BI NGI ISRAYELEY 7
7
1Amma Bumbulvuŋ a ɓa Moyise: «I cufuw le, ka kaɓa buymisemuŋ#7.1 Pura Bi 4.1 6 ati mingiɓi ngi seˀe. , avu buy madiɗa ngi Ezipte, yo sukum ɗik Aroŋ kwana i mijiviɗ ɗiki. 2Mingiɓi ya masa ɓuw di gar na, i ka masa ɓa da sukum ɗik Aroŋ, naŋ kwana a sa mbiɗa da buy Ezipte, ɓa buy Ezipte a pula Israyeley a bam ti ngi hirwuy naŋ avra. 3Amma ya, i sa ga ɓa buy Ezipte a tiri misi hirnga gidaŋ. I sa gi gwat mabugam gwatay ati gwat migam ɗaˀ tahay ti vendeke a hirwuy Ezipte. 4Gar ti nah kwana, buy Ezipte anta sa cunukum di ta. I sa wusa Ezipte, yo mizli ɗuwoy, Israyeley na, i sa bo taŋ ti hirwuy Ezipte ti gidaŋ ɗu ngi wi mizli. 5Ti ya masa zuɓa haŋ ɗu ng'ar Eziptehey, yo ya masa bo ti Israyeley ti wuzla taŋ na, akẽh Eziptehey a sa sinaka Bumbulvuŋ i ya.» 6Moyis ati Aroŋ a gaka kanah. A gaka kasl kasl ka Bumbulvuŋ miɓa taŋ di vuna si.
7Ti taŋ miram nga ɓa ɓi da buy Ezipte na, naɓa Moyise naŋ ti vi kukur dangafaɗa, yo Aroŋ kwana, naŋ ti vi kukur dangafaɗ ti makir.
Buy Ezipte mungum cine mi da Moyis ati Aroŋ ta
8Bumbulvuŋ a ɓa Moyis ati Aroŋ: 9Da buy Ezipte a ɓukum le: «gam gwat migi ɗaˀ ta na, kisa ɓa Aroŋ: zuɓa ganday ɗike, hiziga nga mbuŋ buy Ezipte, ganday a sa tiri kaw!» 10Moyis ati Aroŋ a ram ngi hay buy Ezipte, a gaka kaɓa Bumbulvuŋ miɓa taŋ di tuwa. Aroŋ a hiziga ganday naŋ a mbuŋ buy Ezipte ati gawla naŋhaya, joˀ ganday tuwa, a tiri kaw. 11Amma buy Ezipte kwana, a zilo misi sinmijileŋhey ati misi keteleheye, joˀ misi ketele ngi hirwuy Ezipte tayna, a gam gwat misi purla ti ketele taŋ tuwa ya. 12Mbur gar a hiziga ganday nga naŋ, a tiri kaw. Amma ganday ngi Aroŋ a nda ganday taŋhaya suɗuk suɗuk. 13Gar ti nah kwana, hirnga ngi buy Ezipte a ro gidaŋ na si, a cine mi da Moyis ati Aroŋ ta, kaɓa Bumbulvuŋ miɓa tuwa.
Bonoy mudumbuŋ: yam mitiri pumbus
14Bumbulvuŋ a ɓa Moyise na: «Buy Ezipte a cici le kaŋ kaŋ, anta ngum pula mizli ɓa a cohom ta. 15Bi prik prik ng'avu buy Ezipte, hirak ti naŋ masa bi nga mi yam na. A ra kutukoŋ a mi mizawa. Yo ganday mitiri kaw tuwa, zuɓa a haŋ. 16Ɓa buy Ezipte na: Bumbulvuŋ, Buymisemuŋ ngi Hebereye, a slino ya le ɓa i ɓuw: Pula mizli ɗuwoyo, ɓa ara gikiy mikuli a wuzla ɓuh mikirɗak kirɗak, amma hã wurenna, ki ngum cin ta. 17Vurˀe, Bumbulvuŋ a ɓuw na: I sa kiɗa yam ngir mizawa ti ganday misi a haŋ ɗu na, yam a sa tiri pumbusu. Ki sa si na yi Bumbulvuŋ na, ava. 18Kilif ngi mizaway a sa micam, yam ngi mizawa a sa zĩˀĩ tititi, ko Eziptehey anta sa saka yam ngi mizawa gu ta ndiɗaˀ wãˀ.» 19Bumbulvuŋ a ɓa Moyise ma: «Ɓa Aroŋ, a zuɓa ganday naŋ, a ska haŋ ng'ar yam misi a hirwuy Ezipte gar, ng'ar mizaway, barayay, futuŋhoy, ng'ar li misi yam ara gar, anja a tiram pumbusu! Anja angi hirwuy Ezipte gar na, li gar i pumbus, ar gwat ngi yam ngi dum miciɗa ti ciɗey malla ngi ɗuguroy!» 20Moyis ati Aroŋ a gaka kaɓa Bumbulvuŋ miɓa tuwa. Aroŋ a zuɓa gandaya, a kiɗa yam ngi mizawa, a mihiri ngi buy Ezipte ati gawla naŋhaya. Yam ngi mizawa taˀ gar a tiri pumbusu. 21Kilif ngir yamay a micam, yam ngir mizaw a zĩˀĩ tititi, ko Eziptehey a saka yam ngir mizawa gu mata. Asi ruwuy Ezipte, li gar i pumbusu. 22Amma misi sin ngi gi cekenehey a Ezipte, a gam gwat misi purla ti ketele taŋ tuwa ya. Hirnga ngi buy Ezipte a ro gidaŋ na si, anta ngum cine mi da Moyis ati Aroŋ ta, kaɓa Bumbulvuŋ miɓa tuwa. 23Buy Ezipte a mbiɗi duba ava, a mi ngi hay naŋ, a pura ka ɓi neˀ le ta. 24Eziptehey gar a nduɓam yama ti nduɓ a ciki mizaw, asi yam ngi mizawa a si ta. 25A dirba bonoy Bumbulvuŋ mimbiɗa yam a mizaw tuwa na, hin tarnaˀ a gi le.
Bonoy mucuw naŋ: gecey
26Bumbulvuŋ a ɓa Moyise: «Ci ngi hay buy Ezipte, ɓaŋ na: Bumbulvuŋ a ɓuw ani: Pula mizli ɗuwoy a ram, ara gikiy mikuli. 27Da ki ngum pul taŋ ɓa a ram ta ɓula si na, i sa ga bonoy da hirwuy ɗike gar ti gecey. 28Gecey a sa gam kweslekwesle a mizawa, a sa boko ti mizawa, a cam ngi hay ɗiki, nga viŋ ɗik ngi hin, ng'ar arngawo ɗiki, ngi hay gawla ɗikey, ngi hay mizli ɗikey, ng'ar li di ɗaf ɗikey, ng'ar li fukuɗa hapa ngi di ɗafahay. 29Gecey a sa jiɗam ng'avu vu ɗik, ng'avu vu ngi mizli ɗikey, waɗ ng'avu vu ngi gawla ɗikeye gar.»
Currently Selected:
BI NGI ISRAYELEY 7: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 7
7
1Amma Bumbulvuŋ a ɓa Moyise: «I cufuw le, ka kaɓa buymisemuŋ#7.1 Pura Bi 4.1 6 ati mingiɓi ngi seˀe. , avu buy madiɗa ngi Ezipte, yo sukum ɗik Aroŋ kwana i mijiviɗ ɗiki. 2Mingiɓi ya masa ɓuw di gar na, i ka masa ɓa da sukum ɗik Aroŋ, naŋ kwana a sa mbiɗa da buy Ezipte, ɓa buy Ezipte a pula Israyeley a bam ti ngi hirwuy naŋ avra. 3Amma ya, i sa ga ɓa buy Ezipte a tiri misi hirnga gidaŋ. I sa gi gwat mabugam gwatay ati gwat migam ɗaˀ tahay ti vendeke a hirwuy Ezipte. 4Gar ti nah kwana, buy Ezipte anta sa cunukum di ta. I sa wusa Ezipte, yo mizli ɗuwoy, Israyeley na, i sa bo taŋ ti hirwuy Ezipte ti gidaŋ ɗu ngi wi mizli. 5Ti ya masa zuɓa haŋ ɗu ng'ar Eziptehey, yo ya masa bo ti Israyeley ti wuzla taŋ na, akẽh Eziptehey a sa sinaka Bumbulvuŋ i ya.» 6Moyis ati Aroŋ a gaka kanah. A gaka kasl kasl ka Bumbulvuŋ miɓa taŋ di vuna si.
7Ti taŋ miram nga ɓa ɓi da buy Ezipte na, naɓa Moyise naŋ ti vi kukur dangafaɗa, yo Aroŋ kwana, naŋ ti vi kukur dangafaɗ ti makir.
Buy Ezipte mungum cine mi da Moyis ati Aroŋ ta
8Bumbulvuŋ a ɓa Moyis ati Aroŋ: 9Da buy Ezipte a ɓukum le: «gam gwat migi ɗaˀ ta na, kisa ɓa Aroŋ: zuɓa ganday ɗike, hiziga nga mbuŋ buy Ezipte, ganday a sa tiri kaw!» 10Moyis ati Aroŋ a ram ngi hay buy Ezipte, a gaka kaɓa Bumbulvuŋ miɓa taŋ di tuwa. Aroŋ a hiziga ganday naŋ a mbuŋ buy Ezipte ati gawla naŋhaya, joˀ ganday tuwa, a tiri kaw. 11Amma buy Ezipte kwana, a zilo misi sinmijileŋhey ati misi keteleheye, joˀ misi ketele ngi hirwuy Ezipte tayna, a gam gwat misi purla ti ketele taŋ tuwa ya. 12Mbur gar a hiziga ganday nga naŋ, a tiri kaw. Amma ganday ngi Aroŋ a nda ganday taŋhaya suɗuk suɗuk. 13Gar ti nah kwana, hirnga ngi buy Ezipte a ro gidaŋ na si, a cine mi da Moyis ati Aroŋ ta, kaɓa Bumbulvuŋ miɓa tuwa.
Bonoy mudumbuŋ: yam mitiri pumbus
14Bumbulvuŋ a ɓa Moyise na: «Buy Ezipte a cici le kaŋ kaŋ, anta ngum pula mizli ɓa a cohom ta. 15Bi prik prik ng'avu buy Ezipte, hirak ti naŋ masa bi nga mi yam na. A ra kutukoŋ a mi mizawa. Yo ganday mitiri kaw tuwa, zuɓa a haŋ. 16Ɓa buy Ezipte na: Bumbulvuŋ, Buymisemuŋ ngi Hebereye, a slino ya le ɓa i ɓuw: Pula mizli ɗuwoyo, ɓa ara gikiy mikuli a wuzla ɓuh mikirɗak kirɗak, amma hã wurenna, ki ngum cin ta. 17Vurˀe, Bumbulvuŋ a ɓuw na: I sa kiɗa yam ngir mizawa ti ganday misi a haŋ ɗu na, yam a sa tiri pumbusu. Ki sa si na yi Bumbulvuŋ na, ava. 18Kilif ngi mizaway a sa micam, yam ngi mizawa a sa zĩˀĩ tititi, ko Eziptehey anta sa saka yam ngi mizawa gu ta ndiɗaˀ wãˀ.» 19Bumbulvuŋ a ɓa Moyise ma: «Ɓa Aroŋ, a zuɓa ganday naŋ, a ska haŋ ng'ar yam misi a hirwuy Ezipte gar, ng'ar mizaway, barayay, futuŋhoy, ng'ar li misi yam ara gar, anja a tiram pumbusu! Anja angi hirwuy Ezipte gar na, li gar i pumbus, ar gwat ngi yam ngi dum miciɗa ti ciɗey malla ngi ɗuguroy!» 20Moyis ati Aroŋ a gaka kaɓa Bumbulvuŋ miɓa tuwa. Aroŋ a zuɓa gandaya, a kiɗa yam ngi mizawa, a mihiri ngi buy Ezipte ati gawla naŋhaya. Yam ngi mizawa taˀ gar a tiri pumbusu. 21Kilif ngir yamay a micam, yam ngir mizaw a zĩˀĩ tititi, ko Eziptehey a saka yam ngir mizawa gu mata. Asi ruwuy Ezipte, li gar i pumbusu. 22Amma misi sin ngi gi cekenehey a Ezipte, a gam gwat misi purla ti ketele taŋ tuwa ya. Hirnga ngi buy Ezipte a ro gidaŋ na si, anta ngum cine mi da Moyis ati Aroŋ ta, kaɓa Bumbulvuŋ miɓa tuwa. 23Buy Ezipte a mbiɗi duba ava, a mi ngi hay naŋ, a pura ka ɓi neˀ le ta. 24Eziptehey gar a nduɓam yama ti nduɓ a ciki mizaw, asi yam ngi mizawa a si ta. 25A dirba bonoy Bumbulvuŋ mimbiɗa yam a mizaw tuwa na, hin tarnaˀ a gi le.
Bonoy mucuw naŋ: gecey
26Bumbulvuŋ a ɓa Moyise: «Ci ngi hay buy Ezipte, ɓaŋ na: Bumbulvuŋ a ɓuw ani: Pula mizli ɗuwoy a ram, ara gikiy mikuli. 27Da ki ngum pul taŋ ɓa a ram ta ɓula si na, i sa ga bonoy da hirwuy ɗike gar ti gecey. 28Gecey a sa gam kweslekwesle a mizawa, a sa boko ti mizawa, a cam ngi hay ɗiki, nga viŋ ɗik ngi hin, ng'ar arngawo ɗiki, ngi hay gawla ɗikey, ngi hay mizli ɗikey, ng'ar li di ɗaf ɗikey, ng'ar li fukuɗa hapa ngi di ɗafahay. 29Gecey a sa jiɗam ng'avu vu ɗik, ng'avu vu ngi mizli ɗikey, waɗ ng'avu vu ngi gawla ɗikeye gar.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.