AZE Ɓi madiɗa madiɗa ngi raˀa
Ɓi madiɗa madiɗa ngi raˀa
Ɗerewolhana, a ɓa ndra ɓi ngi mijiviɗ Aze a mindira hay ngi Bumbulvuŋ hiri nah muŋ, a dirba Yudehey mumoko ti Babiloŋ, hirwuy mijaka taŋ ng’a diga lzeˀe ar zli virzi ngi vi skat mimerkeɗ naŋ. Ɗerewol Aze a ɓandra meɗ meɗ mbeˀmbeˀ, Buymisemuŋ mubo taŋ ti balam naŋ, arvi 520 dumbuŋ ar yi ngi Yesu Kristu.
Ar (1.1-14), mizli Yude mudumbuŋhoy mizlaka mawa ti hirwuy mijaka taŋ ng’a diga, ar vi 538 dumbuŋ ar yi ngi Yesu Kristu na, hay ngi Bumbulvuŋ, Babiloŋhoy muwahaka ar vi 587 dumbuŋ ar yi ngi Yesu Kristu tuwa, anja sey a ndiraka hiri naŋ a muŋ, amma taŋ a gam vagas a haŋ haŋ si. Vurˀe mijiviɗ a vula gidaŋ da buyɓi ngi mizli, ɓa a maka hiri ngi slra a muŋ. Mihiri ngi slra a zli ar vi 520. Mijiviɗ Aze a ɓa mizli micinaka ɓi naŋ, murga misi avu mizli, yo gwat ngi sifi migi geˀpreˀ na, asi hay ngi Bumbulvuŋ mitiri diŋ na, (1.1-14). Ar (2.1-9), a ɓa taŋ, hay ngi Buymisemuŋ masa ndiraka na, naŋ ti dudok fineˀ mudumbuŋ. Yo taŋ masa ndiraka na, dili ati murga misi avu mizli ngi Bumbulvuŋhaya, a sa kiɗ mi (2.1 0-20). Guverner Zorobabel, dideˀ ngi davite, a pura na, Bumbulvuŋ a ɓaŋ le, ɓa a sa tiri madiɗa tumbuŋ.
Mizli Israyeley mumoko tir hirwuy mukaka, masa biga a mbiɗamle nawaya na, i taŋ masa kutukom hay ngi Bumbulvuŋ mifineˀ mudumbuŋ, waɗ gwat Bumbulvuŋ miɓa, a sa ga taŋ di tisi migi slra, naŋ muwunaŋ. Aze a vula gidaŋ da mizli kahana, a kuta mendele naŋhaya, ɓa a mam ng'ar slra taŋ mupulaka zleˀe na, ɓa a wam vu vur cifi nawaya Bumbulvuŋ maɗiya taŋ di na.
Currently Selected:
AZE Ɓi madiɗa madiɗa ngi raˀa: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.