Kulonga 15
15
Lwiimbo lwakwe Mose
1Lyalo Mose alimwi abene Isilaeli boonse bakeembila Mwaami Lesa lwiimbo ulu,
“Ntokwiimbila Mwaami Lesa mukwiinga wakoma cabulemu.
Wawaala maaki alimwi abalinga kutantiteewo mulweenge.#Ciyu 15:3
2Mwaami Lesa ngoompa nkusu alimwi ndamwiimbila,
mukwiinga ngomupulushi wangu.
NgoLesa wangu, alimwi ntoomulumbaisha
ngoLesa wa bata alimwi ntokwiimba pankusu shakwe.#Kulu 118:14; Isa 12:2
3Mwaami Lesa ngushilumamba.
Mwaami Lesa, ndyeliina lyakwe.
4“Wakawaala bashilumamba bene Ijipiti
alimwi ashikoci shabo shankondo mulweenge.
Beshikutanjilila bashilumamba basalitwe,
boonse bakepishikwa muLweenge Lusalala.
5Maanshi alaamfu akabafwekelesha.
Bakepila kushikila panshi palweenge anga ndibwe.
6“NoBaami baLesa, lyaansa lyanu lyalulyo lilicite nkusu shiloondesha.
NoBaami baLesa, lyaansa lyanu lyalulyo lilasansoola balwani.
7Mubulemu bwa bwaami bwanu,
mulawisha balwani banu panshi.
Ee bukali bwanu bulanyaka
akubatenta anga mbwiisu buyumu.
8Mwakayoyela palweenge,
mpeeke maanshi akalilundikabo mweela.
Maanshi akeemikanabo anga ndubumbu lwa ŋanda,
apaapo poonse pakalinga palaamfu pakaboolabo nta.
9“Mpeeke mulwani wakaamba ayi,
‘Ntoobakonkela kushikila mbacaane.
Ntoobaanya buboni bwabo,
ntoobwesa shoonse nsheensuni.
Ntookusha mupeeni wangu,
ntoobanyonyoola alyaansa lyangu.’
10Sombi ndimwakayoyabo linkanda lyomwi,
maanshi akafwekelesha bene Ijipiti boonse.
Ncakwiila bakepilabo anga nceela
panshi lya maanshi ayo aloondesha.
11“NoBaami baLesa, ngani uli anga ndimwe pabalesa boonse?
Ino ngani uli anga ndimwe
nomusalalite abuumbi?
Ino ngani uli anga ndimwe
nomucite bulemu bukankamika?
Ino ngani uli anga ndimwe
nomucita shitondesho sha nkusu shakwiculu?
12Mwebo mwakatandabikabo lyaansa lyanu lyalulyo,
mpeeke cishi ca panshi cakamina balwani besu boonse.
13Nomushomeka pacipangano canu,
mwakatanjilila bantu mbomwakafuna.
Kwiinda munkusu shanu
mwakabatanjilila kuya kucishi canu cisalalite.
14Mishobo yoonse yakanyumfwa nshemwakacita,
aboobo itootutuma abuumbi.
Bene Filisiti boowa bwabacata cankusu.
15Bacinenenene ba bene Edomu baliloondete.
Bamatanjilili ba bene Moabu batootutumabo.
Abalo bantu bene Kenani bapulwa mumala.
16Boowa alimwi akulibilika shili pali mbabo.
Ceebo ca nkusu shanu, noBaami baLesa,
balacelemanabo akuloonda abuumbi,
kushikila bantu banu beenda akuya
bantu abo mbomwakaangulula mubusha.
17Mulaakubaleta akubekalika pakalundu kanu,
musena, noBaami baLesa, uyo ngomwakasala ayi ube ŋanda yanu.
Ŋanda yakumulambililaamo, noBaami baLesa, njemwakayaka nobeene.
18Mwebo noBaami baLesa, mulaakunoolibo baami lyoonse alyoonse.”
Lwiimbo lwakwe Milyamu
19Anu bene Isilaeli bakasubuka lweenge pabulongo buyumu nta. Sombi shikoci shankondo sha bene Ijipiti, maaki alimwi abeshikweensha babo ndibakashika mulweenge, Mwaami Lesa wakakumanya maanshi alimwi. Mpeeke akabafwekelesha.
20Mpomunyaawo Milyamu mulaluki mwanakashi, nankashi yakwe Aloni wakabwesa musebe, mpeeke banakashi boonse bakatalika kulisha akushana. 21Milyamu wakatalika kubeembila ayi,
“Amwiimbile Mwaami Lesa mukwiinga wakoma cabulemu.
Wawaala maaki alimwi abalinga kutantiteewo mulweenge.”
Maanshi alula
22Kuswawaawo Mose wakatanjilila bene Isilaeli kuswa kuLweenge Lusalala kuya muluyanga lwiitwa ayi Sheli. Bakeenda nshiku shotatwe muluyanga, sombi tabakwe kucanawo maanshi. 23Lyalo bakashika pamusena wiitwa ayi Mala, sombi maanshi ngobakacana akalinga kulula cakwaamba ayi bakaalilwa kwaanwa. Nceceeco ncebakeetilaawo ayi Mala. 24Bantu bakatalika kutongooka kuli Mose akumwiipusha ayi, “Ino tutoonwanshi?” 25Lakwe Mose wakapaila abuumbi kuMwaami Lesa, mpeeke Mwaami Lesa wakamubonesha kasamu, lyalo Mose wakakawaala mumaanshi mpomunyaawo maanshi akaba kabotu.
Apo Mwaami Lesa wakabapa mulawo amulasho alimwi apo peenka wakabeelesha. 26Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.” 27Kuswawaawo bakashika kuElimu, uko kwakalinga tuntupu tuli likumi atobilo alimwi atupukupuku tuli makumi osanwe alimwi aobilo. Mpeeke bakayaka misumba pafwaafwi amaanshi.
Currently Selected:
Kulonga 15: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 15
15
Lwiimbo lwakwe Mose
1Lyalo Mose alimwi abene Isilaeli boonse bakeembila Mwaami Lesa lwiimbo ulu,
“Ntokwiimbila Mwaami Lesa mukwiinga wakoma cabulemu.
Wawaala maaki alimwi abalinga kutantiteewo mulweenge.#Ciyu 15:3
2Mwaami Lesa ngoompa nkusu alimwi ndamwiimbila,
mukwiinga ngomupulushi wangu.
NgoLesa wangu, alimwi ntoomulumbaisha
ngoLesa wa bata alimwi ntokwiimba pankusu shakwe.#Kulu 118:14; Isa 12:2
3Mwaami Lesa ngushilumamba.
Mwaami Lesa, ndyeliina lyakwe.
4“Wakawaala bashilumamba bene Ijipiti
alimwi ashikoci shabo shankondo mulweenge.
Beshikutanjilila bashilumamba basalitwe,
boonse bakepishikwa muLweenge Lusalala.
5Maanshi alaamfu akabafwekelesha.
Bakepila kushikila panshi palweenge anga ndibwe.
6“NoBaami baLesa, lyaansa lyanu lyalulyo lilicite nkusu shiloondesha.
NoBaami baLesa, lyaansa lyanu lyalulyo lilasansoola balwani.
7Mubulemu bwa bwaami bwanu,
mulawisha balwani banu panshi.
Ee bukali bwanu bulanyaka
akubatenta anga mbwiisu buyumu.
8Mwakayoyela palweenge,
mpeeke maanshi akalilundikabo mweela.
Maanshi akeemikanabo anga ndubumbu lwa ŋanda,
apaapo poonse pakalinga palaamfu pakaboolabo nta.
9“Mpeeke mulwani wakaamba ayi,
‘Ntoobakonkela kushikila mbacaane.
Ntoobaanya buboni bwabo,
ntoobwesa shoonse nsheensuni.
Ntookusha mupeeni wangu,
ntoobanyonyoola alyaansa lyangu.’
10Sombi ndimwakayoyabo linkanda lyomwi,
maanshi akafwekelesha bene Ijipiti boonse.
Ncakwiila bakepilabo anga nceela
panshi lya maanshi ayo aloondesha.
11“NoBaami baLesa, ngani uli anga ndimwe pabalesa boonse?
Ino ngani uli anga ndimwe
nomusalalite abuumbi?
Ino ngani uli anga ndimwe
nomucite bulemu bukankamika?
Ino ngani uli anga ndimwe
nomucita shitondesho sha nkusu shakwiculu?
12Mwebo mwakatandabikabo lyaansa lyanu lyalulyo,
mpeeke cishi ca panshi cakamina balwani besu boonse.
13Nomushomeka pacipangano canu,
mwakatanjilila bantu mbomwakafuna.
Kwiinda munkusu shanu
mwakabatanjilila kuya kucishi canu cisalalite.
14Mishobo yoonse yakanyumfwa nshemwakacita,
aboobo itootutuma abuumbi.
Bene Filisiti boowa bwabacata cankusu.
15Bacinenenene ba bene Edomu baliloondete.
Bamatanjilili ba bene Moabu batootutumabo.
Abalo bantu bene Kenani bapulwa mumala.
16Boowa alimwi akulibilika shili pali mbabo.
Ceebo ca nkusu shanu, noBaami baLesa,
balacelemanabo akuloonda abuumbi,
kushikila bantu banu beenda akuya
bantu abo mbomwakaangulula mubusha.
17Mulaakubaleta akubekalika pakalundu kanu,
musena, noBaami baLesa, uyo ngomwakasala ayi ube ŋanda yanu.
Ŋanda yakumulambililaamo, noBaami baLesa, njemwakayaka nobeene.
18Mwebo noBaami baLesa, mulaakunoolibo baami lyoonse alyoonse.”
Lwiimbo lwakwe Milyamu
19Anu bene Isilaeli bakasubuka lweenge pabulongo buyumu nta. Sombi shikoci shankondo sha bene Ijipiti, maaki alimwi abeshikweensha babo ndibakashika mulweenge, Mwaami Lesa wakakumanya maanshi alimwi. Mpeeke akabafwekelesha.
20Mpomunyaawo Milyamu mulaluki mwanakashi, nankashi yakwe Aloni wakabwesa musebe, mpeeke banakashi boonse bakatalika kulisha akushana. 21Milyamu wakatalika kubeembila ayi,
“Amwiimbile Mwaami Lesa mukwiinga wakoma cabulemu.
Wawaala maaki alimwi abalinga kutantiteewo mulweenge.”
Maanshi alula
22Kuswawaawo Mose wakatanjilila bene Isilaeli kuswa kuLweenge Lusalala kuya muluyanga lwiitwa ayi Sheli. Bakeenda nshiku shotatwe muluyanga, sombi tabakwe kucanawo maanshi. 23Lyalo bakashika pamusena wiitwa ayi Mala, sombi maanshi ngobakacana akalinga kulula cakwaamba ayi bakaalilwa kwaanwa. Nceceeco ncebakeetilaawo ayi Mala. 24Bantu bakatalika kutongooka kuli Mose akumwiipusha ayi, “Ino tutoonwanshi?” 25Lakwe Mose wakapaila abuumbi kuMwaami Lesa, mpeeke Mwaami Lesa wakamubonesha kasamu, lyalo Mose wakakawaala mumaanshi mpomunyaawo maanshi akaba kabotu.
Apo Mwaami Lesa wakabapa mulawo amulasho alimwi apo peenka wakabeelesha. 26Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.” 27Kuswawaawo bakashika kuElimu, uko kwakalinga tuntupu tuli likumi atobilo alimwi atupukupuku tuli makumi osanwe alimwi aobilo. Mpeeke bakayaka misumba pafwaafwi amaanshi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.