Bene Kolose 2
2
1Ndisuni kwaamba ayi mwishibe mbuli mboontoosebensela mwebo, bashomi ba muLawodisiya alimwi abaabo boonse batana kumbonaawo. 2Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine. 3Muli nguwe momushisitwe bubile boonse bwa busongo alimwi alushibo.
4Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi. 5Nakubi kwaamba ayi nshibetaanu mumubili, sombi moyo wangu uli kooko kuli ndimwe. Ndisangalete kunyumfwa kwaamba ayi mutoosebensa kabotu alimwi ayi mutooshoma muli Klistu amoyo woonse.
Buumi bwancinencine muli Klistu
6Ono ceebo mwakatambula Jesu Klistu akusumina ayi abe Mwaami wanu, amukalilile muli nguwe. 7Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.
8Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu. 9Mukwiinga muli Klistu bulesa boonse bulekala mumubili wa buntu 10alimwi muli nguwe, mwebo mulicite buumi bwancinencine. Lakwe uleendaawo pabamaami alimwi abeendeleshi boonse.
11Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi. 12Mukwiinga ndimwakabombekwa, cakaba anga mwakabikwa mucuumbwe pantu pomwi aKlistu alimwi mukubombekwa uko mwakabushikwa anguwe kwiinda mukushoma nkusu shakwe Lesa, uyo wakamubusha kuswa kubafu.#Loma 6:4 13Mwebo kale kale mwakalinga kufwite mumushimu ceebo ca shibiibi shanu alimwi akutapalulwa kwa myoyo yanu. Sombi ono Lesa wamupa buumi pantu pomwi aKlistu. Peculu lya waawo wakatulekelela shibiibi shesu shoonse.#Efe 2:1-5 14Wakashiminganya milandu yesu alimwi aMilawo ya njiyo yoonse, akwiimanisha kwiinda mukwiipopa pamucilingano.#Efe 2:15 15Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.
16Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.#Loma 14:1-6 17Shoonse ishi shintu nshimfulebo sha sheesho shancinencine shili kunembo. Sombi shancinencine isho, nguKlistu. 18Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu. 19Tabacatite kuli Klistu, uyo uli ngomutwi wa coonde. Sombi muli Klistu mubili woonse ulatambula nkusu alimwi shipansha shoonse shilacatanishikwa mushiso sha nshisho. Munshila iyi mubili ulakula kweelana aLesa mbwaasuni.#Efe 4:16
Kufwa alimwi akuba abuumi muli Klistu
20Mwebo mwakafwa pantu pomwi aKlistu, aboobo tamubeteko lubasu kushintu sha kwishibila kwa mucishi ca panshi. Ceebonshi mucicita anga mbantu bacite buumi bwa mucishi? Ceebonshi mulakonkela milawo yakwaamba ayi, 21“Utacati ceeci,” “Utali ceeci,” “Utakumi ceeci”? 22Iyi njimilawo alimwi akwiishabo kwa bantu alimwi shilaamba pashintu shimana ncito na bamana kushisebensesha. 23Ncakwiila shintu ishi shilaboneka anga nshabusongo. Sombi kupaila kwakulipangila kwabaanjelo, kulibombya cakubeca akupensha mubili, shoonse ishi tashicite mpindu yakukoma buumi bwa buntu busuni kubisha.
Currently Selected:
Bene Kolose 2: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Kolose 2
2
1Ndisuni kwaamba ayi mwishibe mbuli mboontoosebensela mwebo, bashomi ba muLawodisiya alimwi abaabo boonse batana kumbonaawo. 2Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine. 3Muli nguwe momushisitwe bubile boonse bwa busongo alimwi alushibo.
4Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi. 5Nakubi kwaamba ayi nshibetaanu mumubili, sombi moyo wangu uli kooko kuli ndimwe. Ndisangalete kunyumfwa kwaamba ayi mutoosebensa kabotu alimwi ayi mutooshoma muli Klistu amoyo woonse.
Buumi bwancinencine muli Klistu
6Ono ceebo mwakatambula Jesu Klistu akusumina ayi abe Mwaami wanu, amukalilile muli nguwe. 7Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.
8Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu. 9Mukwiinga muli Klistu bulesa boonse bulekala mumubili wa buntu 10alimwi muli nguwe, mwebo mulicite buumi bwancinencine. Lakwe uleendaawo pabamaami alimwi abeendeleshi boonse.
11Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi. 12Mukwiinga ndimwakabombekwa, cakaba anga mwakabikwa mucuumbwe pantu pomwi aKlistu alimwi mukubombekwa uko mwakabushikwa anguwe kwiinda mukushoma nkusu shakwe Lesa, uyo wakamubusha kuswa kubafu.#Loma 6:4 13Mwebo kale kale mwakalinga kufwite mumushimu ceebo ca shibiibi shanu alimwi akutapalulwa kwa myoyo yanu. Sombi ono Lesa wamupa buumi pantu pomwi aKlistu. Peculu lya waawo wakatulekelela shibiibi shesu shoonse.#Efe 2:1-5 14Wakashiminganya milandu yesu alimwi aMilawo ya njiyo yoonse, akwiimanisha kwiinda mukwiipopa pamucilingano.#Efe 2:15 15Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.
16Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.#Loma 14:1-6 17Shoonse ishi shintu nshimfulebo sha sheesho shancinencine shili kunembo. Sombi shancinencine isho, nguKlistu. 18Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu. 19Tabacatite kuli Klistu, uyo uli ngomutwi wa coonde. Sombi muli Klistu mubili woonse ulatambula nkusu alimwi shipansha shoonse shilacatanishikwa mushiso sha nshisho. Munshila iyi mubili ulakula kweelana aLesa mbwaasuni.#Efe 4:16
Kufwa alimwi akuba abuumi muli Klistu
20Mwebo mwakafwa pantu pomwi aKlistu, aboobo tamubeteko lubasu kushintu sha kwishibila kwa mucishi ca panshi. Ceebonshi mucicita anga mbantu bacite buumi bwa mucishi? Ceebonshi mulakonkela milawo yakwaamba ayi, 21“Utacati ceeci,” “Utali ceeci,” “Utakumi ceeci”? 22Iyi njimilawo alimwi akwiishabo kwa bantu alimwi shilaamba pashintu shimana ncito na bamana kushisebensesha. 23Ncakwiila shintu ishi shilaboneka anga nshabusongo. Sombi kupaila kwakulipangila kwabaanjelo, kulibombya cakubeca akupensha mubili, shoonse ishi tashicite mpindu yakukoma buumi bwa buntu busuni kubisha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.