Milimo ya Batumwi 25
25
Paulo mbwaakasenga koomboloshekwa aSisa muleli munene wa kuLoma
1Ndipakeenda nshiku shotatwe kuswa pabushiku ndyaakashika mucishi, Fesitasi wakaya kuJelusalemu kuswa kuSisaliya. 2Mpeeke bamatanjilili ba bapailishi alimwi abamatanjilili ba baJuda bakalwiita Fesitasi milandu yoonse njebakabekesha Paulo. Bakalinga kusenga Fesitasi 3ayi abanyumfwile nkumbu, abooshe Paulo kuJelusalemu. Bakaamba boobo mukwiinga bakalinga kusuni ayi bamucaaye munshila. 4Sombi Fesitasi wakabakumbula ayi, “Paulo ulyaangitwe muSisaliya alimwi nebo ndi pafwaafwi kuboolela nkomunya uko. 5Anu atukaye kuSisaliya abamatanjilili banu kwaamba ayi bakamupe mulandu na kuli cibiibi ncaakacita.”
6Mpomunyaawo Fesitasi wakekalaabo nshiku shili shosanwe ashotatwe nabi likumi, lyalo wakaboolela kuSisaliya. Pabushiku bwakaboolaawo, wakenjila munkuta akwaambila bamwi ayi balete Paulo. 7Ono Paulo ndyaakashika, baJuda bakaswa kuJelusalemu bakamushinguluka akutalika kwaamba shikani shiinji shiloondesha pali nguwe, sombi bakaalilwa kutondesha ayi nshebakalinga kwaamba nshalushinisho. 8Sombi Paulo wakaliimikanina ayi, “Taaku cintu ncendakacita citasuminishikwi muMilawo ya baJuda, kucita cintu nceenga cabisha Ŋanda yakwe Lesa nabi kwaamba cibiibi kuli Sisa muleli munene wa kuLoma.”
9Fesitasi wakalinga kusuni ayi baJuda bamusuune, aboobo wakeepusha Paulo ayi, “Sa ulisuminite kutolwa kuJelusalemu kwaamba ayi nkakoombolosheshe nkuko?” 10Paulo wakakumbula ayi, “Nebo ndisuni kwaamba ayi Sisa muleli munene wa kuLoma aŋomboloshe. Taaku ncendakabishisha baJuda, kweelana ambomwishi mwebo nobeene. 11Ono na kuli ncendakacita citasuminishikwi muMilawo, nceenga calengesha ayi mpingulwe kucaikwa, nshintookaka kucaikwa. Sombi na ishi nshebatokwaamba ayi ndakacita teshi shalushinisho, taaku muntu weenga wantola mumaansaabo. Ntoosenga ayi Sisa muleli munene wa kuLoma akoomboloshe mulandu wangu.” 12Lyalo Fesitasi ndyaakamana kulifuyafuya abeshikumupandaako maano. Mpeeke wakaambila Paulo ayi, “Mbowasenga ayi Sisa muleli munene wa kuLoma akoomboloshe mulandu wako, anu utootolwa nkomunya uko!”
Fesitasi mbwaakalwiita mwaami Agilipa shapali Paulo
13Ndipakeenda myeenshi, mwaami Agilipa amukaakwe Benisi bakaya kuSisaliya mukufwakasha kuli Fesitasi alimwi akumwaansha. 14Ndibakekalako nshiku shiinji, Fesitasi wakalwiita mwaami mbuli makani akwe Paulo mbwaabete. Wakaamba ayi, “Kuli musankwa kuno Felekisi ngwaakashiya kaangitwe. 15Ndindakaya kuJelusalemu, bamatanjilili ba bapailishi ba baJuda abamaloba babo, bakandwiita makani apali nguwe akunsenga ayi mupe mulandu. 16Sombi nebo ndakabalwiita ayi swebo sobene Loma tatupi muntu mulandu shimulandunyina kaatapo. Ncibotu kwaamba ayi uyo utoopekwa mulandu akumane abaabo batoomupa mulandu munkuta kwaamba ayi aliimikanine mwiine. 17Ndibakesa kokuno, nshikwe kusowa ciindi, bushiku bwakaboolaawo ndakenjila munkuta akutuma bashilumamba ayi balete Paulo. 18Ono beshimulandunyina ndibakanyamuka akutalika kwaamba, tabakwe kumupawo mulandu uloondesha nabi womwi pamilandu njendakalinga kuyeeya ayi mpashi njebakamuletela. 19Anu ngamakanibo akupikishanya pamiyeeyo ya mbuli mbobapaila Lesa alimwi apamusankwa umwi wakafwa wiitwa ayi Jesu, uyo lakwe Paulo ngwaamba ayi ngumuumi. 20Ndakabula kwakucana makani ancinencine pamulandu uyu, aboobo ndakeepusha Paulo na wakalinga kusuni kuya mukumoomboloshesha kuJelusalemu. 21Sombi Paulo wakasenga ayi bashilumamba banoomulindilila alimwi ayi Sisa muleli munene wa kuLoma akamoomboloshe. Aboobo ndakaambila bashilumamba ayi banoomulindilila kushikila akatolwe kumuleli munene.”
22Mpomunyaawo Agilipa wakaambila Fesitasi ayi, “Anebo ndisuni kwaamba ayi nkalinyumfwile kumuntu uyu.” Fesitasi wakakumbula ayi, “Mulaakulinyumfwila ciilo.”
Paulo mbwaakatolwa kuli aGilipa aBenisi
23Bushiku bwakaboolaawo, Agilipa aBenisi bakashika cabulemu kweelana ambobakabatambula bantu. Bakenjila muŋanda mwakubunganina kabali abamatanjilili ba bashilumamba alimwi abamaloba bashibikitwe mundabala inene ilya. Lyalo Fesitasi wakaambila bashilumamba ayi balete Paulo. 24Kuswawaawo Fesitasi wakaamba ayi, “Nobaami baAgilipa, amwebo nomuli aswebo muno. Uyu musankwa ngomwabona, ngobatootongooka baJuda boonse bekala kokuno alimwi akuJelusalemu. Baloolobesha kabaamba ayi ulyeelete kucaikwa. 25Sombi nebo taaku cibiibi ncendakamucanina nceenga calengesha ayi apingulwe kucaikwa. Ono mukwiinga wakasenga ayi oomboloshekwe aSisa muleli munene wa kuLoma, ndakayeeya ayi atolwe nkuko. 26Ncakwiila nshicite makani ancinencine pali nguwe ngweenga ndaleemba kumuleli munene. Paceebo ceeco, ndamuleta kuli ndimwe, bunene bunene kuli ndimwe nobaami baAgilipa kwaamba ayi mwamwiipulushisha, mpashi inga ndaba amakani ngweenga ndaleemba. 27Mukwiinga ndaboona ayi tacicafwi kutumya muntu waangitwe kwakubula kusansulula kabotu mulandu ngwaacite.”
Currently Selected:
Milimo ya Batumwi 25: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Milimo ya Batumwi 25
25
Paulo mbwaakasenga koomboloshekwa aSisa muleli munene wa kuLoma
1Ndipakeenda nshiku shotatwe kuswa pabushiku ndyaakashika mucishi, Fesitasi wakaya kuJelusalemu kuswa kuSisaliya. 2Mpeeke bamatanjilili ba bapailishi alimwi abamatanjilili ba baJuda bakalwiita Fesitasi milandu yoonse njebakabekesha Paulo. Bakalinga kusenga Fesitasi 3ayi abanyumfwile nkumbu, abooshe Paulo kuJelusalemu. Bakaamba boobo mukwiinga bakalinga kusuni ayi bamucaaye munshila. 4Sombi Fesitasi wakabakumbula ayi, “Paulo ulyaangitwe muSisaliya alimwi nebo ndi pafwaafwi kuboolela nkomunya uko. 5Anu atukaye kuSisaliya abamatanjilili banu kwaamba ayi bakamupe mulandu na kuli cibiibi ncaakacita.”
6Mpomunyaawo Fesitasi wakekalaabo nshiku shili shosanwe ashotatwe nabi likumi, lyalo wakaboolela kuSisaliya. Pabushiku bwakaboolaawo, wakenjila munkuta akwaambila bamwi ayi balete Paulo. 7Ono Paulo ndyaakashika, baJuda bakaswa kuJelusalemu bakamushinguluka akutalika kwaamba shikani shiinji shiloondesha pali nguwe, sombi bakaalilwa kutondesha ayi nshebakalinga kwaamba nshalushinisho. 8Sombi Paulo wakaliimikanina ayi, “Taaku cintu ncendakacita citasuminishikwi muMilawo ya baJuda, kucita cintu nceenga cabisha Ŋanda yakwe Lesa nabi kwaamba cibiibi kuli Sisa muleli munene wa kuLoma.”
9Fesitasi wakalinga kusuni ayi baJuda bamusuune, aboobo wakeepusha Paulo ayi, “Sa ulisuminite kutolwa kuJelusalemu kwaamba ayi nkakoombolosheshe nkuko?” 10Paulo wakakumbula ayi, “Nebo ndisuni kwaamba ayi Sisa muleli munene wa kuLoma aŋomboloshe. Taaku ncendakabishisha baJuda, kweelana ambomwishi mwebo nobeene. 11Ono na kuli ncendakacita citasuminishikwi muMilawo, nceenga calengesha ayi mpingulwe kucaikwa, nshintookaka kucaikwa. Sombi na ishi nshebatokwaamba ayi ndakacita teshi shalushinisho, taaku muntu weenga wantola mumaansaabo. Ntoosenga ayi Sisa muleli munene wa kuLoma akoomboloshe mulandu wangu.” 12Lyalo Fesitasi ndyaakamana kulifuyafuya abeshikumupandaako maano. Mpeeke wakaambila Paulo ayi, “Mbowasenga ayi Sisa muleli munene wa kuLoma akoomboloshe mulandu wako, anu utootolwa nkomunya uko!”
Fesitasi mbwaakalwiita mwaami Agilipa shapali Paulo
13Ndipakeenda myeenshi, mwaami Agilipa amukaakwe Benisi bakaya kuSisaliya mukufwakasha kuli Fesitasi alimwi akumwaansha. 14Ndibakekalako nshiku shiinji, Fesitasi wakalwiita mwaami mbuli makani akwe Paulo mbwaabete. Wakaamba ayi, “Kuli musankwa kuno Felekisi ngwaakashiya kaangitwe. 15Ndindakaya kuJelusalemu, bamatanjilili ba bapailishi ba baJuda abamaloba babo, bakandwiita makani apali nguwe akunsenga ayi mupe mulandu. 16Sombi nebo ndakabalwiita ayi swebo sobene Loma tatupi muntu mulandu shimulandunyina kaatapo. Ncibotu kwaamba ayi uyo utoopekwa mulandu akumane abaabo batoomupa mulandu munkuta kwaamba ayi aliimikanine mwiine. 17Ndibakesa kokuno, nshikwe kusowa ciindi, bushiku bwakaboolaawo ndakenjila munkuta akutuma bashilumamba ayi balete Paulo. 18Ono beshimulandunyina ndibakanyamuka akutalika kwaamba, tabakwe kumupawo mulandu uloondesha nabi womwi pamilandu njendakalinga kuyeeya ayi mpashi njebakamuletela. 19Anu ngamakanibo akupikishanya pamiyeeyo ya mbuli mbobapaila Lesa alimwi apamusankwa umwi wakafwa wiitwa ayi Jesu, uyo lakwe Paulo ngwaamba ayi ngumuumi. 20Ndakabula kwakucana makani ancinencine pamulandu uyu, aboobo ndakeepusha Paulo na wakalinga kusuni kuya mukumoomboloshesha kuJelusalemu. 21Sombi Paulo wakasenga ayi bashilumamba banoomulindilila alimwi ayi Sisa muleli munene wa kuLoma akamoomboloshe. Aboobo ndakaambila bashilumamba ayi banoomulindilila kushikila akatolwe kumuleli munene.”
22Mpomunyaawo Agilipa wakaambila Fesitasi ayi, “Anebo ndisuni kwaamba ayi nkalinyumfwile kumuntu uyu.” Fesitasi wakakumbula ayi, “Mulaakulinyumfwila ciilo.”
Paulo mbwaakatolwa kuli aGilipa aBenisi
23Bushiku bwakaboolaawo, Agilipa aBenisi bakashika cabulemu kweelana ambobakabatambula bantu. Bakenjila muŋanda mwakubunganina kabali abamatanjilili ba bashilumamba alimwi abamaloba bashibikitwe mundabala inene ilya. Lyalo Fesitasi wakaambila bashilumamba ayi balete Paulo. 24Kuswawaawo Fesitasi wakaamba ayi, “Nobaami baAgilipa, amwebo nomuli aswebo muno. Uyu musankwa ngomwabona, ngobatootongooka baJuda boonse bekala kokuno alimwi akuJelusalemu. Baloolobesha kabaamba ayi ulyeelete kucaikwa. 25Sombi nebo taaku cibiibi ncendakamucanina nceenga calengesha ayi apingulwe kucaikwa. Ono mukwiinga wakasenga ayi oomboloshekwe aSisa muleli munene wa kuLoma, ndakayeeya ayi atolwe nkuko. 26Ncakwiila nshicite makani ancinencine pali nguwe ngweenga ndaleemba kumuleli munene. Paceebo ceeco, ndamuleta kuli ndimwe, bunene bunene kuli ndimwe nobaami baAgilipa kwaamba ayi mwamwiipulushisha, mpashi inga ndaba amakani ngweenga ndaleemba. 27Mukwiinga ndaboona ayi tacicafwi kutumya muntu waangitwe kwakubula kusansulula kabotu mulandu ngwaacite.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.