2 Baami MAKANI ATAANSHI
MAKANI ATAANSHI
Libuku lyabili lya Baami lilatolelela makani a malelo obilo kutalikila waawo pakeela libuku litaanshi. Libuku ili inga lyabikwabo mushipansha shobilo. (1) Shakacitika mumalelo obilo ayo kuswa mumwaaka wa 850 Jesu Klistu kaatana kushalwa kushikila kukuwa kwa Samaliya alimwi akumana kwa bwaami bwakumatwa mu 721 Jesu Klistu kaatana kushalwa. (2) Makani a bwaami bwa Juda kuswa kukuwa kwa bwaami bwa Isilaeli kushikila kukunyonyoolwa kwa ndabala inene ya Jelusalemu uko kwakacita Nebukadinesa mwaami wa bene Babiloni mu 586 Jesu Klistu kaatana kushalwa. Libuku lileela kumakani akwe Gedaliya mweendeleshi wa cishi ca Juda ndicakalinga mumaansa a bene Babiloni alimwi akumakani akwaangululwa kwa mwaami Jeoiyakini kuswa muntolongo mucishi ca Babiloni.
Mapensho a cishi ayo akacitika ceebo cakutashomeka kwa bamaami abantu bene Isilaeli abene Juda. Kunyonyoolwa kwa ndabala ya Jelusalemu akutolwa busha kwa baanji bene Juda yakaba nsonga inene abuumbi apo pakasandamukila makani oonse apabene Isilaeli.
Mulaluki ushibikitwe bunene mulibuku lyabili lya Baami nguElisha uyo wakapyana musena wakwe Elija.
Mundando wa Shiliimo amoshicanika
Bwaami bubaanishitweemo 1:1—17:41
a. Mulaluki Elisha 1:1—8:15
b. Bamaami ba cishi ca Juda aca Isilaeli 8:16—17:4
c. Kuwa kwa Samaliya 17:5-41
Bwaami bwa Juda 18:1—25:30
a. Kuswa kuli Esekiya kushika kuli Josiya 18:1—21:26
b. Kulela kwakwe Josiya 22:1—23:30
c. Bamaami bakweelaako ba cishi ca Juda 23:31—24:20
d. Kuwa kwa ndabala inene ya Jelusalemu 25:1-30
Currently Selected:
2 Baami MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.