AMOS 9
9
Amos mupur gwat ti kleŋ sar muzlum naŋ
1I pura Bumbulvuŋ ɗu deŋ ar li gi mikuli, a ɓi na:
Kiɗa mecepek ngi hirnga ɓamtalay misi ar hay ngi Buymisemuŋ na,
ɓa a jijika sivirzi ngi haya gar.
Ngila taŋ ngurof ngurof nga hirnga mizli gar,
mizli mindiramay le na, i sa kiɗa taŋ ti maslalam,
ko mbur masa lih anta,
ko masa ndir ti siifa loŋ anta.
2Da ko a cam le ng'ar li ngi mizli mumucahay kwana, i sa ra ɗiɗo taŋ, da ko a jiɗam ng'ar birngiŋ ma, i sa po taŋ sar na si.
3Ko da ara ɗumom ar mesengel ngi muwã Karmel kwana, i sa supo taŋ, i jo taŋ.
Da ko a waka kaɓa a sumuɗom le avu ya ng'asi virzi ngi mubuliy kwana,
i sa ɓakaw ɗaˀ si na, a humbuɗa taŋ a diga.
4Da ko a jaka taŋ le, a roko ram sek a mbuŋ mesene taŋhay kwana,
i sa ɓi ɗaˀ, a kiɗaka taŋ vagay vagay ti maslalam.
I sa ɗuva hiri ɗu taˀ ar taŋ,
ngi mezle ta ɓula, amma ngi malambaˀa.»
5Bumbulvuŋ Buymisemuŋ misi gidaŋ waˀa,
a wusa hirwuyo le duk na, hirwuy a jijik,
joˀ mizli ngi raˀahay gar a tuwam tuwuy ngi vagay.
Hirwuyo a slikiɗ hogokko cek kaɓa mizaw mazuɓu,
yo a mi kip nga ruwuy kaɓa mizaw Ezipte.
6Mbur mandira viŋ naŋhay a muŋ,
waɗ masirta hirwuyo ti naŋ kaɓa viŋ,
yo mahila yam ngir mubuliye,
a pa tisl da hirwuyo na,
slimiɗ naŋ Bumbulvuŋ.
Bumbulvuŋ miga kiita da mizli muzluɓam ɓi le
7«Israyeley, kum avu ya kaɓa Etiyopihey ta kwa?
Kum Israyeleye, i bo ti kum le tisi ruwuy Ezipte,
yo Filistiheye, ti Kaftor, waɗ Siriheye ti Kir na,
ki sinaka ta kwa?»
I ya Bumbulvuŋ maɓi.
8Ani Bumbulvuŋ, Buymisemuŋ ɗu, a ro hiri taˀ ar zumabuy ngi Israyel muzluɓ ɓi.
A ɓi: I wuɗ i ngizlakap wãˀ asi ruwuyo.
Amma, y'anta ngizla hay ngi Zakopo kap wãˀ ta ɓula.
I ya Bumbulvuŋ maɓi.
9Naŋ kanah, ani i ra ɓi ɗaˀ:
A wuzla sukwihey gar na, i wuɗ i dingila Israyeleye,
kaɓa madingilam daw ti sikiɗi.
Ko zuŋ ɗugur masa diɗ pal a ruwuy anta.
10Mizli muzluɓa ɓihey a wuzla mizli ɗuwoy gar na,
a sa kiɗa taŋ vagay vagay ti maslalam,
asi taŋ a ɓam na:
«Gwat ngi mendere nah anta sa gumboˀo ndra ta,
anta sa duko ndra ta!»
A dirba mendere migi le, Buymisemuŋ a ja haŋ ngi mizli naŋhay a muŋ
11Buymisemuŋ a ɓi: mazlaɓ ngi Davit mijangawwa na,
i sa slikiɗa hiri naŋ a muŋ,
i sa disla li munjoŋ njoŋ naŋhaya,
i sa ndir hayay ar diŋheye,
i sa slikiɗa hiri ngi walahayaka nga naŋ misi zleˀe a muŋ.
12Akẽh na, hirwuy Edom mindir waɗ ngi sukwi mekelemey gar,
misi slimiɗ ɗu mazil ar taŋ gar na,
dar Israyeley a sa tiɓaka da taŋ.
I ya Bumbulvuŋ maɓi, i ga cummo.»
13«Hin ara ndilawa,
tapasa, a huvam ani, a gam sifi ngi gwat ani,
sifi ngi ɗuco yi ngi gudubun ani, hin zligi ani.
Tapasa, yam ngi zinga ngi gudubun a sa ɓul a muwãhaya gar,
yo ar li mingir ɗingirey gar na, a sa ɓul col col.
I ya Bumbulvuŋ maɓi.
14Israyel, mizli ɗuwoyo zuwul taŋ na, i mbiɗa ɓi nah:
walahayay muwahaka taŋ zleˀe na, a sa ndiraka hiri taŋ a muŋ, ɓa a cifam ar taŋ,
a sa hirvam gudubunoy, ɓa a gam di mbaazla a sakaŋ,
a sa gam jarne, ɓa a zumaka yi ngi gwat ngi raˀahaya.
15I sa cufa taŋ joˀ kuy kuy ar hirwuy taŋ,
anta sa ɓulaka taŋ tisi ruwuy taŋ mata,
hirwuy ya muvula taŋ di na.
I ya Bumbulvuŋ, Buymisemuŋ ɗik maɓi.»
Currently Selected:
AMOS 9: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
AMOS 9
9
Amos mupur gwat ti kleŋ sar muzlum naŋ
1I pura Bumbulvuŋ ɗu deŋ ar li gi mikuli, a ɓi na:
Kiɗa mecepek ngi hirnga ɓamtalay misi ar hay ngi Buymisemuŋ na,
ɓa a jijika sivirzi ngi haya gar.
Ngila taŋ ngurof ngurof nga hirnga mizli gar,
mizli mindiramay le na, i sa kiɗa taŋ ti maslalam,
ko mbur masa lih anta,
ko masa ndir ti siifa loŋ anta.
2Da ko a cam le ng'ar li ngi mizli mumucahay kwana, i sa ra ɗiɗo taŋ, da ko a jiɗam ng'ar birngiŋ ma, i sa po taŋ sar na si.
3Ko da ara ɗumom ar mesengel ngi muwã Karmel kwana, i sa supo taŋ, i jo taŋ.
Da ko a waka kaɓa a sumuɗom le avu ya ng'asi virzi ngi mubuliy kwana,
i sa ɓakaw ɗaˀ si na, a humbuɗa taŋ a diga.
4Da ko a jaka taŋ le, a roko ram sek a mbuŋ mesene taŋhay kwana,
i sa ɓi ɗaˀ, a kiɗaka taŋ vagay vagay ti maslalam.
I sa ɗuva hiri ɗu taˀ ar taŋ,
ngi mezle ta ɓula, amma ngi malambaˀa.»
5Bumbulvuŋ Buymisemuŋ misi gidaŋ waˀa,
a wusa hirwuyo le duk na, hirwuy a jijik,
joˀ mizli ngi raˀahay gar a tuwam tuwuy ngi vagay.
Hirwuyo a slikiɗ hogokko cek kaɓa mizaw mazuɓu,
yo a mi kip nga ruwuy kaɓa mizaw Ezipte.
6Mbur mandira viŋ naŋhay a muŋ,
waɗ masirta hirwuyo ti naŋ kaɓa viŋ,
yo mahila yam ngir mubuliye,
a pa tisl da hirwuyo na,
slimiɗ naŋ Bumbulvuŋ.
Bumbulvuŋ miga kiita da mizli muzluɓam ɓi le
7«Israyeley, kum avu ya kaɓa Etiyopihey ta kwa?
Kum Israyeleye, i bo ti kum le tisi ruwuy Ezipte,
yo Filistiheye, ti Kaftor, waɗ Siriheye ti Kir na,
ki sinaka ta kwa?»
I ya Bumbulvuŋ maɓi.
8Ani Bumbulvuŋ, Buymisemuŋ ɗu, a ro hiri taˀ ar zumabuy ngi Israyel muzluɓ ɓi.
A ɓi: I wuɗ i ngizlakap wãˀ asi ruwuyo.
Amma, y'anta ngizla hay ngi Zakopo kap wãˀ ta ɓula.
I ya Bumbulvuŋ maɓi.
9Naŋ kanah, ani i ra ɓi ɗaˀ:
A wuzla sukwihey gar na, i wuɗ i dingila Israyeleye,
kaɓa madingilam daw ti sikiɗi.
Ko zuŋ ɗugur masa diɗ pal a ruwuy anta.
10Mizli muzluɓa ɓihey a wuzla mizli ɗuwoy gar na,
a sa kiɗa taŋ vagay vagay ti maslalam,
asi taŋ a ɓam na:
«Gwat ngi mendere nah anta sa gumboˀo ndra ta,
anta sa duko ndra ta!»
A dirba mendere migi le, Buymisemuŋ a ja haŋ ngi mizli naŋhay a muŋ
11Buymisemuŋ a ɓi: mazlaɓ ngi Davit mijangawwa na,
i sa slikiɗa hiri naŋ a muŋ,
i sa disla li munjoŋ njoŋ naŋhaya,
i sa ndir hayay ar diŋheye,
i sa slikiɗa hiri ngi walahayaka nga naŋ misi zleˀe a muŋ.
12Akẽh na, hirwuy Edom mindir waɗ ngi sukwi mekelemey gar,
misi slimiɗ ɗu mazil ar taŋ gar na,
dar Israyeley a sa tiɓaka da taŋ.
I ya Bumbulvuŋ maɓi, i ga cummo.»
13«Hin ara ndilawa,
tapasa, a huvam ani, a gam sifi ngi gwat ani,
sifi ngi ɗuco yi ngi gudubun ani, hin zligi ani.
Tapasa, yam ngi zinga ngi gudubun a sa ɓul a muwãhaya gar,
yo ar li mingir ɗingirey gar na, a sa ɓul col col.
I ya Bumbulvuŋ maɓi.
14Israyel, mizli ɗuwoyo zuwul taŋ na, i mbiɗa ɓi nah:
walahayay muwahaka taŋ zleˀe na, a sa ndiraka hiri taŋ a muŋ, ɓa a cifam ar taŋ,
a sa hirvam gudubunoy, ɓa a gam di mbaazla a sakaŋ,
a sa gam jarne, ɓa a zumaka yi ngi gwat ngi raˀahaya.
15I sa cufa taŋ joˀ kuy kuy ar hirwuy taŋ,
anta sa ɓulaka taŋ tisi ruwuy taŋ mata,
hirwuy ya muvula taŋ di na.
I ya Bumbulvuŋ, Buymisemuŋ ɗik maɓi.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.