Bene Kolose 3
3
1Ceebo mwakabushikwa pantu pomwi aKlistu, amubike myoyo yanu pashintu sha kwiculu, uko Klistu nkwaashiite kulubasu lwalulyo lwakwe Lesa. 2Amuyandoole shintu sha kwiculu, kuteshi sha mucishi ca panshi, sobwe. 3Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa. 4Klistu mbobuumi bwanu, ono na akaboneke, amwebo mulaakuboneka pantu pomwi anguwe mubulemu bwakwe.
Buumi bwakale kale alimwi abupya
5Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa. 6Ceebo ca shintu sha mushobo wooyu, bukali bwakwe Lesa bulaakuba pabantu abo batamunyumfwili. 7Kale kale mwakalinga mbuli mbabo, ndimwakalinga kushicita.
8Sombi bulya mucileeke shoonse ishi, mbuli kukalala, kukalooka alimwi amiyeeyo ya lupato. Tamweelete kutukana nabi kusebensesha myaambo ibiibi. 9Mutanoobecana mukwiinga mwashiya buumi bwanu bwakale kale amicito ya mbubo#Efe 4:22 10akwinjila mubuumi bupya. Buumi ubu Mulengi wanu utoobubotesha lyoonse mucikoshanyo cakwe kwaamba ayi mumwishibe kabotu.#Efe 4:24; Mata 1:26 11Mubuumi bupya ubu taaku bupusano buliiwo pakati ka baJuda abaswamashi bakunsengwe, bakapalulwa abatana kupalulwa, batacite lushibo, beshinkondo baloondesha, pakati ka basha abaangulukite, sombi cinene nguKlistu mukwiinga lakwe nsheshoonse alimwi uli muboonse.
12Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo. 13Amunyumfwilane nkumbu akulekelelana womwi awomwi. Na umwi wabishisha mubye, ulyeelete kumulekelela bweenka mbuli Mwaami mbwaakamulekelela.#Efe 4:2#Efe 4:32 14Pashintu shoonse ishi mulyeelete kuba alusuno, lwalo ndolucatanya shintu shoonse ishi, kwaamba ayi shilulame. 15Luumuno Klistu ndwaapa, alweendeleshe myoyo yanu. Lesa wakamwiita kwaamba ayi mube aluumuno ndomunya ulu mukwiinga muli shipansha sha mubili womwi. Amube amyoyo yakulumba. 16Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba. 17Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.#Efe 5:19-20
Buumi bupya mucikwati
18Nobanakashi, kamuliceesha kubameebaanu mukwiinga mwine Klistu mbwaaelete kucita.#Efe 5:22; 1 Pita 3:1 19Amwebo nobasankwa amusune bamakaanu, tamweelete kuba alunkutwe.#Efe 5:25; 1 Pita 3:7 20Nobaana amwebo, mulyeelete kunyumfwila bashali banu mushintu shoonse mukwiinga ici ncecikondelesha Lesa.#Efe 6:1 21Amwebo nobashali, mutanookalasha bana banu mukwiinga inga batyongooka.#Efe 6:4
22Amwebo nobasha, mulyeelete kunyumfwila bamaami banu ba mucishi ca panshi mushintu shoonse. Mutanoobanyumfwilabo na mpobali kwaamba ayi bamuluumbe, sombi mubanyumfwile camoyo woonse ceebo mulalemeka Mwaami. 23Ono coonse cintu ncemutoocita, amuciciite amoyo womwi anga mutoocitila Mwaami Jesu, kuteshi bantu. 24Amwiingashile kwaamba ayi Mwaami ulaakumupa cilambu ncaakashomesha bantu bakwe. Anu Mwaami ngomutoosebensela nguKlistu. 25Sombi muntu woonse ucita shitaluleme, ulaakoomboloshekwa kweelana abubi bwakwe mukwiinga Lesa taasalululi.#Efe 6:5-8#Duto 10:17; Efe 6:9
Currently Selected:
Bene Kolose 3: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Kolose 3
3
1Ceebo mwakabushikwa pantu pomwi aKlistu, amubike myoyo yanu pashintu sha kwiculu, uko Klistu nkwaashiite kulubasu lwalulyo lwakwe Lesa. 2Amuyandoole shintu sha kwiculu, kuteshi sha mucishi ca panshi, sobwe. 3Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa. 4Klistu mbobuumi bwanu, ono na akaboneke, amwebo mulaakuboneka pantu pomwi anguwe mubulemu bwakwe.
Buumi bwakale kale alimwi abupya
5Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa. 6Ceebo ca shintu sha mushobo wooyu, bukali bwakwe Lesa bulaakuba pabantu abo batamunyumfwili. 7Kale kale mwakalinga mbuli mbabo, ndimwakalinga kushicita.
8Sombi bulya mucileeke shoonse ishi, mbuli kukalala, kukalooka alimwi amiyeeyo ya lupato. Tamweelete kutukana nabi kusebensesha myaambo ibiibi. 9Mutanoobecana mukwiinga mwashiya buumi bwanu bwakale kale amicito ya mbubo#Efe 4:22 10akwinjila mubuumi bupya. Buumi ubu Mulengi wanu utoobubotesha lyoonse mucikoshanyo cakwe kwaamba ayi mumwishibe kabotu.#Efe 4:24; Mata 1:26 11Mubuumi bupya ubu taaku bupusano buliiwo pakati ka baJuda abaswamashi bakunsengwe, bakapalulwa abatana kupalulwa, batacite lushibo, beshinkondo baloondesha, pakati ka basha abaangulukite, sombi cinene nguKlistu mukwiinga lakwe nsheshoonse alimwi uli muboonse.
12Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo. 13Amunyumfwilane nkumbu akulekelelana womwi awomwi. Na umwi wabishisha mubye, ulyeelete kumulekelela bweenka mbuli Mwaami mbwaakamulekelela.#Efe 4:2#Efe 4:32 14Pashintu shoonse ishi mulyeelete kuba alusuno, lwalo ndolucatanya shintu shoonse ishi, kwaamba ayi shilulame. 15Luumuno Klistu ndwaapa, alweendeleshe myoyo yanu. Lesa wakamwiita kwaamba ayi mube aluumuno ndomunya ulu mukwiinga muli shipansha sha mubili womwi. Amube amyoyo yakulumba. 16Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba. 17Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.#Efe 5:19-20
Buumi bupya mucikwati
18Nobanakashi, kamuliceesha kubameebaanu mukwiinga mwine Klistu mbwaaelete kucita.#Efe 5:22; 1 Pita 3:1 19Amwebo nobasankwa amusune bamakaanu, tamweelete kuba alunkutwe.#Efe 5:25; 1 Pita 3:7 20Nobaana amwebo, mulyeelete kunyumfwila bashali banu mushintu shoonse mukwiinga ici ncecikondelesha Lesa.#Efe 6:1 21Amwebo nobashali, mutanookalasha bana banu mukwiinga inga batyongooka.#Efe 6:4
22Amwebo nobasha, mulyeelete kunyumfwila bamaami banu ba mucishi ca panshi mushintu shoonse. Mutanoobanyumfwilabo na mpobali kwaamba ayi bamuluumbe, sombi mubanyumfwile camoyo woonse ceebo mulalemeka Mwaami. 23Ono coonse cintu ncemutoocita, amuciciite amoyo womwi anga mutoocitila Mwaami Jesu, kuteshi bantu. 24Amwiingashile kwaamba ayi Mwaami ulaakumupa cilambu ncaakashomesha bantu bakwe. Anu Mwaami ngomutoosebensela nguKlistu. 25Sombi muntu woonse ucita shitaluleme, ulaakoomboloshekwa kweelana abubi bwakwe mukwiinga Lesa taasalululi.#Efe 6:5-8#Duto 10:17; Efe 6:9
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.