AMOS 5
5
Tuwa vagay ngi Israyel
1Israyeley, cinaka mingiɓi ani, ya maɓa a hirnga kumo.
2Israyel, zuŋ diili a diɗ le,
naŋ anta slikiɗ mata ndiɗaˀ.
A ro simtraˀ a ruwuy nga naŋ,
ko mislikiɗ naŋ deŋ anta.
3Naŋ kine, ya Bumbulvuŋ Buymisemuŋ i ɓi vur mizli Israyele na:
«Walahay mislin ti mizli le durmuk ng'ar vurumo na,
masa ndirama i mizli skat tewle.
Walahay mislin ti mizli le skat na,
masa ndirama i mizli kuruˀ tewle.»
Zila vu daf le ar gwat masa dungufuw
4Ya Bumbulvuŋ i ɓa Israyeleye na: «Da ki wuɗam siifa le na, soko sipikiy ya.
5Amma ki sipikiy a Betel ta,
ki cam nga Gilgala ta,
ki cohom ti Berseba ta.
Asi a sa jaka Gilgalaya pay nga ruwuy mulak,
yo Beteleye, a sa zizaka taŋ kap.
6Da ki wuɗam siifa le na, sipam di i ya Bumbulvuŋ.
Kum mizli ngi Zozefey, jam lesl, vur ya mabiga gidaŋ ɗu
misi ka vu
mazum vu na avu kum, ko mbur anta ngi muc naŋ a Betele ta.
7Gi gwat mikaslsla na, ki tiram di ɓi miɗalak ka muwuŋ,
gi gwat mijeŋŋe ki tiram di gwat ngi ɗiɗi ti ruwuy lambaˀ.
8Mbur miga wurzlaŋ miɗiɗa slahay ati wurzlaŋ mipi hiriheye,
yo luvuŋ a tiri di li mawun njahha ngi mipriki,
papasa, a tiri di duvuɗu,
a hila yam ngir mubuliye,
a gujaˀa da hirwuyo na,
a zilaka Bumbulvuŋ.
9Mapula mbur migidaŋ ɓa a vakaŋ gwataya i naŋ,
yo a pula walahay muguno le ti moholo, ɓa a vaka gwat ngi raˀahaya.
10Mbur mambiɗa hirnga da migi kiitahay na, ki hirsakaŋ,
mbur maɓi ɓi mikaslsla na, ki puraka kuy avu hiri ta wãˀ.
11Na zle, ki ra guduburaka mbur misi murga,
ki ra tiɓam cah avu gwat ngi migam naŋ.
Vurˀe, hayay kum mindiraka taŋ ti ɗugur miciɗahay na,
kum anta sa cifam ar taŋ ta,
gudubun mimezlehey kum mihirvaka taŋ na,
kum anta sa sam mbaazla naŋ ta.
12Asi yi si na le, ki slikiɗam ɓi le haɗa,
yo ki gam mungra le haɗa fineˀ gidaŋ,
ki guzuvuraka mbur mijeŋŋe,
ki wuɗam sey goro taˀ le ngi gi gwata,
ar li gi kiita na, ki dikaka ɓi mijeŋŋe ngi mbur misi murga dak le.
13Vurˀe, ar hin ngi bonoy misi kahana,
mbur misi lesle,
a ndir lek lek gwaɗ naŋ.
14Sipam gi mezle, mbak malambaˀa le,
ɓa ki ndiram ti siifa,
kahana na, Bumbulvuŋ, Buymisemuŋ, misi gidaŋ wãˀ na, a sa ndir ati kumo,
kaɓa kum maɓam na.
15Puraka ɓi malambaˀa hiris le,
wuɗam gi mezle.
Ar kiita na, cicaka ɓi kaslsla,
asinta, Bumbulvuŋ Buymisemuŋ misi gidaŋ wãˀa, a sa pura ircece
da dideˀ ngi Zozefey mindirama.
16Vurˀe, Bumbulvuŋ Buymisemuŋ misi gidaŋ wãˀ, Bumbulvuŋ ɗu, a ɓi na:
Ar li zik ngi mizli gar na, a sa cinam tuwuy ngi vagay.
A jiviɗ madiɗahaya gar na, mizli a sa ɓam:
Aw ba! Aw ma!
Asa zilam mizli muhuvoy ng'ar tuwa vagay,
yo ng'ar gi mezegwel ngi dika vu, i ngwas misinaka kuɗma tuwuy le.
17Ya Bumbulvuŋ i ɓi na:
«Ti ya masa cuh ti wuzla kum na,
ar guva ngi gudubun gar na,
tuwuy ngi vagay ada.»
Hin, Bumbulvuŋ masa so jiniˀis
18Mizli makutuko hin ngi so ngi Bumbulvuŋ na, kay, taŋ ar bonoy!
Hin ngi so ngi Bumbulvuŋ vuna,
ki lumam di mike?
Tapasa, a sa gi i hin ngi luvuŋ, i hin ngi li minjahha ta.
19Tapasa, a sa gi kaɓa mbur makil ti mobor,
ara ji hirnga ti luˀuf.
Naŋ mici ngi hay na,
haŋ kaw avu dalam ma na,
kaw a humbuɗaŋ.
20Hin ngi Bumbulvuŋ, a sa gi i hin ngi luvuŋ, i li minjahha ta,
i li mitimbiɗim, ko li njahha anta neˀ ta takwa?
Ɓi ngi huruk huruk mihiris le
21Zuɓa mulak kum vur ya na, i pura hiris le, i burɗa le.
Cikil kum ngi gi mezegweley na, i wuɗ cine ɓi nah mata.
22Da kum migikiy mikuli mizlam zlam wãˀa le,
waɗ mikuli ti gwat ngi migam kumoyo le na, ko ya mahiyĩ loŋ anta.
Mikuli kum magikiy di ti gwat misãmi muzlumburahay na, y'anta ɗuva hiri taˀ le ara ta.
23Dimis kum munguloŋ nguloŋ na, kiraham di kileŋ avu ya,
dungur kum ti gujuvuroyo y'anta wuɗ cin naŋ ta.
24Amma anja kiita mijeŋŋe a ɓul ka yam,
yo anja gi gwat mijeŋŋe a kiɗ mi ta, kaɓa mizaw mahisik yam ta.
25Israyeley, kum migam vi kukur mufaɗ a wuzlaɓuh mikirɗak kirɗak na,
ki gikiy mikulile ti gwat misãmi malla ti gwat ngi migam kumoyo kwa? 26Amma ki jijirama i Sikut, buy kum,
waɗ Kewaŋ, foto ngi kuli kumoy,
kuli wurzlaŋ kum,
kum miciɗaka ti ciɗ na takwa?
27Vurˀe, i sa jukum nga duba hirwuy Damas. Maɓi i ya mazilikiy:
Bumbulvuŋ, Buymisemuŋ misi gidaŋ wãˀ na.
Currently Selected:
AMOS 5: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
AMOS 5
5
Tuwa vagay ngi Israyel
1Israyeley, cinaka mingiɓi ani, ya maɓa a hirnga kumo.
2Israyel, zuŋ diili a diɗ le,
naŋ anta slikiɗ mata ndiɗaˀ.
A ro simtraˀ a ruwuy nga naŋ,
ko mislikiɗ naŋ deŋ anta.
3Naŋ kine, ya Bumbulvuŋ Buymisemuŋ i ɓi vur mizli Israyele na:
«Walahay mislin ti mizli le durmuk ng'ar vurumo na,
masa ndirama i mizli skat tewle.
Walahay mislin ti mizli le skat na,
masa ndirama i mizli kuruˀ tewle.»
Zila vu daf le ar gwat masa dungufuw
4Ya Bumbulvuŋ i ɓa Israyeleye na: «Da ki wuɗam siifa le na, soko sipikiy ya.
5Amma ki sipikiy a Betel ta,
ki cam nga Gilgala ta,
ki cohom ti Berseba ta.
Asi a sa jaka Gilgalaya pay nga ruwuy mulak,
yo Beteleye, a sa zizaka taŋ kap.
6Da ki wuɗam siifa le na, sipam di i ya Bumbulvuŋ.
Kum mizli ngi Zozefey, jam lesl, vur ya mabiga gidaŋ ɗu
misi ka vu
mazum vu na avu kum, ko mbur anta ngi muc naŋ a Betele ta.
7Gi gwat mikaslsla na, ki tiram di ɓi miɗalak ka muwuŋ,
gi gwat mijeŋŋe ki tiram di gwat ngi ɗiɗi ti ruwuy lambaˀ.
8Mbur miga wurzlaŋ miɗiɗa slahay ati wurzlaŋ mipi hiriheye,
yo luvuŋ a tiri di li mawun njahha ngi mipriki,
papasa, a tiri di duvuɗu,
a hila yam ngir mubuliye,
a gujaˀa da hirwuyo na,
a zilaka Bumbulvuŋ.
9Mapula mbur migidaŋ ɓa a vakaŋ gwataya i naŋ,
yo a pula walahay muguno le ti moholo, ɓa a vaka gwat ngi raˀahaya.
10Mbur mambiɗa hirnga da migi kiitahay na, ki hirsakaŋ,
mbur maɓi ɓi mikaslsla na, ki puraka kuy avu hiri ta wãˀ.
11Na zle, ki ra guduburaka mbur misi murga,
ki ra tiɓam cah avu gwat ngi migam naŋ.
Vurˀe, hayay kum mindiraka taŋ ti ɗugur miciɗahay na,
kum anta sa cifam ar taŋ ta,
gudubun mimezlehey kum mihirvaka taŋ na,
kum anta sa sam mbaazla naŋ ta.
12Asi yi si na le, ki slikiɗam ɓi le haɗa,
yo ki gam mungra le haɗa fineˀ gidaŋ,
ki guzuvuraka mbur mijeŋŋe,
ki wuɗam sey goro taˀ le ngi gi gwata,
ar li gi kiita na, ki dikaka ɓi mijeŋŋe ngi mbur misi murga dak le.
13Vurˀe, ar hin ngi bonoy misi kahana,
mbur misi lesle,
a ndir lek lek gwaɗ naŋ.
14Sipam gi mezle, mbak malambaˀa le,
ɓa ki ndiram ti siifa,
kahana na, Bumbulvuŋ, Buymisemuŋ, misi gidaŋ wãˀ na, a sa ndir ati kumo,
kaɓa kum maɓam na.
15Puraka ɓi malambaˀa hiris le,
wuɗam gi mezle.
Ar kiita na, cicaka ɓi kaslsla,
asinta, Bumbulvuŋ Buymisemuŋ misi gidaŋ wãˀa, a sa pura ircece
da dideˀ ngi Zozefey mindirama.
16Vurˀe, Bumbulvuŋ Buymisemuŋ misi gidaŋ wãˀ, Bumbulvuŋ ɗu, a ɓi na:
Ar li zik ngi mizli gar na, a sa cinam tuwuy ngi vagay.
A jiviɗ madiɗahaya gar na, mizli a sa ɓam:
Aw ba! Aw ma!
Asa zilam mizli muhuvoy ng'ar tuwa vagay,
yo ng'ar gi mezegwel ngi dika vu, i ngwas misinaka kuɗma tuwuy le.
17Ya Bumbulvuŋ i ɓi na:
«Ti ya masa cuh ti wuzla kum na,
ar guva ngi gudubun gar na,
tuwuy ngi vagay ada.»
Hin, Bumbulvuŋ masa so jiniˀis
18Mizli makutuko hin ngi so ngi Bumbulvuŋ na, kay, taŋ ar bonoy!
Hin ngi so ngi Bumbulvuŋ vuna,
ki lumam di mike?
Tapasa, a sa gi i hin ngi luvuŋ, i hin ngi li minjahha ta.
19Tapasa, a sa gi kaɓa mbur makil ti mobor,
ara ji hirnga ti luˀuf.
Naŋ mici ngi hay na,
haŋ kaw avu dalam ma na,
kaw a humbuɗaŋ.
20Hin ngi Bumbulvuŋ, a sa gi i hin ngi luvuŋ, i li minjahha ta,
i li mitimbiɗim, ko li njahha anta neˀ ta takwa?
Ɓi ngi huruk huruk mihiris le
21Zuɓa mulak kum vur ya na, i pura hiris le, i burɗa le.
Cikil kum ngi gi mezegweley na, i wuɗ cine ɓi nah mata.
22Da kum migikiy mikuli mizlam zlam wãˀa le,
waɗ mikuli ti gwat ngi migam kumoyo le na, ko ya mahiyĩ loŋ anta.
Mikuli kum magikiy di ti gwat misãmi muzlumburahay na, y'anta ɗuva hiri taˀ le ara ta.
23Dimis kum munguloŋ nguloŋ na, kiraham di kileŋ avu ya,
dungur kum ti gujuvuroyo y'anta wuɗ cin naŋ ta.
24Amma anja kiita mijeŋŋe a ɓul ka yam,
yo anja gi gwat mijeŋŋe a kiɗ mi ta, kaɓa mizaw mahisik yam ta.
25Israyeley, kum migam vi kukur mufaɗ a wuzlaɓuh mikirɗak kirɗak na,
ki gikiy mikulile ti gwat misãmi malla ti gwat ngi migam kumoyo kwa? 26Amma ki jijirama i Sikut, buy kum,
waɗ Kewaŋ, foto ngi kuli kumoy,
kuli wurzlaŋ kum,
kum miciɗaka ti ciɗ na takwa?
27Vurˀe, i sa jukum nga duba hirwuy Damas. Maɓi i ya mazilikiy:
Bumbulvuŋ, Buymisemuŋ misi gidaŋ wãˀ na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.