Milimo ya Batumwi MAKANI ATAANSHI
MAKANI ATAANSHI
Milimo ya Batumwi nkutolelela kwa Makani Abotu akalemba Luka. Muyeeyo unene wa libuku ili nkusansulula mbuli bashomi bataanshi bakwe Jesu, abo bakatanjililwa aMushimu Usalashi, mbobakamwaya Makani Abotu apali nguwe “muJelusalemu, muJudeya moonse, alimwi amuSamaliya, kushikila amucishi coonse ca panshi” (1:8). Lilasansulula mbuli bwine Klistu mbobwakatalika pakati ka baJuda ambobwakesa mukuba lushomo lwa bantu mucishi ca panshi coonse. Cintu cinene muMilimo ya Batumwi njimicito ya Mushimu Usalashi uyo wakesa pabashomi boonse pabushiku bwa Pentekositi. Kuswawaawo wakatolelela kutanjilila akuyumya coonde abamatanjilili ba ncico mushintu shoonse shakacitika kweelana amalembo amulibuku ili.
Mundando wa Shiliimo amoshicanika
Kulibambila kupa bukamboni 1:1-26
a. Mulawo wakwe Jesu wakweelaako akushomesha 1:1-14
b. Wakapyana musena wakwe Judasi 1:15-26
Bukamboni muJelusalemu 2:1—8:3
Bukamboni muJudeya aSamaliya 8:4—12:25
Kushimikila kwakwe Paulo 13:1—28:31
a. Lweendo lwakutaanguna lwakuya bushimikila 13:1—14:28
b. Libungano linene lyakaba muJelusalemu 15:1-35
c. Lweendo lwabili lwakuya bushimikila 15:36—18:22
d. Lweendo lwatatu lwakuya bushimikila 18:23—21:16
e. Paulo mbwaakaba kaili muJelusalemu, Sisaliya, amuLoma 21:17—28:31
Currently Selected:
Milimo ya Batumwi MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.