HABAKUK Ɓi madiɗa madiɗa ngi raˀa
Ɓi madiɗa madiɗa ngi raˀa
Ɗerewol Habakuko, a ɓi ɓi ngi hin mutuwaˀ wãˀ mucuh zleˀe avu mizli ngi Bumbulvuŋhay. Mizli Babiloŋhoyo, gidaŋ taŋ ngi wi mizli ara ru nga mbuŋ. Masa ngizlaka Zeruzalemey ati hay ngi Bumbulvuŋ ɓa ngi kiɗa li zumabuy ngi Zuda na, Habakuk ara til mi ti ɓi nah, a ɓi hin naŋ ara ndilawa.
Ar sapitir mudumbuŋ naŋ ati mucuw naŋ na, i ɓi ngi Abakuk macufuɗa Bumbulvuŋ vur ɓi malambaˀ magi asi ruwuy ati Bumbulvuŋ mambuɗaŋ mi.
Sapitir mumakir naŋ na, naŋ kaɓa dimisi. Abakuk a zli dimis ti gwat madiɗahay, Bumbulvuŋ miga taŋ, yo ara biga deŋ ngi Bumbulvuŋ ma. Bumbulvuŋ naŋ gidaŋ fineˀ gwat malambaˀa.
Ɗerewol Abakuko, a biga ndra mijiviɗ misi, da a pura gwat malambaˀa le na, anta pula te’ ta. Naŋ macik vu tuwa na, Bumbulvuŋ a bigaŋ gwatay ngi pur ti kleŋ, i gwatay masa gam asi ruwuy kurzlu’ gar.
Cufuɗ ngi sukwi ngi mizli ar ɓi mazuma taŋ hirnga gar na, n’ada ar ɗerewol Abakuko. Mizli da ɓi mutuwaˀ a luuma taŋ le na, a slufakaŋ.
Currently Selected:
HABAKUK Ɓi madiɗa madiɗa ngi raˀa: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.