BI NGI ISRAYELEY 6
6
1Bumbulvuŋ a ɓa Moyise na: «Wurenna, kisa pura gwat ya mawuɗ i ga da buy madiɗa ngi Ezipte: i sa tikaŋ ˀay ti gidaŋ ɓa a pula taŋ a cohom, i sa tikaŋ ˀay ti gidaŋ ɓa a ɓula taŋ ti ngi hirwuy nah!»
Buymisemuŋ a ɓa Moyise ɗaˀ le, a sa laha Israyeleye
2Buymisemuŋ a ɓa Moyise ma: «Bumbulvuŋ i ya. 3Yi biga vu le da Abraham, da Izak waɗ da Zakopo ti slimiɗ nga ya Buymisemuŋ misi ti gidaŋ wãˀ gar, amma ɓa taŋ a sinikiy ti slimiɗ ɗu ‹Bumbulvuŋ› na, i biga taŋ di ta. 4Dar i ɗiy ɓi ngi jumoˀay ɗu ati taŋ, ɓa i vula taŋ hirwuy Kanaˀan, hirwuy taŋ mislikiɗoko ti raŋ, taŋ misi zleˀe i mulakay ara na. 5Wurenna, i cine niˀic ngi Israyeleye le, Eziptehey magam taŋ beke na, joˀ yi wuluk keŋ ar jumoˀay ɗu ati taŋ. 6Vurˀe, ɓa Israyeleye na: Bumbulvuŋ i ya. Slra mitakˀay ngi hirwuy Ezipte na, i sa bi ti kum ti raˀa avra. I sa loho kum tir gi beke, taŋ magam ti kumo, i sa tuɓo kum ti gidaŋ ɗu mihaɗa na. 7I sa tiri ti kum mizli ɗuwoy yo i sa tiri Buymisemuŋ kum. Ki sa sinaka Buymisemuŋ kumo, i ya Bumbulvuŋ: buy mibi ti kum tir slra mitakˀay ngi hirwuy Ezipte. 8I sa ci ti kum nga hirwuy ya muvula da Abraham, da Izak waɗ da Zakop haŋ paɗ a muŋ na. I sa vulukum di da kum. I ya Bumbulvuŋ maɓukum.» 9Moyis a ɓa kahana da Israyeleye, amma a cinakaŋ di ta, asi slra mutuwaˀ ngi bekehey ara gira taŋ. 10Bumbulvuŋ a ɓa Moyise: 11«Aru, ara ɓa buy Ezipte, a pula Israyeleye tir hirwuy naŋ, ɓa a cohom!» 12Amma Moyis a ɓi a mbuŋ Bumbulvuŋ: «Ani ko Israyeley tekeɗe a cinikiy mi ta. Ya mbur misina mi ta na, buy madiɗa ngi Ezipte a sa ciniy di mbri mbrike?» 13Bumbulvuŋ a ɓa Moyis ati Aroŋ, ɓa a ram cuw taŋ nga ɓa mingiɓi naŋ da Israyeley waɗ da buy Ezipte, ɓa ngi bo ti Israyeley ti hirwuy Ezipte.
Slimiɗ ngi dideˀ ngi Moyisey ati Aroŋ
14Slimiɗ ngi buy ngi hay Israyeley ani: Ruben modogom ngi Zakopo, ziri naŋhay i ti Hanok, Pallu, Hesroŋ waɗ Karmi, sukwi ngi Ruben i hana so. 15Yo ziri ngi Simeyoŋhoy i ti: Yemuyel, Yamin, Ohat, Yakin, Sohar waɗ Sawul mangal ngi zuŋ Kanaˀan. Sukwi ngi Simeyoŋ i hana so. 16Slimiɗ ngi ziri ngi Levihey ati dideˀ naŋhay ani: Gersoŋ, Kehat waɗ Merari. Levi a gi ar siifa vi skat ti kukur makir nga tarnaˀ. 17Ziri ngi Gersohõy i ti: Libini waɗ Simey, taŋ i mizli micawwa ngir sukwi taŋ. 18Ziri ngi Kehatay i ti: Amram, Isar, Hebroŋ waɗ Uziyel, Kehat a gi vi skat ti kukur makir nga makir. 19Ziri ngi Merarihey i ti: Mali waɗ Musi. Ar tizer ngi Levi, micawwahayi taŋ. 20Amram a zuɓ ngi ngwasa i medeme naŋ Yokebet, a yaŋ ziri mizilehey cuw, Aroŋ ati Moyis. Amram a gi vi skat ti kukur makir nga tarnaˀ. 21Ziri ngi Isaray i ti: Kore, Nefek waɗ Zikiri. 22Ziri ngi Uziyeley i ti: Mikayel, Elisafaŋ waɗ Sitiri. 23Aroŋ a zuɓ ngi ngwasa i Eliseba, zuŋ ngi Aminadap, yo i sukum mongoso ngi Nasoŋ, Eliseba a yi ziri mizilehey mufaɗ ti Aroŋ, i ti: Nadap, Abihu, Elazar waɗ Itamar. 24Yo ziri ngi Korehey i ti: Asiri, Elkana waɗ Abiyasaf. Sukwi ngi Korehey i taŋ. 25Elazar, mangal ngi Aroŋ, a zuɓ ngi ngwasa i zuŋ ngi Putiyel, a yaŋ Pinas. Buy ngi sukwihey ar tizer ngi Levi i taŋ. 26Pura, Aroŋ ati Moyise, Bumbulvuŋ miɓi tuwa i taŋ, a ɓa taŋ na: «Israyeleye, boko taŋ ti sila ti sila ti ruwuy Ezipte ka sojehey». 27Moyis ati Aroŋ a ɓaka buy Ezipte, ɓa a boko ti Israyeley ti hirwuy Ezipte avra.
Bumbulvuŋ miɓa Moyis ɗaˀ le ava ma, a sa laha mizli naŋhaya
28Tapas Bumbulvuŋ miɓa ɓi da Moyis a hirwuy Ezipte na, 29a ɓaŋ: «I ya Bumbulvuŋ, ɓi ya muɓuw di gar na, ara mahiri naŋ da buy Ezipte.» 30Amma Moyis a ɓi a mbuŋ Bumbulvuŋ na: «Y'ani, i si na mi ta, buy Ezipte a sa ciniy di mbri mbrike?»
Currently Selected:
BI NGI ISRAYELEY 6: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 6
6
1Bumbulvuŋ a ɓa Moyise na: «Wurenna, kisa pura gwat ya mawuɗ i ga da buy madiɗa ngi Ezipte: i sa tikaŋ ˀay ti gidaŋ ɓa a pula taŋ a cohom, i sa tikaŋ ˀay ti gidaŋ ɓa a ɓula taŋ ti ngi hirwuy nah!»
Buymisemuŋ a ɓa Moyise ɗaˀ le, a sa laha Israyeleye
2Buymisemuŋ a ɓa Moyise ma: «Bumbulvuŋ i ya. 3Yi biga vu le da Abraham, da Izak waɗ da Zakopo ti slimiɗ nga ya Buymisemuŋ misi ti gidaŋ wãˀ gar, amma ɓa taŋ a sinikiy ti slimiɗ ɗu ‹Bumbulvuŋ› na, i biga taŋ di ta. 4Dar i ɗiy ɓi ngi jumoˀay ɗu ati taŋ, ɓa i vula taŋ hirwuy Kanaˀan, hirwuy taŋ mislikiɗoko ti raŋ, taŋ misi zleˀe i mulakay ara na. 5Wurenna, i cine niˀic ngi Israyeleye le, Eziptehey magam taŋ beke na, joˀ yi wuluk keŋ ar jumoˀay ɗu ati taŋ. 6Vurˀe, ɓa Israyeleye na: Bumbulvuŋ i ya. Slra mitakˀay ngi hirwuy Ezipte na, i sa bi ti kum ti raˀa avra. I sa loho kum tir gi beke, taŋ magam ti kumo, i sa tuɓo kum ti gidaŋ ɗu mihaɗa na. 7I sa tiri ti kum mizli ɗuwoy yo i sa tiri Buymisemuŋ kum. Ki sa sinaka Buymisemuŋ kumo, i ya Bumbulvuŋ: buy mibi ti kum tir slra mitakˀay ngi hirwuy Ezipte. 8I sa ci ti kum nga hirwuy ya muvula da Abraham, da Izak waɗ da Zakop haŋ paɗ a muŋ na. I sa vulukum di da kum. I ya Bumbulvuŋ maɓukum.» 9Moyis a ɓa kahana da Israyeleye, amma a cinakaŋ di ta, asi slra mutuwaˀ ngi bekehey ara gira taŋ. 10Bumbulvuŋ a ɓa Moyise: 11«Aru, ara ɓa buy Ezipte, a pula Israyeleye tir hirwuy naŋ, ɓa a cohom!» 12Amma Moyis a ɓi a mbuŋ Bumbulvuŋ: «Ani ko Israyeley tekeɗe a cinikiy mi ta. Ya mbur misina mi ta na, buy madiɗa ngi Ezipte a sa ciniy di mbri mbrike?» 13Bumbulvuŋ a ɓa Moyis ati Aroŋ, ɓa a ram cuw taŋ nga ɓa mingiɓi naŋ da Israyeley waɗ da buy Ezipte, ɓa ngi bo ti Israyeley ti hirwuy Ezipte.
Slimiɗ ngi dideˀ ngi Moyisey ati Aroŋ
14Slimiɗ ngi buy ngi hay Israyeley ani: Ruben modogom ngi Zakopo, ziri naŋhay i ti Hanok, Pallu, Hesroŋ waɗ Karmi, sukwi ngi Ruben i hana so. 15Yo ziri ngi Simeyoŋhoy i ti: Yemuyel, Yamin, Ohat, Yakin, Sohar waɗ Sawul mangal ngi zuŋ Kanaˀan. Sukwi ngi Simeyoŋ i hana so. 16Slimiɗ ngi ziri ngi Levihey ati dideˀ naŋhay ani: Gersoŋ, Kehat waɗ Merari. Levi a gi ar siifa vi skat ti kukur makir nga tarnaˀ. 17Ziri ngi Gersohõy i ti: Libini waɗ Simey, taŋ i mizli micawwa ngir sukwi taŋ. 18Ziri ngi Kehatay i ti: Amram, Isar, Hebroŋ waɗ Uziyel, Kehat a gi vi skat ti kukur makir nga makir. 19Ziri ngi Merarihey i ti: Mali waɗ Musi. Ar tizer ngi Levi, micawwahayi taŋ. 20Amram a zuɓ ngi ngwasa i medeme naŋ Yokebet, a yaŋ ziri mizilehey cuw, Aroŋ ati Moyis. Amram a gi vi skat ti kukur makir nga tarnaˀ. 21Ziri ngi Isaray i ti: Kore, Nefek waɗ Zikiri. 22Ziri ngi Uziyeley i ti: Mikayel, Elisafaŋ waɗ Sitiri. 23Aroŋ a zuɓ ngi ngwasa i Eliseba, zuŋ ngi Aminadap, yo i sukum mongoso ngi Nasoŋ, Eliseba a yi ziri mizilehey mufaɗ ti Aroŋ, i ti: Nadap, Abihu, Elazar waɗ Itamar. 24Yo ziri ngi Korehey i ti: Asiri, Elkana waɗ Abiyasaf. Sukwi ngi Korehey i taŋ. 25Elazar, mangal ngi Aroŋ, a zuɓ ngi ngwasa i zuŋ ngi Putiyel, a yaŋ Pinas. Buy ngi sukwihey ar tizer ngi Levi i taŋ. 26Pura, Aroŋ ati Moyise, Bumbulvuŋ miɓi tuwa i taŋ, a ɓa taŋ na: «Israyeleye, boko taŋ ti sila ti sila ti ruwuy Ezipte ka sojehey». 27Moyis ati Aroŋ a ɓaka buy Ezipte, ɓa a boko ti Israyeley ti hirwuy Ezipte avra.
Bumbulvuŋ miɓa Moyis ɗaˀ le ava ma, a sa laha mizli naŋhaya
28Tapas Bumbulvuŋ miɓa ɓi da Moyis a hirwuy Ezipte na, 29a ɓaŋ: «I ya Bumbulvuŋ, ɓi ya muɓuw di gar na, ara mahiri naŋ da buy Ezipte.» 30Amma Moyis a ɓi a mbuŋ Bumbulvuŋ na: «Y'ani, i si na mi ta, buy Ezipte a sa ciniy di mbri mbrike?»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.