BI NGI ISRAYELEY 15
15
Moyis ati Israyeley mizlam dimis ngi bugawlahay
1Dar Moyis ati Israyeley, a hunumaka Bumbulvuŋ ti dimis, a zlaka ani:
I wuɗ i hunuma Bumbulvuŋ ti dimis,
a lum bugawla le kuy kuy wãˀ,
a pa haŋ le da pilisey ati mizli ngir taŋhaya ng'ar yama. 2Gidaŋ ɗu mihaɗi na, i Bumbulvuŋ,
a kilo widi ɗu le.
Buymisemuŋ ɗu i naŋ, i sa hunumaŋ.
I Buymisemuŋ ngi dideˀ ɗu, i sa gaŋ dudok. 3Bumbulvuŋ i migi vurum madiɗaŋ,
a ndila le ɓa a zilakaŋ Bumbulvuŋ. 4Mota ngi vurumoy ati mizli ngi buy madiɗa ngi Ezipteheye,
a pa taŋ haŋ le ng'ar yam.
Soje mupuɗaw puɗaw ngi Ezipteheye,
mubuliy lavaɗ a nda taŋ le. 5Yam mijileŋ jileŋhey a ndaka taŋ le,
a cam ng'asi yam ka ɗuguroy. 6Haŋ hazum ɗike, naŋ ti gidaŋ haɗi Bumbulvuŋ!
gidaŋ ɗik a puwa mesene ɗikeye meɗ meɗ Bumbulvuŋ. 7Ka madiɗa haɗi wãˀ.
Ki buɗusla mesene ɗikeye le.
Da ki slikiɗa mevele le na,
ki zuma taŋ kaɓa vu mazuma giziŋ. 8Musuwun ngi hutuŋ ɗike,
a cikila yam ar li purla,
yam a cici kaɓa mitika ti tiki,
a ngi diɓel kaɓa mohol. 9Mesene ndrahay a ɓam zleˀe na:
«Kulukum asi taŋ, ɓa i joko taŋ,
i sa wunkaka gwat ndra matuɓoko di,
i sa lumam fineˀ ndra mawuɗama.
I sa muɗaka maslalam ndraˀahaya,
i sa ngumaka taŋ.» 10Ki ˀufo himiɗ ɗike na,
yam a nda le.
Yam mupo sar ti gidaŋ tuwa na,
a cam kwitik kwitik kaɓa ɓirihey. 11Bumbulvuŋ, a wuzla kuliheye,
ngi wi ati ka ada kwa?
Buymisemuŋ mipal kaɓa ka ada kwa?
Buymisemuŋ misi gwat ngi gi naŋ a gi zluwun da mbur na, ada kwa?
Buymisemuŋ magi gwat mezle ngi pur hiri ngal ngal na, ada kwa? 12Ki zuɓa haŋ ɗik hazumo paɗ si na,
hirwuy a sirta mizli muɓul ndraˀahaya ngbulum. 13Ki loho mizli ɗikeye le,
ki ra wuɗ taŋ,
ki kisa taŋ ti gidaŋ ɗiki,
ng'ar li cifi ngi ɗik Buymisemuŋ. 14Midigwihey micinam ɓi hana na, a jijikam.
Didak a muɗa mizli Filistiheye le.
15Dar zluwun a ga buy ngi Edomoyo,
Yarma ngi ruwuy Moˀapa, a zla jijik kirkir.
Mizli Kanaˀanay gar, membezleŋ a muɗa taŋ le. 16A zluwunam, a wusam ngbaˀngbaˀ,
a muˀulom sok sok,
hã mizli ɗikey ka mulumo taŋ na,
a cohom Bumbulvuŋ. 17Wurenna, ki ra jiɗ taŋ nga muwã,
hirwuy ɗiki, ɓa a cifam a diga.
Bumbulvuŋ, ki ɗiya taŋ li pi hay le a diga.
Aw Bumbulvuŋ, a diga, ki ɗiy hay le da ka vuna. 18Bumbulvuŋ ara zum buy hã ngi sete! 19Pilisey, mota ngi vurumoy waɗ misi pilis ngi buy Eziptehey micam ng'ar mubuliy muduba na, Bumbulvuŋ a mo ti yam ngi mubuliye nga hirnga taŋ. Amma Israyeleye, a tuwuɗaka mubuliye ti sar njiraŋ njiraŋ. 20Yo ngwas ada, i Miriyam mijiviɗ ngi Buymisemuŋ, i sukum ngi Aroŋ, a zuɓa jãwjãw, ngwasay gar a sipakaŋ ti ɓuruk asi jãwjãw tuwa 21Joˀ Miriyama, a bo ti ˀay ngi dimis a mbuŋ ngwasaya, a zla anihĩ:
Zlam dimis ngi hunuma Bumbulvuŋ,
a lum bugawla migisiŋ gisiŋ le,
a pa haŋ da pilisey ati mizli ngir taŋhaya le ng'ar mubuliy.
ISRAYELEY MIRAM A WUZLA ƁUH MIKIRƊAK KIRƊAK 15-18
Yam ngi Mara mitiri ngi si
22Moyis a bi ti Israyeleye, a pulaka mubuliy lavaɗa, a ram kini ngir ti wuzla ɓuh mikirɗak kirɗak ngi Sur. A vam hiipas hiipas hin makir ar li ru a wuzla ɓuh mikirɗak kirɗaka, ko a lumam yam ngi si ta. 23A ndilam a Mara, amma yam ngi Mara a si ta, asi naŋ ɗalaka, a zilaka ‹Mara› na, asi ɗalak naŋ vuna. 24Mizli a zlaka dirɗa Moyise, a ɓam: «I sa sam mi ska?» 25Moyis a til mi ng'avu Bumbulvuŋ, joˀ Bumbulvuŋ a bigaŋ sukwi ngi dum ada, a ngil ɓuluˀ fuk ng'ar yam na, yam a tiri ngi si. Bumbulvuŋ muvula taŋ ɓimujuwa ati sirikey na, a diga, yo naŋ mici a kwacay taŋ na, a diga. 26A ɓa taŋ: «Da ki ra cinikiy mi kuy kuy da ya Bumbulvuŋ Buymisemuŋ kumo, da ki ra gam gwat mijeŋŋe a mbuŋ ɗu, da ki ra cinaka ɓimuɗuva ɗu, da ki ra sipaka ɓimujuwa ɗuwoyo gar na, bonoy ya miga taŋ da Eziptehey na, y'anta sa gukum di ko pal asi taŋ ta. Asi, yi Bumbulvuŋ mambulukum avu jijihey.» 27A dirba nah Israyeley a ndilam a Elim: miviɗiviɗi ngi yamay ada a diga kuruˀ nga cuw, waɗ dibinojehey ada kaˀ kaˀ kukur tarnaˀa ma. Dar a paka walahay guɗuk taŋ a ciki yam akẽh.
Currently Selected:
BI NGI ISRAYELEY 15: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 15
15
Moyis ati Israyeley mizlam dimis ngi bugawlahay
1Dar Moyis ati Israyeley, a hunumaka Bumbulvuŋ ti dimis, a zlaka ani:
I wuɗ i hunuma Bumbulvuŋ ti dimis,
a lum bugawla le kuy kuy wãˀ,
a pa haŋ le da pilisey ati mizli ngir taŋhaya ng'ar yama. 2Gidaŋ ɗu mihaɗi na, i Bumbulvuŋ,
a kilo widi ɗu le.
Buymisemuŋ ɗu i naŋ, i sa hunumaŋ.
I Buymisemuŋ ngi dideˀ ɗu, i sa gaŋ dudok. 3Bumbulvuŋ i migi vurum madiɗaŋ,
a ndila le ɓa a zilakaŋ Bumbulvuŋ. 4Mota ngi vurumoy ati mizli ngi buy madiɗa ngi Ezipteheye,
a pa taŋ haŋ le ng'ar yam.
Soje mupuɗaw puɗaw ngi Ezipteheye,
mubuliy lavaɗ a nda taŋ le. 5Yam mijileŋ jileŋhey a ndaka taŋ le,
a cam ng'asi yam ka ɗuguroy. 6Haŋ hazum ɗike, naŋ ti gidaŋ haɗi Bumbulvuŋ!
gidaŋ ɗik a puwa mesene ɗikeye meɗ meɗ Bumbulvuŋ. 7Ka madiɗa haɗi wãˀ.
Ki buɗusla mesene ɗikeye le.
Da ki slikiɗa mevele le na,
ki zuma taŋ kaɓa vu mazuma giziŋ. 8Musuwun ngi hutuŋ ɗike,
a cikila yam ar li purla,
yam a cici kaɓa mitika ti tiki,
a ngi diɓel kaɓa mohol. 9Mesene ndrahay a ɓam zleˀe na:
«Kulukum asi taŋ, ɓa i joko taŋ,
i sa wunkaka gwat ndra matuɓoko di,
i sa lumam fineˀ ndra mawuɗama.
I sa muɗaka maslalam ndraˀahaya,
i sa ngumaka taŋ.» 10Ki ˀufo himiɗ ɗike na,
yam a nda le.
Yam mupo sar ti gidaŋ tuwa na,
a cam kwitik kwitik kaɓa ɓirihey. 11Bumbulvuŋ, a wuzla kuliheye,
ngi wi ati ka ada kwa?
Buymisemuŋ mipal kaɓa ka ada kwa?
Buymisemuŋ misi gwat ngi gi naŋ a gi zluwun da mbur na, ada kwa?
Buymisemuŋ magi gwat mezle ngi pur hiri ngal ngal na, ada kwa? 12Ki zuɓa haŋ ɗik hazumo paɗ si na,
hirwuy a sirta mizli muɓul ndraˀahaya ngbulum. 13Ki loho mizli ɗikeye le,
ki ra wuɗ taŋ,
ki kisa taŋ ti gidaŋ ɗiki,
ng'ar li cifi ngi ɗik Buymisemuŋ. 14Midigwihey micinam ɓi hana na, a jijikam.
Didak a muɗa mizli Filistiheye le.
15Dar zluwun a ga buy ngi Edomoyo,
Yarma ngi ruwuy Moˀapa, a zla jijik kirkir.
Mizli Kanaˀanay gar, membezleŋ a muɗa taŋ le. 16A zluwunam, a wusam ngbaˀngbaˀ,
a muˀulom sok sok,
hã mizli ɗikey ka mulumo taŋ na,
a cohom Bumbulvuŋ. 17Wurenna, ki ra jiɗ taŋ nga muwã,
hirwuy ɗiki, ɓa a cifam a diga.
Bumbulvuŋ, ki ɗiya taŋ li pi hay le a diga.
Aw Bumbulvuŋ, a diga, ki ɗiy hay le da ka vuna. 18Bumbulvuŋ ara zum buy hã ngi sete! 19Pilisey, mota ngi vurumoy waɗ misi pilis ngi buy Eziptehey micam ng'ar mubuliy muduba na, Bumbulvuŋ a mo ti yam ngi mubuliye nga hirnga taŋ. Amma Israyeleye, a tuwuɗaka mubuliye ti sar njiraŋ njiraŋ. 20Yo ngwas ada, i Miriyam mijiviɗ ngi Buymisemuŋ, i sukum ngi Aroŋ, a zuɓa jãwjãw, ngwasay gar a sipakaŋ ti ɓuruk asi jãwjãw tuwa 21Joˀ Miriyama, a bo ti ˀay ngi dimis a mbuŋ ngwasaya, a zla anihĩ:
Zlam dimis ngi hunuma Bumbulvuŋ,
a lum bugawla migisiŋ gisiŋ le,
a pa haŋ da pilisey ati mizli ngir taŋhaya le ng'ar mubuliy.
ISRAYELEY MIRAM A WUZLA ƁUH MIKIRƊAK KIRƊAK 15-18
Yam ngi Mara mitiri ngi si
22Moyis a bi ti Israyeleye, a pulaka mubuliy lavaɗa, a ram kini ngir ti wuzla ɓuh mikirɗak kirɗak ngi Sur. A vam hiipas hiipas hin makir ar li ru a wuzla ɓuh mikirɗak kirɗaka, ko a lumam yam ngi si ta. 23A ndilam a Mara, amma yam ngi Mara a si ta, asi naŋ ɗalaka, a zilaka ‹Mara› na, asi ɗalak naŋ vuna. 24Mizli a zlaka dirɗa Moyise, a ɓam: «I sa sam mi ska?» 25Moyis a til mi ng'avu Bumbulvuŋ, joˀ Bumbulvuŋ a bigaŋ sukwi ngi dum ada, a ngil ɓuluˀ fuk ng'ar yam na, yam a tiri ngi si. Bumbulvuŋ muvula taŋ ɓimujuwa ati sirikey na, a diga, yo naŋ mici a kwacay taŋ na, a diga. 26A ɓa taŋ: «Da ki ra cinikiy mi kuy kuy da ya Bumbulvuŋ Buymisemuŋ kumo, da ki ra gam gwat mijeŋŋe a mbuŋ ɗu, da ki ra cinaka ɓimuɗuva ɗu, da ki ra sipaka ɓimujuwa ɗuwoyo gar na, bonoy ya miga taŋ da Eziptehey na, y'anta sa gukum di ko pal asi taŋ ta. Asi, yi Bumbulvuŋ mambulukum avu jijihey.» 27A dirba nah Israyeley a ndilam a Elim: miviɗiviɗi ngi yamay ada a diga kuruˀ nga cuw, waɗ dibinojehey ada kaˀ kaˀ kukur tarnaˀa ma. Dar a paka walahay guɗuk taŋ a ciki yam akẽh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.