ZONAS Ɓi madiɗa madiɗa ngi ra.
Ɓi madiɗa madiɗa ngi ra.
Ɗerewol Zonasa, a ɓi di ɓi ngi mendere migi avu mijiviɗi. Ɓi Buymisemuŋ miɓa le, a titila ɓa a sli himaˀ ava, amma i ngataraŋ. Gwatay mucohom wal wal ar ɗerewol ngi vula wirwir hana, a buna ɓi ngi dubun ngi raˀa le ndar wãˀ. Ko tir jiviɗ wanaka gar na, ɗerewol hana, i ngi wuzla ɗerewol ngi sinmijileŋ ngi Israyeley.
Ɗerewol ngi Zonas na, a ɓi ɓi mikaslsla mupuɗaway cah: Buymisemuŋ a wi vu ti wuɗa vu naŋ da Israyeley cum ta, ara biga da mulakay magam di jalaɓi ta na. Da mizli ara cinaka buc naŋ, ara mbiɗaka gwat ngi gi taŋ na, Buymisemuŋ, gwat naŋ mujuwa le ngi ga taŋ malambaˀ na, a pula tum teˀe. Naŋ i Kumani muwãˀ miga gwatay, vendeke naŋ, i buy ngi siifa ati ngi mucu, da Buymisemuŋ a wuɗ le ɓa a pula mungra ngi mizli na, mijiviɗe anta cikisl gu ta. Ɓi mutuwaˀhay, tikiney ati wuluk mucuw cuw misi ar siifa ngi mijiviɗ, yo ar siifa ngi mbur gar, Buymisemiŋ mislinaŋ le ng'ar slra na, ɗerewol Zonasa, ar li mekeleme, a ga maraɓa nah le haɗi wãˀ. A dubuna ndra di, Buymisemuŋ anta pula mijiviɗ naŋ ti lesl welele, fuk pal naŋ ta, yo naŋ anta pulaŋ a cuh kileŋ ava ta ma. Asi Buymisemuŋ mawuɗ vu na, anta pul mbur pal le ta, a juw vu le ngi mahiri ngi ɓi naŋ, yo ngi ɓa pulaˀvra naŋ ko mbak le ta.
Yesu, ɓa ngi tila mi ti ɓi ngi slikiɗ nga naŋ ti wuzla mumucahay na, a zuɓ ɓi migi ti gurjik avu Zonas, yo a zuɓ ngi bigi da misi ar hin nah kwana, mbiɗa mevel ngi mizli Ninivey (Mt12.3 8-42).
Currently Selected:
ZONAS Ɓi madiɗa madiɗa ngi ra.: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.