OZE 3
3
Buymisemuŋ mici a kwacay Oze
1Bumbulvuŋ a ɓiy: «Mi, wuɗ ngwas misi mangasl, yo magi madama nah.
Asi wuɗ ngi Bumbulvuŋ vur Israyeley na, naŋ ka nah.
Taŋ ara mbuɗam hiri ng'avu kulihey,
yo a wuɗam hapa waɗ gudubun maɗaf naŋ tos tos ar vu.»
2Yi tuɓo ngwas ɗu ti dala suloy kuruˀ nga zlum waɗ daw giziŋ agwada skat skat merkeɗ. 3Joˀ yi ɓaŋ: «Ki sa ndir da ya ngi hin mbeˀ mbeˀe,
ki gi sulome ta, ki hinam ati mbur mekelem ta.
Ya kwana, yi sa gi vur kakanah ya.»
4Naŋ kine, Israyeley a sa cifam hã hin mbeˀ mbeˀe:
buy madiɗa anta, buy anta, mikuli anta,
kuli ɗugur anta, jampa anta, terafim anta.
5A dirba nah, Israyeley a sa sipaka Bumbulvuŋ Buymisemuŋ taŋ a muŋ, ati Buy taŋ Davit. Nga mbuŋ a sa mam ti jijik ng'avu Bumbulvuŋ waɗ ng'avu gwat ngi lum naŋ mavula taŋ di.
Currently Selected:
OZE 3: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
