2 Samwelo MAKANI ATAANSHI
MAKANI ATAANSHI
Libuku lyabili lyakwe Samwelo nkutolelela kwa libuku litaanshi lyakwe Samwelo. Mulibuku ili muli makani a bwaami bwakwe Defedi. Kataanshi wakalingabo mwaami wa cishi ca Juda kumalenge (Nyinsa ya 1-4), pesule wakaba mwaami wa mushobo woonse kubikaawo acishi ca Isilaeli ico cakalinga kumatwa (Nyinsa ya 5-24). Libuku ili lilasansula kabotu kabotu cakacita Defedi kwaamba ayi akonshe kutandabula manyinsa a cishi cakwe akushimpya cuuna cakwe. Lilatondesha mbwaakalwana balwani bakalinga mucishi cakwe abaabo bakalinga mushishi shimwi. Lilabika patuba Defedi ayi ngumuntu wakalinga kucite lushomo akulyaaba kunene kuli Lesa alimwi akwaamba ayi ngomuntu bantu ngobakacikonsha kulemeka. Nakubi boobo lilamusansulula akwaamba ayi mushiindi shimwi wakalinga shilunkutwe, muntu usuminite kucita shibiibi shikankamika mukusuna kucita nshaasuni. Ono Natani, mulaluki wakwe Lesa ndyaakamubonesha shibiibi isho, Defedi wakalyaambilila pali nshisho akutambula mulandu Lesa ngwaakaamba.
Buumi akuswitilila kwakwe Defedi shakakonda bene Isilaeli abuumbi cakwaamba ayi mumapensho a cishi akalinga kwisa kunembo, bakalinga kulangilishabo mulunyungu lwakwe kwaamba ayi babone ucite mibo ili anga njaakwe.
Mundando wa Shiliimo amoshicanika
Bwaami bwakwe Defedi pacishi ca Juda 1:1—4:12
a. Defedi mbwaakalila Saulo 1:1-27
b. Defedi mwaami wa bene Juda beenka 2:1—4:12
Bwaami bwakwe Defedi pacishi coonse ca Isilaeli 5:1—24:25
a. Myaaka itaanshi 5:1—10:19
b. Defedi aBatisheba 11:1—12:25
c. Mapensho amakatasho 12:26—20:26
d. Myaaka yakunembo 21:1—24:25
Currently Selected:
2 Samwelo MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.