SLUFA VU 26
26
Moyis muslufa Israyeley sar mucuw naŋ
1Bumbulvuŋ a ɓa Moyis ati masay Elazar, mangal ngi Aroŋ: 2«Slufa jum ngi Israyeleye gar vur wazlaray vur wazlaray, mizli ngi vi kukur cuw hã nga mbuŋ, mindilaka le ngi gi vurum.» 3Moyis ati masay Elazara, a ɓaka Israyeley ar li micay ngi hirwuy Moˀap, migweˀ avu mizaw Zurdeŋ, puɗak angi Zeriko. A ɓaka taŋ na: 4«I sa slufaka mizli mindilaka le vi kukur cuw hã nga mbuŋ, kaɓa Bumbulvuŋ muɗuva ɓi nah da Moyise.» Israyeley muboko ti ruwuy Ezipte na, t'ani: 5Dumbuŋ na, i sukwi ngi Ruben, modogom ngi Zakop. Dideˀ taŋhay ani: Henok a yi Henokoy, Palu a yi Paluhoy, 6Hesroŋ a yi Hesroŋhoy, Karmi a yi Karmihey. 7Sukwi ngi Rubeney i taŋ, a gam jom gar na, mizli durmuk kukur mufaɗ nga makir ti skat skat tarnaˀ ti kukur makir. 8Eliyap, mangal ngi Palu, 9i cine ngi Nemuyel, ngi Dataŋ waɗ Abiram. Dataŋ ati Abirama, i mizli madiɗahay, taŋ a wuzla mizli mislam himaˀ avu Moyis ati Aroŋ tuwa. Taŋ mislikiɗam ɓi avu Bumbulvuŋ na, naɓa taŋ ati mizli ngi Korehey. 10Hirwuy a wun biɗiŋ, a nda taŋ jom ati Kore, mizli ngi Korehey mumicam cek, vu muwura mizli titiri kine, mizli skat skat cuw ti kukur zlum na. A biga taŋ di na ti bigi ɓa mizli mekelemey a wulkam. 11Amma ziri ngi Koreheye, taŋ a micam tapasa ta ɓula. 12Sukwi ngi Simeyoŋ, vur muyo vur muyo, t'ani: Nemuyel, a yi Nemuyeley, Yamin a yi Yaminey, Yakin a yi Yakiney, 13Zera a yi Zerahay, Sawul a yi Sawuloy. 14Sukwi ngi Simeyoŋ i taŋ, a gam jom gar na, mizli durmuk kukur cuw ti cuw ti mizli skat skat cuw.
15Sukwi ngi Gata, dideˀ taŋhay ani: Sefoŋ a yi Sefoŋhoy, Hagia yi Hagihey, Suni a yi Sunihey. 16Ozni a yi Oznihey, Eri a yiˀerihey. 17Arot a yi Arotoy, Areli a yi Arelihey. 18Sukwi ngi Gata i taŋ, a gam jom gar na, mizli durmuk kukur mufaɗ ti mizli skat skat zlum.
19Ziri mizile ngi Zudahay i ti: Er ati Onaŋ, a micam angi hirwuy Kanaˀan. 20Sukwi ngi Zuda, vur muyo vur muyo, t'ani: Sela a yi Selahay, Peres a yi Perizihey, Zera a yi Zeraˀahaya. 21Sukwi ngi Periziheye, t'ani: Hesroŋ a yi Hesroŋhoy, Hamul a yi Hamuloy. 22Sukwi ngi Zuda, a gi jom gar na, mizli durmuk kukur tarnaˀ nga merkeɗ ti skat skat zlum.
23Sukwi ngi Isakar, vur muyo vur muyo, t'ani: Tola a yi Tolahay, Puva a yi Puvahay. 24Yasuɓ a yi mizli Yasuɓoy, Simroŋ a yi Simroŋhoy. 25Sukwi ngi Isakara, a gam jom gar na, mizli durmuk kukur merkeɗ nga mufaɗ ti skat skat makir.
26Sukwi ngi Zabuloŋ vur muyo vur muyo, t'ani: Seret a yi Seretey, Eloŋ a yi Eloŋhoy, Yaleyel a yi Yaleyeley. 27Sukwi ngi Zabuloŋhoyo, a gam jom gar na, mizli durmuk kukur merkeɗ ti skat skat zlum.
28Dideˀ ngi Zozefe, miyaka taŋ i Manase ati Efrayim. 29Sukwi ngi Manase vur muyo vur muyo, t'ani: Makir a yi Makirey, Galaˀat mangal ngi Makir a yi Galaˀatay. 30Sukwi ngi Galaˀata kwana, i ti: Yezer a yi Yezerey, Helek a yi Helekey. 31Asriyel a yi Asriyeley, Sekem a yi Sekemey, 32Semida a yi Semidahay, Heferey a yi Hefer. 33Selofat, mangal ngi Hefere, a yi ziri mizileheye ta, sey mongosohoy, slimiɗ taŋhay ani: Mala, Nowa, Hogla, Milka waɗ Tirsa. 34Sukwi ngi Manase, a gam jom gar na, mizli durmuk kukur zlum nga cuw ti skat skat tarnaˀ. 35Sukwi ngi Efrayim vur muyo vur muyo, t'ani: Sutela a yi Sutelahay, Beker a yi Bekerey, Tahaŋ a yi Tahaŋhay. 36Eraŋ mangal ngi Sutela a yi Eraŋhay. 37Sukwi ngi Efrayim a gi jom gar na, mizli durmuk kukur makir nga cuw ti skat skat zlum. Ar slufa muyo, dideˀ ngi sukwi mucuw tayna i taŋ.
38Sukwi ngi Benjameŋ, vur muyo vur muyo, t'ani: Bela a yi Belahay. Asebel a yi Asebeley, Ahiram a yi Ahiramay. 39Sufam a yi Sufamay, Hufam a yi Hufamay, 40Muy ngi Belahay i ti: Arde a yi Ardehey, Nahamaŋ a yi Nahamaŋhay. 41Dideˀ ngi Benjameŋhey muslufaka taŋ vur muyo vur muyo, a gam jom gar na, mizli durmuk kukur mufaɗ nga zlum ti skat skat merkeɗe.
42Sukwi ngi Daŋ, vur muyo, naŋ purla si, i Suham. 43Dideˀ ngi Suhamay a gam jom gar na, mizli durmuk kukur merkeɗ nga mufaɗ ti skat skat mufaɗ.
44Sukwi ngi Aser, vur muyo vur muyo, t'ani: Imna a yi Imnahay, Isevi a yi Isevihey, Beriya a yi Beriyahay. 45Muy ngi Beriyahay i ti: Heber a yi Heberey, Malkiyel a yi Malkiyeley, 46Zuŋ mongoso ngi Aser ada, a zilaka Sera. 47Dideˀ ngi Aserey a gam jom gar na, mizli durmuk kukur zlum nga makir ti skat skat mufaɗ. 48Sukwi ngi Neftali, vur muyo vur muyo, t'ani: Yasiyel a yi Yasiyeley, Guni a yi Gunihey, 49Yeser a yi Yeserey, Silem a yi Silemey. 50Muy ngi Neftalihey muslufaka taŋ na, a gam jom gara, mizli durmuk kukur mufaɗ nga zlum ti skat skat mufaɗ. 51Israyeleye cek, a gam jom gar na, mizli durmuk skat skat merkeɗ ti pal ti mizli skat skat tarnaˀ ti kukur makir.
Ɓi ngi wunka hirwuy Kanaˀan
52Bumbulvuŋ a ɓa Moyise: 53«Wunuka hirwuy da sukwiheye, weˀe avu taˀ ngi mizli ngi mizli. 54Sukwi gar na, a sa lum li weˀe avu taˀ taŋ. Sukwi mihaɗa na, ki vula taŋ li haɗi ya, sukwi mineˀkini kwana, kisa vulaŋ li neˀkine ya. 55A sa zuɓaka ti ceregezleŋ, amma weˀe avu taˀ ngi mizli ngir sukwi nah. 56Hirwuy vay hana i ngi sukwi madiɗa malla ngi meciɗek gar na, mabiga i ceregezleŋ.»
Moyis muslufa sukwi ngi Levi sar mucuw naŋ:
57Dideˀ ngir sukwi ngi levihey t'ani: Gersoŋ a yi Gersoŋhoy, Kehat a yi Kehatay, Merari a yi Merarihey. 58Sukwi mineˀneˀkinihey ada angi sukwi ngi Levi vuna ma: Lipnihey, Hebroŋhoy, Malihey, Musihey waɗ Korihey. Kehat i cine ngi Amram. 59Ngwas ngi Amrama, i Yokebet, zuŋ ngi Levi, a ya ka a Ezipte, Yokebet a yi ziri makir ti Amrama: Aroŋ, Moyis waɗ mongoso taŋ Miriyam. 60Aroŋ a yi ziri mizilehey mufaɗa: Nadaɓ, Abihu, Elazar, waɗ Itamar. 61Amma ti Nadap ati Abihu a micam asi taŋ muzlumaka urdi da Bumbulvuŋ ti vu ngi vra. 62Dideˀ mizile ngi levihey, zle avu ziri mizile ngi kiya pal palay, hã avu mizli madiɗahay na, a gam jom gar na, mizli durmuk kukur cuw nga makir. A slufaka taŋ nga wuzla Israyel mekelemeye ta. Asi t'anta ti jiviɗ ngi lumam li mawunkaka da Israyel mekelemey gar na ta.
Kiɗa mi ngi slufa mizli
63Moyis ati masay Elazar muslufaka mizli Israyeley ar li micay ngi Moˀap, gweˀ a ciki mizaw Zurdeŋ, mupuɗak angi hirwuy Zeriko na, a kiɗ mi kahana. 64Moyis ati masay Aroŋ, mizli taŋ muslufaka taŋ zleˀe a wuzlaɓuh mikirɗak kirɗak ngi Sinay na, ko mizli tayna anta pal asi taŋ mata. 65Naŋ kine, Bumbulvuŋ a ɓa taŋ di le zleˀe ɗaˀ ɗaˀ le, a sa micam pay a wuzlaɓuh. Sey mindiram i ti Kalep mangal ngi Yefune, waɗ Zozuwe mangal ngi Nun.
Bible en Langue Guiziga © L’Alliance Biblique du Cameroun, 2011.