ROMAHAY Ɓi madiɗa madiɗa ngi raˀa
Ɓi madiɗa madiɗa ngi raˀa
Pol mutoho ɗerewol hana da Romahay ar wala ngi vi 57 na, naɓa aru a Roma vuna ɗaˀ t'aruŋ. Wuluk nga pura walahay nah na, naŋ da a mevele kuy kuy ɓula, amma zluwun ada gaŋ ɗagay, asi gwat, naŋ mujuwa a mevele na, anta sa gi gu t'aruŋ (sap. 1.8-15, yo 22-23). Vurˀe, naŋ mitil mi na, a ɓa ɓi madiɗa ngi raˀa le angi ɗerewol hana. A ɓa ɓi nah degweleˀ angi sap. 1.16-17: Ɓimezle, i gidaŋ ngi Buymisemuŋ ɓa ngi laha mbur Yude ati mbur Grek (mbur Yude ta), asi jiviɗ, Buymisemuŋ maɗiy di mbur jeŋŋe na, i minjika le araŋ. Angi Ɓimezle hana na, ɓimujuwa ati tiɓi Kristu a mevele, li taŋ amaka? Angi sap. 2 hã ndila 8 na, ɓi nah, a ɓi le kuy kuy anga. Angi ɓi ngi jiviɗ ngi lih, Buymisemuŋ miɗiya ngi laha duniya na, li maɓa ɓi ngi Israyeleye, i sap. 9 hã ndila 11. Misipa ɓi hanayna kwana, i ɓi ngi kuti vuhoy haɗa waɗ ɓi ngi bigi jiviɗ ar cifi ngi mbur misikristu avu mbur cil naŋ (sap. 12), avu mizli madiɗahay (sap. 13). Sapitir mikiɗa mi taŋ ndok wãˀa, i mingiɓi nga naŋ pal naŋ ngi kiɗa mi wãˀ.
Mizli haɗa a lumaka Yesu Kristu na, angi slufa ɗerewol Romahay hana. Misi a wuzla mizli tayna, i Ogusteŋ ati Luter. Hã dana, mizli ara lumaka Kristu anga ruŋ na si.
Currently Selected:
ROMAHAY Ɓi madiɗa madiɗa ngi raˀa: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.