Milimo ya Batumwi 17
17
Paulo ababye mbobakapenshekwa muTesalonika
1Paulo aSailasi bakeenda mundabala ya Amfipolisi aApoloniya akushika kuTesalonika uko kwakalinga coonde ca baJuda. 2Kweelana akwishibila kwakwe, Paulo wakenjila mucoonde akulwiita bantu Malembo akwe Lesa kwanshiku shakookesha sha Cibelu shotatwe. 3Wakalinga kubasansulwita akubatondesha kwiinda muMalembo ayi Usalitwe wakwe Lesa wakalinga kweelete kupenshekwa akubushikwa kuswa kubafu. Paulo wakabaambila ayi, “Uyu Jesu ngoontoomulwiitaawo, ngoUsalitwe wakwe Lesa.” 4Mpeeke bamwi bakashoma akukonkela maswi akaamba Paulo aSailasi pantu pomwi abaGiliki baanji abo bakalinga kulambila Lesa, kubikaawo abanakashi baanji abo bakalinga kushibikitwe.
5Sombi baJuda bamwi bakanyumfwa munyono akuyungoola likoto lya basankwa bataalala mbobakalinga kucana munshila. Lyalo baJuda alimwi abasankwa abo bakatalika shimfulunganya mundabala inene yoonse. Bakaya bapwaya cisasa ca ŋanda yakwe Jasoni, kabayeeya ayi mpashi momuli Paulo aSailasi kwaamba ayi babakuushe muŋanda akubatola kubantu. 6Sombi ndibakabona ayi tabamo, bakacata Jasoni abashomi bamwi akubakwelaanya kubatola kubacinenenene ba mundabala inene umo. Bakoolobesha ayi, “Balya bantu baya bucita shimfulunganya koonse koonse, ono bulya bali momuno mundabala yesu inene! 7Lakwe Jasoni wabatambula muŋanda yakwe. Bantu boonse aba batosotoka milawo yakwe Sisa muleli munene wa kuLoma ceebo batokwaamba ayi kuli aumwi mwaami wiitwa ayi Jesu.” 8Mpomunyaawo, maswi aya akafulunganya mitwi bantu bakalinga kubungene alimwi abacinenenene ba mundabala inene iyo. 9Lyalo bacinenenene abo bakaambila Jasoni ababye ayi balipile maali eelete ayi baangululwe, mpeeke bakabaleka.
Bantu baanji muBiliya mbobakashoma
10Ndikwakashiyabo, bashomi bakatuma Paulo aSailasi kuBiliya. Ono ndibakashika, bakaya kucoonde ca baJuda. 11Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho. 12Mpomunyaawo baJuda baanji, banakashi baGiliki babile alimwi abasankwa, bakashoma. 13Sombi baJuda ba muTesalonika ndibakanyumfwa ayi Paulo utooshimikila maswi akwe Lesa muBiliya amwalo, bakayaako akutalika kuyungoola bantu ayi batalike shimfulunganya. 14Paciindi ceenka ico bashomi bakaambila Paulo abasankwa bamwi ayi baye kulweenge, sombi Sailasi aTimoti bakacaala muBiliya. 15Mpeeke basankwa abo bakashindikila Paulo bakaya mukumushisha kuAtenisi. Basankwa abo pakuboolela kuBiliya, Paulo wakabalasha ayi Sailasi aTimoti balyeelete kufwambaana kumukonkela.
Paulo mbwaakashimikila muAtenisi
16Paulo ndyaakalinga kulindila Sailasi aTimoti muAtenisi, wakapenshekwa abuumbi mumoyo pakubona ndabala inene yoonse kaiswite shibumbwabumbwa nshebakalinga kulambila. 17Paceebo ceeco, wakatalika kubandika abaJuda alimwi abaswamashi bakunsengwe bakalinga kulambila Lesa mushoonde sha baJuda. Peculu lya waawo bakalinga kubandika lyoonse abaabo mbwaakalinga kucana kumushika. 18Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu. 19Kuswawaawo bakatola Paulo kunkuta yakalinga kwiitwa ayi Aleopagasi akwaamba ayi, “Tulisuni kwaamba ayi utusansulwite kwiisha kupya uko nkootokwaambaawo. 20Shimwi shintu nshootokwaamba nsheensu kuli ndiswe, aboobo tulisuni kwishiba mboshaamba.” (21Mukwiinga bantu boonse ba kuAtenisi alimwi abaswamashi mundabala inene umo lyoonse bakalinga kusunibo kwaamba akukutika kumakani apya.)
22Lyalo Paulo wakanyamuka akutalika kwaamba kunembo lyabo boonse ayi, “Mwebo nobasankwa bene Atenisi ndaboona ayi mulalambila bunene balesa baanji. 23Mukwiinga ndindakalinga kweendeenda mundabala yanu inene umu, ndakabona misena njemupaililaamo pamwi pacipaililo kapalembetwe ayi, ‘Kuli Lesa Utashibikitwe.’ Anu uyo eenka ngomulambila kamutamwishi, ngowooyo ngoontoomulwiitaawo bulya. 24Lesa uyo wakalenga cishi ashintu shoonse shiliimo, ngoMwaami weendelesha kwiculu acishi ca panshi. Aboobo taakali mumaanda akayaka bantu, sobwe. 25Ncakwiila bantu taaku nceenga bamusebensela amaansaabo mukwiinga taaku ncaataciteewo. Lesa ngomunya uyu ngootupa buumi amuuya ngotuyoya alimwi ashintu shimwi shoonse.#1 Baami 8:27; Isa 42:5; Mili 7:47 26Kuswa mumuntu womwi ngwaakalenga, mwakaswa mishobo yoonse ya bantu akubakalika mucishi coonse ca panshi. Lakwe mwiine kaatana kubalenga, wakabaambila limwi ciindi alimwi amusena nkweshi bakekaale. 27Wakacita boobo kwaamba ayi bantu bakamulangoole, mpashi inga bamwishiba kwiinda mukumulangoola. Sombi Lesa taabete kulaale aswebo soonse. 28Kweelana abwakaamba umwi muntu ayi,
‘Kwiinda muli nguwe tulicite buumi,
tuleenda alimwi akuba mbuli mbotubete.’
Bweenka mbuli bwakalemba basongo bamwi bene mishaanu ayi,
‘Aswebo tuli bana bakwe.’
29Paceebo ceeco, swebo tuli bana bakwe Lesa, tatweelete kuyeeya ayi Lesa inga wapangwa na mwasungulula libwe lya golodi, silifa nabi kubeswa mulibwe lili lyoonse kwiinda mubuuya amaano a muntu. 30Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo. 31Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”
32Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.” 33Mpomunyaawo Paulo wakaswaako kunkuta uko. 34Bamwi basankwa bakashoma maswi akaamba Paulo akushoma muli Jesu. Pabaabo bakasumina, umwi nguDiyonishasi wa mulikoto lya nkuta ya Aleopagasi alimwi amwanakashi umwi wiitwa ayi Damalisi alimwi abamwi.
Currently Selected:
Milimo ya Batumwi 17: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Milimo ya Batumwi 17
17
Paulo ababye mbobakapenshekwa muTesalonika
1Paulo aSailasi bakeenda mundabala ya Amfipolisi aApoloniya akushika kuTesalonika uko kwakalinga coonde ca baJuda. 2Kweelana akwishibila kwakwe, Paulo wakenjila mucoonde akulwiita bantu Malembo akwe Lesa kwanshiku shakookesha sha Cibelu shotatwe. 3Wakalinga kubasansulwita akubatondesha kwiinda muMalembo ayi Usalitwe wakwe Lesa wakalinga kweelete kupenshekwa akubushikwa kuswa kubafu. Paulo wakabaambila ayi, “Uyu Jesu ngoontoomulwiitaawo, ngoUsalitwe wakwe Lesa.” 4Mpeeke bamwi bakashoma akukonkela maswi akaamba Paulo aSailasi pantu pomwi abaGiliki baanji abo bakalinga kulambila Lesa, kubikaawo abanakashi baanji abo bakalinga kushibikitwe.
5Sombi baJuda bamwi bakanyumfwa munyono akuyungoola likoto lya basankwa bataalala mbobakalinga kucana munshila. Lyalo baJuda alimwi abasankwa abo bakatalika shimfulunganya mundabala inene yoonse. Bakaya bapwaya cisasa ca ŋanda yakwe Jasoni, kabayeeya ayi mpashi momuli Paulo aSailasi kwaamba ayi babakuushe muŋanda akubatola kubantu. 6Sombi ndibakabona ayi tabamo, bakacata Jasoni abashomi bamwi akubakwelaanya kubatola kubacinenenene ba mundabala inene umo. Bakoolobesha ayi, “Balya bantu baya bucita shimfulunganya koonse koonse, ono bulya bali momuno mundabala yesu inene! 7Lakwe Jasoni wabatambula muŋanda yakwe. Bantu boonse aba batosotoka milawo yakwe Sisa muleli munene wa kuLoma ceebo batokwaamba ayi kuli aumwi mwaami wiitwa ayi Jesu.” 8Mpomunyaawo, maswi aya akafulunganya mitwi bantu bakalinga kubungene alimwi abacinenenene ba mundabala inene iyo. 9Lyalo bacinenenene abo bakaambila Jasoni ababye ayi balipile maali eelete ayi baangululwe, mpeeke bakabaleka.
Bantu baanji muBiliya mbobakashoma
10Ndikwakashiyabo, bashomi bakatuma Paulo aSailasi kuBiliya. Ono ndibakashika, bakaya kucoonde ca baJuda. 11Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho. 12Mpomunyaawo baJuda baanji, banakashi baGiliki babile alimwi abasankwa, bakashoma. 13Sombi baJuda ba muTesalonika ndibakanyumfwa ayi Paulo utooshimikila maswi akwe Lesa muBiliya amwalo, bakayaako akutalika kuyungoola bantu ayi batalike shimfulunganya. 14Paciindi ceenka ico bashomi bakaambila Paulo abasankwa bamwi ayi baye kulweenge, sombi Sailasi aTimoti bakacaala muBiliya. 15Mpeeke basankwa abo bakashindikila Paulo bakaya mukumushisha kuAtenisi. Basankwa abo pakuboolela kuBiliya, Paulo wakabalasha ayi Sailasi aTimoti balyeelete kufwambaana kumukonkela.
Paulo mbwaakashimikila muAtenisi
16Paulo ndyaakalinga kulindila Sailasi aTimoti muAtenisi, wakapenshekwa abuumbi mumoyo pakubona ndabala inene yoonse kaiswite shibumbwabumbwa nshebakalinga kulambila. 17Paceebo ceeco, wakatalika kubandika abaJuda alimwi abaswamashi bakunsengwe bakalinga kulambila Lesa mushoonde sha baJuda. Peculu lya waawo bakalinga kubandika lyoonse abaabo mbwaakalinga kucana kumushika. 18Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu. 19Kuswawaawo bakatola Paulo kunkuta yakalinga kwiitwa ayi Aleopagasi akwaamba ayi, “Tulisuni kwaamba ayi utusansulwite kwiisha kupya uko nkootokwaambaawo. 20Shimwi shintu nshootokwaamba nsheensu kuli ndiswe, aboobo tulisuni kwishiba mboshaamba.” (21Mukwiinga bantu boonse ba kuAtenisi alimwi abaswamashi mundabala inene umo lyoonse bakalinga kusunibo kwaamba akukutika kumakani apya.)
22Lyalo Paulo wakanyamuka akutalika kwaamba kunembo lyabo boonse ayi, “Mwebo nobasankwa bene Atenisi ndaboona ayi mulalambila bunene balesa baanji. 23Mukwiinga ndindakalinga kweendeenda mundabala yanu inene umu, ndakabona misena njemupaililaamo pamwi pacipaililo kapalembetwe ayi, ‘Kuli Lesa Utashibikitwe.’ Anu uyo eenka ngomulambila kamutamwishi, ngowooyo ngoontoomulwiitaawo bulya. 24Lesa uyo wakalenga cishi ashintu shoonse shiliimo, ngoMwaami weendelesha kwiculu acishi ca panshi. Aboobo taakali mumaanda akayaka bantu, sobwe. 25Ncakwiila bantu taaku nceenga bamusebensela amaansaabo mukwiinga taaku ncaataciteewo. Lesa ngomunya uyu ngootupa buumi amuuya ngotuyoya alimwi ashintu shimwi shoonse.#1 Baami 8:27; Isa 42:5; Mili 7:47 26Kuswa mumuntu womwi ngwaakalenga, mwakaswa mishobo yoonse ya bantu akubakalika mucishi coonse ca panshi. Lakwe mwiine kaatana kubalenga, wakabaambila limwi ciindi alimwi amusena nkweshi bakekaale. 27Wakacita boobo kwaamba ayi bantu bakamulangoole, mpashi inga bamwishiba kwiinda mukumulangoola. Sombi Lesa taabete kulaale aswebo soonse. 28Kweelana abwakaamba umwi muntu ayi,
‘Kwiinda muli nguwe tulicite buumi,
tuleenda alimwi akuba mbuli mbotubete.’
Bweenka mbuli bwakalemba basongo bamwi bene mishaanu ayi,
‘Aswebo tuli bana bakwe.’
29Paceebo ceeco, swebo tuli bana bakwe Lesa, tatweelete kuyeeya ayi Lesa inga wapangwa na mwasungulula libwe lya golodi, silifa nabi kubeswa mulibwe lili lyoonse kwiinda mubuuya amaano a muntu. 30Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo. 31Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”
32Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.” 33Mpomunyaawo Paulo wakaswaako kunkuta uko. 34Bamwi basankwa bakashoma maswi akaamba Paulo akushoma muli Jesu. Pabaabo bakasumina, umwi nguDiyonishasi wa mulikoto lya nkuta ya Aleopagasi alimwi amwanakashi umwi wiitwa ayi Damalisi alimwi abamwi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.