa kwaamba ayi tukaboneshe bamulunyungu lwesu.”#Ebulu 9:4 34Kweelana aMwaami Lesa mbwaakaambila Mose, Aloni wakabika kangomo ka mana ako kunembo lya Libokoshi lya Cipangano kwaamba ayi kalamwe. 35Bene Isilaeli bakalinga kulya mana kwamyaaka ili makumi one tibili ndibakashika mucishi mwakalinga kwikala bantu. Bakalinga kulya mana tibili ndibakashika kunyinsa ya cishi ca Kenani.#Joshu 5:12
36Ono cipimo ncebakalinga kusebensesha paciindi ico, cakalinga kukumana malita ali obilo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.