AMOS 8
8
Amos mupur gwat ti kleŋ sar mumufaɗ naŋ: kiɗgil ti yi ngi widis
1Bumbulvuŋ Buymisemuŋ, gwat naŋ mibigiy di, ya mupura na,
«I kiɗgil ti yi ngi widis minahaŋ.» 2A ɓiy: «Amos ka mapur na i mike?»
Yi mbiɗaŋ di: «I kiɗgil ti yi ngi widis minahaŋ.
Bumbulvuŋ a ɓiy:
«Israyel, mizli ɗuwoyo, hin taŋ a ndila le muduba,
y'anta sa pula mungra taŋ na teˀ mata.
3Tapasa, dimis mazlaka a hay buyo,
a sa tiri dimis ngi vagay,
vagay ngi mizli a sa gi haɗa,
ko a maka gar na, li a sa gi siriw.»
I Bumbulvuŋ Buymisemuŋ ɗu maɓi.»
May gwat ngi migi terehey a so ti mendere
4Kum mizli maslikiɗam fõh fõh ng'ar misi murgahay,
yo kum mawuɗam ngizla mizli muluɓ luɓ ngi si ruwuyoy na,
cinam:
5Kumo ki ɓam ay ngar ngar:
«Anja muguzlum ngi kiya weɗeɗ hana a cuh kutum so,
ɓa i hiɗikaka daw ndrahay avra.
Anja hin ngi Sabat a kiɗ mi kutum so,
ɓa i wunaka mi ngi dirgwaɗ ndraˀahaya.
I sa zuɓam agwada miweˀe weˀe ngi wi gwata,
i sa giɗaka cikili naŋ,
waɗ i sa ngirɗaka kilo, ɓa gwat a ji kilo ta.
6Ɓa i hiɗikam mizli misi viyahay ti dala,
ko tarak sar pal tekeɗe na, a hiɗik misi murga hiɗak takwa?
Yo ko sef kwana, i sa hiɗikaka avra!»
7Bumbulvuŋ a hudum, asi huhumo vu ngi mizli ngi Zakopoyo, a ɓi:
«Y'anta puyuk hirnga ti gwat ngi gi taŋ na ta ndiɗaˀ.
8Naŋ kine, hirwuy a sa jijik vurˀe,
yo mizli ngi raˀahay gar, a sa tuwam vagay.
Hirwuyo cek a sa slikiɗ hogokko kaɓa mizaw,
waɗ a sa mbizli kip nga ruwuy kaɓa mizaw Ezipte.
9Ar hin nah, i sa ga ɓa pas a diɗ ti wuzla papas si,
yo duvuɗ a sa ji ti papasa.
I Bumbulvuŋ, Buymisemuŋ ɗu maɓi.
10Muguzlum kumoyo, i sa tiri taŋ tuwuy ngi vagay,
yo dimisi kumoyo gar, i sa tiri taŋ tuwuy mikaɗam kaɗam.
Mizli gar a sa juwam zana ngi vagay hirlak hirlak a virzi,
yo a sa hijaka hirngahaya kurzluˀ kurzluˀ cek,
i sa tiri ti tuwuy kumoyo kaɓa matuwam vagay ngi mangal kirmalay,
Gwat tayna gar, kiɗa mi taŋ a sa bam vu ati hin ngi bonoy mukuy ta naŋ wãˀa.
11Ani hin ara ndilawa,
tapasa i sa go may asi ruwuyo
i may ngi ɗaf malla ngi madalyam ta,
amma i may ngi cine mingiɓi nga ya Bumbulvuŋ.
I Bumbulvuŋ, Buymisemuŋ ɗu maɓi.
12Mizli a sa ram digi kiŋkiŋ ti ka kiŋkiŋ ti ka,
tir vay muŋ hã ng'asi pas ngi miprik,
ngir ti sipa mingiɓi ngi Bumbulvuŋ,
amma ko anta sa lumaka ta!
13Tapasa, ziri diili mimezlehey,
waɗ gawlahay aruŋ na, madalyam a sa kiɗa taŋ.
14Mizli mahudumom ti kuli ngi Samarihey,
maɓam: «Hadam ti kuli ɗik misi ti siifa, mazilaka Daŋ!» na,
yo «Hadam ti Misi Gidaŋ ngi Berseba» na,
a sa ndilam simtraˀ simtraˀ ngi wãˀ, anta purtaˀ le mata!
Currently Selected:
AMOS 8: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
AMOS 8
8
Amos mupur gwat ti kleŋ sar mumufaɗ naŋ: kiɗgil ti yi ngi widis
1Bumbulvuŋ Buymisemuŋ, gwat naŋ mibigiy di, ya mupura na,
«I kiɗgil ti yi ngi widis minahaŋ.» 2A ɓiy: «Amos ka mapur na i mike?»
Yi mbiɗaŋ di: «I kiɗgil ti yi ngi widis minahaŋ.
Bumbulvuŋ a ɓiy:
«Israyel, mizli ɗuwoyo, hin taŋ a ndila le muduba,
y'anta sa pula mungra taŋ na teˀ mata.
3Tapasa, dimis mazlaka a hay buyo,
a sa tiri dimis ngi vagay,
vagay ngi mizli a sa gi haɗa,
ko a maka gar na, li a sa gi siriw.»
I Bumbulvuŋ Buymisemuŋ ɗu maɓi.»
May gwat ngi migi terehey a so ti mendere
4Kum mizli maslikiɗam fõh fõh ng'ar misi murgahay,
yo kum mawuɗam ngizla mizli muluɓ luɓ ngi si ruwuyoy na,
cinam:
5Kumo ki ɓam ay ngar ngar:
«Anja muguzlum ngi kiya weɗeɗ hana a cuh kutum so,
ɓa i hiɗikaka daw ndrahay avra.
Anja hin ngi Sabat a kiɗ mi kutum so,
ɓa i wunaka mi ngi dirgwaɗ ndraˀahaya.
I sa zuɓam agwada miweˀe weˀe ngi wi gwata,
i sa giɗaka cikili naŋ,
waɗ i sa ngirɗaka kilo, ɓa gwat a ji kilo ta.
6Ɓa i hiɗikam mizli misi viyahay ti dala,
ko tarak sar pal tekeɗe na, a hiɗik misi murga hiɗak takwa?
Yo ko sef kwana, i sa hiɗikaka avra!»
7Bumbulvuŋ a hudum, asi huhumo vu ngi mizli ngi Zakopoyo, a ɓi:
«Y'anta puyuk hirnga ti gwat ngi gi taŋ na ta ndiɗaˀ.
8Naŋ kine, hirwuy a sa jijik vurˀe,
yo mizli ngi raˀahay gar, a sa tuwam vagay.
Hirwuyo cek a sa slikiɗ hogokko kaɓa mizaw,
waɗ a sa mbizli kip nga ruwuy kaɓa mizaw Ezipte.
9Ar hin nah, i sa ga ɓa pas a diɗ ti wuzla papas si,
yo duvuɗ a sa ji ti papasa.
I Bumbulvuŋ, Buymisemuŋ ɗu maɓi.
10Muguzlum kumoyo, i sa tiri taŋ tuwuy ngi vagay,
yo dimisi kumoyo gar, i sa tiri taŋ tuwuy mikaɗam kaɗam.
Mizli gar a sa juwam zana ngi vagay hirlak hirlak a virzi,
yo a sa hijaka hirngahaya kurzluˀ kurzluˀ cek,
i sa tiri ti tuwuy kumoyo kaɓa matuwam vagay ngi mangal kirmalay,
Gwat tayna gar, kiɗa mi taŋ a sa bam vu ati hin ngi bonoy mukuy ta naŋ wãˀa.
11Ani hin ara ndilawa,
tapasa i sa go may asi ruwuyo
i may ngi ɗaf malla ngi madalyam ta,
amma i may ngi cine mingiɓi nga ya Bumbulvuŋ.
I Bumbulvuŋ, Buymisemuŋ ɗu maɓi.
12Mizli a sa ram digi kiŋkiŋ ti ka kiŋkiŋ ti ka,
tir vay muŋ hã ng'asi pas ngi miprik,
ngir ti sipa mingiɓi ngi Bumbulvuŋ,
amma ko anta sa lumaka ta!
13Tapasa, ziri diili mimezlehey,
waɗ gawlahay aruŋ na, madalyam a sa kiɗa taŋ.
14Mizli mahudumom ti kuli ngi Samarihey,
maɓam: «Hadam ti kuli ɗik misi ti siifa, mazilaka Daŋ!» na,
yo «Hadam ti Misi Gidaŋ ngi Berseba» na,
a sa ndilam simtraˀ simtraˀ ngi wãˀ, anta purtaˀ le mata!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.