BI NGI ISRAYELEY 16
16
Bumbulvuŋ muvula gwat ngi zum da mizli naŋhay
1Israyeley a pulaka Elime. Hin mukuruˀ nga zlum ngi kiya mucuw naŋ, a dirba taŋ muboko ti Ezipte tuwa, ara ndilam a Sin, ar wala ngi Elim ati Sinay. 2Taŋ misi a wuzla ɓuh a diga na, Israyeley gar a dirɗaka Moyis ati Aroŋ. 3A ɓaka taŋ na: «Kay! Anja zuwen ndra mumicam ti gidaŋ ngi Buymisemuŋ a Ezipte a funa le. Adiga. zleˀe na, ndra joa ciki misirgaɗ ngi useˀhey, i zumam ɗafa hã i mbam! Na ki soko ti ndra gar nga wuzla ɓuh hana, ɓa zigiduw a muc ti may sukwa?» 4Bumbulvuŋ a ɓa Moyise: «I sa pukum gwat ngi zumo ti muŋ ka vuŋ magi. Mizli a sa bam, a sa hilam gwat ngi zumo vur hin gar, ngi hiipasa, ɓa i jiɗa taŋ: da a jaka ɓimujuwa ɗu a hirnga malla da a jaka ta kwana. 5Hin mimerkeɗ naŋ na, da ki ra da ka kum mihilaka ngi hin pal kaɓa hõyyõ tuwa na, a sa tiri ngi hin cuw.» 6Moyis ati Aroŋ a ɓaka Israyeley gar: «Pastaˀ dana na, kisa sinaka mubo ti kum ti hirwuy Ezipte na, i Bumbulvuŋ. 7Ti miprike, kisa puraka dudok ngi Bumbulvuŋ, asi a cine kum madirɗakaŋ na le. Ndra, ndr'i ndilaka le ɓa hã ki dirɗam ndra kwa?» 8Moyis a wuɗ a ɓi na: «Ki sa puraka, ti pastaˀa, Bumbulvuŋ a sa vulukum useˀ, ti miprike, a sa vulukum ɗaf hã ki mbam, asi Bumbulvuŋ a cine kum madirɗakaŋ na le. Ndra, ndr'i ndilaka ta. Kum madirɗam na, i ndra ta, amma ki dirɗam di i Bumbulvuŋ gisiŋ gisiŋ.» 9Moyis a ɓa Aroŋ: «Ɓa Israyeleye gar: ɓa a kirohoko ng'avu Bumbulvuŋ, asi a cine taŋ madirɗakaŋ na le.» 10Yo ti Aroŋ mira ɓa Israyeley gar tuwa na, a mbiɗaka hiri ngir ti wuzla ɓuh mikirɗak kirɗaka: Akẽh na, dudok ngi Bumbulvuŋ a bugo vu ar gazlavay. 11Bumbulvuŋ a ɓa Moyise: 12«I cine Israyeley madirɗikiy na le, ɓa taŋ na: Ki sa zumam useˀ ti li zuyyo, ti miprike, kisa mbam ti ɗaf, joˀ kisa sinikiy, Bumbulvuŋ Buymisemuŋ kumo i ya.» 13Ngi pastaˀ nah kalla, tuɓurlayay a slikiɗoko, a cifam ar walahay guɗuko finiˀ finiˀ, yo ngi miprik naŋ, wulngar a ruwuyo krit krit, gun walahay guɗuko. 14A dirba wulngar musuf na, gwat a ndir a ruwuyo tirsesese, buɗ buɗ kaɓa kutuɓu. 15Israyeley mupuraka na, a cufuɗam vu ar wala taŋ, a ɓam: ‹Man hu?› mbiɗeˀvra: ‹Nah i mike?› asi a sinaka i gwat mike ta. Moyis a ɓa taŋ: «I gwat ngi zum Bumbulvuŋ muvulukum di. 16Bumbulvuŋ a ɓukum ani: Hilam weˀe, zliv mbur a zuma gu, daram pal vur hirnga ngi mburo, mbur gar a hil kahana, tiɗeˀe a hirnga mizli ngi hay naŋhaya.» 17Israyeley a gaka ka naŋ miɓa, mekelemey a hilam fineˀ nah, numuŋhoy a hilam keɗec. 18Amma a waka ti daram tuwa na: mbur mihil fineˀ nah tuwa, a tuwuɗa ta, yo mihil keɗec na ya kwana, a kic ta ma. Mbur gar a hil weˀe zliv a zuma gu.
Gwat ngi gi wal wal vur man
19Moyis a ɓa taŋ ma: «Anja mbur a wi di vu ngi tiprik ta!» 20Numuŋhoy a cinaka mi da Moyise ta, a wam di vu ngi tipriki, amma a ji mumuyuŋ, a zĩˀĩ hirɓislik. Dar Moyis a ji mevel ar taŋ. 21Zle tapasa, a hilam kaslsla ngi zum vur hine vur hine. Da pas ara zlum na, a luwusla mandir ar li naŋ. 22Hin mimerkeɗ naŋ na, a hilam ngi hin cuw, daram cuw vur hirnga ngi mburo. Mizli madiɗa ngi wuzla mizli gar a soko, a ɓaka da Moyise. 23Moyis a ɓa taŋ: «Bumbulvuŋ a ɓi na: ti prike, i Sabat, pas musuka vu muvula le da Bumbulvuŋ. Gwat ngi di ti diheye, da ka taŋ, gwat ngi vuruɗ ti vuruɗoyo, vurɗoko taŋ. Is naŋ mandire, wam di vu ngi tipriki.» 24A wam di vu ngi tiprik naŋ, kaɓa Moyis miɓa tuwa. A zĩˀĩ ta, a ji mumuyuŋ ta. 25Moyis a ɓa taŋ: «Zumaka dana, asi dana, i pas musuka vu, ngi ɗuva hirnga da Bumbulvuŋ. Dana, kum anta sa lumam gwat avra ta. 26Angi hin merkeɗe, kisa hilam, amma angi hin mitarnaˀ naŋ na, anta, i hin ngi sabat.» 27Dambalaka angi hin mitarnaˀ naŋ vuna, mizli ada bam nga hile, amma ko a lumam gwat ta. 28Bumbulvuŋ a ɓa Moyise: «Ɓimuɗuva ati ɓimujuwa ɗuwoy na, kisa cinaka ta hã ti vunaka? 29Sinaka sin le, da Bumbulvuŋ a vulukum hin ngi sabata le ngi musuka vu na, angi hin mimerkeɗ naŋ, a vulukum gwat ngi zumo ngi hin cuw aya. Hin mitarnaˀ naŋ na, ko wa gar a ndir a hay naŋ. Anja mbur a bi avra ta.» 30Dar mizli a musukam vu ar hin mitarnaˀ naŋ na so. 31Israyeley a caka slimiɗ da gwat ngi zum nah man. A bam vu ati zingaˀ ngi koriyandir#16.31 Koriyandir i widis magil ar hirwuy Arap ati Afrik vay muŋ. Zinga naŋ babara, a luguɗom di lar (purra Slu 11.7-10). naŋ babara ndezlezle, avu mi, naŋ kaɓa magala misi mam angaŋ. 32Moyis a ɓi: «Bumbulvuŋ a ɓi ani: hilam daram cerre, ngi wi di vu da tizer kum nga mbuŋ, ɓa a sa puraka ɗaf ya mingir ti kum ti naŋ, a wuzla ɓuh mikirɗak kirɗak, ti ya mubo ti kum ti Ezipte na.» 33Moyis a ɓa Aroŋ na: «Wuɗ tutuŋ, waɗ man daram pal cerere, pa ng'ara, yo ɗuva taˀ a mbuŋ Bumbulvuŋ, ngi wi di vu vur tizer kum nga mbuŋ.» 34Aroŋ ara ɗuva tutuŋ tuwa taˀ a mbuŋ ɗerewol ngi jumoˀaya, ɓa a wam di vu, kaɓa Bumbulvuŋ miɓa ɗaˀ le da Moyis tuwa. 35Israyeley a gam vi kukur mufaɗ ar li zuma man, hã a ndilam di a ruwuy mizli misi araŋ, ar maakway ngi Kanaˀan. 36Daram pal ngi man na, i mukuruˀ ngi daram taŋ mawam di gwat ndrehhe.
Currently Selected:
BI NGI ISRAYELEY 16: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 16
16
Bumbulvuŋ muvula gwat ngi zum da mizli naŋhay
1Israyeley a pulaka Elime. Hin mukuruˀ nga zlum ngi kiya mucuw naŋ, a dirba taŋ muboko ti Ezipte tuwa, ara ndilam a Sin, ar wala ngi Elim ati Sinay. 2Taŋ misi a wuzla ɓuh a diga na, Israyeley gar a dirɗaka Moyis ati Aroŋ. 3A ɓaka taŋ na: «Kay! Anja zuwen ndra mumicam ti gidaŋ ngi Buymisemuŋ a Ezipte a funa le. Adiga. zleˀe na, ndra joa ciki misirgaɗ ngi useˀhey, i zumam ɗafa hã i mbam! Na ki soko ti ndra gar nga wuzla ɓuh hana, ɓa zigiduw a muc ti may sukwa?» 4Bumbulvuŋ a ɓa Moyise: «I sa pukum gwat ngi zumo ti muŋ ka vuŋ magi. Mizli a sa bam, a sa hilam gwat ngi zumo vur hin gar, ngi hiipasa, ɓa i jiɗa taŋ: da a jaka ɓimujuwa ɗu a hirnga malla da a jaka ta kwana. 5Hin mimerkeɗ naŋ na, da ki ra da ka kum mihilaka ngi hin pal kaɓa hõyyõ tuwa na, a sa tiri ngi hin cuw.» 6Moyis ati Aroŋ a ɓaka Israyeley gar: «Pastaˀ dana na, kisa sinaka mubo ti kum ti hirwuy Ezipte na, i Bumbulvuŋ. 7Ti miprike, kisa puraka dudok ngi Bumbulvuŋ, asi a cine kum madirɗakaŋ na le. Ndra, ndr'i ndilaka le ɓa hã ki dirɗam ndra kwa?» 8Moyis a wuɗ a ɓi na: «Ki sa puraka, ti pastaˀa, Bumbulvuŋ a sa vulukum useˀ, ti miprike, a sa vulukum ɗaf hã ki mbam, asi Bumbulvuŋ a cine kum madirɗakaŋ na le. Ndra, ndr'i ndilaka ta. Kum madirɗam na, i ndra ta, amma ki dirɗam di i Bumbulvuŋ gisiŋ gisiŋ.» 9Moyis a ɓa Aroŋ: «Ɓa Israyeleye gar: ɓa a kirohoko ng'avu Bumbulvuŋ, asi a cine taŋ madirɗakaŋ na le.» 10Yo ti Aroŋ mira ɓa Israyeley gar tuwa na, a mbiɗaka hiri ngir ti wuzla ɓuh mikirɗak kirɗaka: Akẽh na, dudok ngi Bumbulvuŋ a bugo vu ar gazlavay. 11Bumbulvuŋ a ɓa Moyise: 12«I cine Israyeley madirɗikiy na le, ɓa taŋ na: Ki sa zumam useˀ ti li zuyyo, ti miprike, kisa mbam ti ɗaf, joˀ kisa sinikiy, Bumbulvuŋ Buymisemuŋ kumo i ya.» 13Ngi pastaˀ nah kalla, tuɓurlayay a slikiɗoko, a cifam ar walahay guɗuko finiˀ finiˀ, yo ngi miprik naŋ, wulngar a ruwuyo krit krit, gun walahay guɗuko. 14A dirba wulngar musuf na, gwat a ndir a ruwuyo tirsesese, buɗ buɗ kaɓa kutuɓu. 15Israyeley mupuraka na, a cufuɗam vu ar wala taŋ, a ɓam: ‹Man hu?› mbiɗeˀvra: ‹Nah i mike?› asi a sinaka i gwat mike ta. Moyis a ɓa taŋ: «I gwat ngi zum Bumbulvuŋ muvulukum di. 16Bumbulvuŋ a ɓukum ani: Hilam weˀe, zliv mbur a zuma gu, daram pal vur hirnga ngi mburo, mbur gar a hil kahana, tiɗeˀe a hirnga mizli ngi hay naŋhaya.» 17Israyeley a gaka ka naŋ miɓa, mekelemey a hilam fineˀ nah, numuŋhoy a hilam keɗec. 18Amma a waka ti daram tuwa na: mbur mihil fineˀ nah tuwa, a tuwuɗa ta, yo mihil keɗec na ya kwana, a kic ta ma. Mbur gar a hil weˀe zliv a zuma gu.
Gwat ngi gi wal wal vur man
19Moyis a ɓa taŋ ma: «Anja mbur a wi di vu ngi tiprik ta!» 20Numuŋhoy a cinaka mi da Moyise ta, a wam di vu ngi tipriki, amma a ji mumuyuŋ, a zĩˀĩ hirɓislik. Dar Moyis a ji mevel ar taŋ. 21Zle tapasa, a hilam kaslsla ngi zum vur hine vur hine. Da pas ara zlum na, a luwusla mandir ar li naŋ. 22Hin mimerkeɗ naŋ na, a hilam ngi hin cuw, daram cuw vur hirnga ngi mburo. Mizli madiɗa ngi wuzla mizli gar a soko, a ɓaka da Moyise. 23Moyis a ɓa taŋ: «Bumbulvuŋ a ɓi na: ti prike, i Sabat, pas musuka vu muvula le da Bumbulvuŋ. Gwat ngi di ti diheye, da ka taŋ, gwat ngi vuruɗ ti vuruɗoyo, vurɗoko taŋ. Is naŋ mandire, wam di vu ngi tipriki.» 24A wam di vu ngi tiprik naŋ, kaɓa Moyis miɓa tuwa. A zĩˀĩ ta, a ji mumuyuŋ ta. 25Moyis a ɓa taŋ: «Zumaka dana, asi dana, i pas musuka vu, ngi ɗuva hirnga da Bumbulvuŋ. Dana, kum anta sa lumam gwat avra ta. 26Angi hin merkeɗe, kisa hilam, amma angi hin mitarnaˀ naŋ na, anta, i hin ngi sabat.» 27Dambalaka angi hin mitarnaˀ naŋ vuna, mizli ada bam nga hile, amma ko a lumam gwat ta. 28Bumbulvuŋ a ɓa Moyise: «Ɓimuɗuva ati ɓimujuwa ɗuwoy na, kisa cinaka ta hã ti vunaka? 29Sinaka sin le, da Bumbulvuŋ a vulukum hin ngi sabata le ngi musuka vu na, angi hin mimerkeɗ naŋ, a vulukum gwat ngi zumo ngi hin cuw aya. Hin mitarnaˀ naŋ na, ko wa gar a ndir a hay naŋ. Anja mbur a bi avra ta.» 30Dar mizli a musukam vu ar hin mitarnaˀ naŋ na so. 31Israyeley a caka slimiɗ da gwat ngi zum nah man. A bam vu ati zingaˀ ngi koriyandir#16.31 Koriyandir i widis magil ar hirwuy Arap ati Afrik vay muŋ. Zinga naŋ babara, a luguɗom di lar (purra Slu 11.7-10). naŋ babara ndezlezle, avu mi, naŋ kaɓa magala misi mam angaŋ. 32Moyis a ɓi: «Bumbulvuŋ a ɓi ani: hilam daram cerre, ngi wi di vu da tizer kum nga mbuŋ, ɓa a sa puraka ɗaf ya mingir ti kum ti naŋ, a wuzla ɓuh mikirɗak kirɗak, ti ya mubo ti kum ti Ezipte na.» 33Moyis a ɓa Aroŋ na: «Wuɗ tutuŋ, waɗ man daram pal cerere, pa ng'ara, yo ɗuva taˀ a mbuŋ Bumbulvuŋ, ngi wi di vu vur tizer kum nga mbuŋ.» 34Aroŋ ara ɗuva tutuŋ tuwa taˀ a mbuŋ ɗerewol ngi jumoˀaya, ɓa a wam di vu, kaɓa Bumbulvuŋ miɓa ɗaˀ le da Moyis tuwa. 35Israyeley a gam vi kukur mufaɗ ar li zuma man, hã a ndilam di a ruwuy mizli misi araŋ, ar maakway ngi Kanaˀan. 36Daram pal ngi man na, i mukuruˀ ngi daram taŋ mawam di gwat ndrehhe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.