Tob Ɓi madiɗa madiɗa ngi raˀa
Ɓi madiɗa madiɗa ngi raˀa
Ɓi ngi Tobi ati mangal naŋ Tobiye na, naŋ kaɓa maba’ mizli makiɗaka. I ɓi ngi ɗiya mizli, mizli ngi ra’ahay i hay ngi mizli Israyel miteŋteŋhey, Asirihey mijaka taŋ nga Niniv daf dumbuŋ ar walahay Samari misa tiri diŋ na. Mendere muluma hay nah tuwa na, Tobi ati mangal naŋ a ra sipaka ɓimujuwa ngi Zudahaya kuy kuy. Rafayel, modro ngi Bumbulvuŋ ada jina taŋ ngi gi slra ti ɓimujuwa tayna.
Ɗerewol Tobi ngi vula dubun, yo ngi tuso mevel da Zudahay mazikam sek pal taŋ a ruwuy mulak na. A buga taŋ jiziɗ, Israyel miteŋteŋhey masipaka, kaɓa ani: cina mi da miyihey, vula gwat ngi mikuli ati diradibiɗi, gi slra da cil ɗiki, zuɓa vu ti jiviɗ naŋ kaslsla. Da mizli Mipalay a ra gaka kanah na, naɓa a sa ndiram ti gwat ngi gi ngi sukwi taŋ a hay mizli manja tiɓi a meveleye, yo taŋ mizli miteŋteŋ tuwa, a sa ndiram t’ada na si, asi Bumbulvuŋ a ra jini is asi taŋ ko mbak le ta.
Ɓerewol Tobi, i mutoho wal wal cuw, mudumbuŋ naŋ gek kini, i mutoho ti mi Greke, mucuw naŋ, naŋ naŋ jeke, i miwe di vu le zle we’e. Ndra maslufam ani na, i nah. A Kumrana, a lumam ɗerewol Tobi le, mutoho ti mi Grek toh toh bac pal, waɗ ti mi Arami bac bac mufaɗa.
Currently Selected:
Tob Ɓi madiɗa madiɗa ngi raˀa: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.