AMOS 4
4
1Kum madiya sla ngi Basaŋhay,
kum majiginam a muwã Samari,
ki ra zumaka gwat ngi mizli migeˀ irceceheye,
ki ra guzuvuraka misi murgahaya,
ki ɓaka zil kumoyo: «so ti gwat ngi si, sukum di.» 2Bumbulvuŋ a hudum le ti slimiɗ nga naŋ mipal na, a ɓi:
«Ani hin ara ndilawa avu kumo,
tapasa a sa jukum ti ngalumoy ka kilif, yo a sa jaka ziri ngi kwacay kumoyo ngik ngik ti ziwit misi slimiɗey. 3Ki sa bam tir mifiliw ngi walahaya,
mbur gar a sa kil, dibiɗ dir a mbuŋ naŋ,
kisa kilam kini ngir ti Hermoŋ.
I ya Bumbulvuŋ maɓi.
Sipi jiviɗ ngatara lambaˀ
4A ram nga Betel, mbiɗam hirnga avu ya a diga,
mbiɗam hirnga makaw mbeˀ mbeˀ avu ya a Gilgala,
prik prik na, gaka mikuli kumoyo
yo ar hin mimakir naŋ na, vulaka mukuruˀ ngi gwat kumoyo. 5Mikuli ti gwat ngi zum manja is ara na,
wuraka ngi hunuma Buymisemuŋ,
tilam mi ti ɓi vula gwat ngi mongoyo da mizli gar,
asi gwat kum mawuɗama i nah so takwa Israyeley.
I ya Bumbulvuŋ Buymisemuŋ maɓi.
Ɗaˀɗaˀ le kwana, i ngataraŋ
6Ar walahay madiɗa kumoy gar,
miga ɓa gwat ngi ci nga kwala anta na, i ya,
yo a hay kumoy gar ma na, miga ɓa milef rum anta kwana i ya.
Amma gar ti nah na, ki moko ng'avi ya ta.
I ya Bumbulvuŋ maɓi. 7Miga ɓa vuŋ a cici,
naɓa a ndir kiya makir ɓa sifi a gi na, i ya vuna si,
i ga vuŋ ar walahay mekeleme,
yo ar walahay numuŋ i ga ta,
guva mekelemey a lumam vuŋ le,
amma numuŋhoy ara muˀulom.
8Mizli ngir walahay cuw malla makir,
a ram ng'asi yam ar walahay mekeleme
manja a kiɗa taŋ madalyama.
Gar ti nah kwana, ki moko ng'avi ya ta na si.
I ya Bumbulvuŋ maɓi.
9I go jijihey wal wal da daw ngir guva kumoyo, a muˀulom, a zãˀãm.
Gwat ngir jarne kumoy ati gudubun kumoy,
ˀuruf kumoy waɗ tutumbur kumoyo,
birnjeɗek a zuma taŋ le pay.
Gar ti nah kwana, ki moko ng'avi ya ta na si.
I ya Bumbulvuŋ maɓi.
10I slino jiji mozorbono a wuzla kumo kaɓa migi zleˀe a Ezipte na,
i kiɗa gawla kumoyo le vagay vagay ti maslalam,
yo i tiɓa pilis kumoyo le,
yo zĩˀĩ ngi vagay ngi mizli misi ar walahay guɗuk kumo, aru sesẽŋ a hutuŋ kum.
Gar ti nah kwana, ki moko ng'avi ya ta na si.
I ya Bumbulvuŋ maɓi. 11I mbiɗa gwataya le pulaˀ pulaˀ gar a hay kumo,
kaɓa migi zleˀe a Sodom waɗ a Gomor na.
Kum zleˀe kaɓa misliŋ vu muɗuɗoko di le tir vu.
Gar ti nah kwana, ki soko ng'avi ya ta na si.
I ya Bumbulvuŋ maɓi.
12Vurˀe, gwat ya mawuɗ i guw di na,
kisa pura ti hiri ɗik so Israyel.
Naŋ kine, ka misina i sa gi ti kakanah na,
juw vu nga ji hirnga ti Buymisemuŋ ɗike so Israyel.
13Pura Mbur miga muwãhaya n'ani,
miga himiɗi,
gwat, naŋ maga gar na, a njika da mizli,
a tiri ti luvuŋ njahha,
maru di gi ar li ɗigar ngi si ruwuyoy,
a zilaka Bumbulvuŋ, Buymisemuŋ misi gidaŋ wãˀ.
Currently Selected:
AMOS 4: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
AMOS 4
4
1Kum madiya sla ngi Basaŋhay,
kum majiginam a muwã Samari,
ki ra zumaka gwat ngi mizli migeˀ irceceheye,
ki ra guzuvuraka misi murgahaya,
ki ɓaka zil kumoyo: «so ti gwat ngi si, sukum di.» 2Bumbulvuŋ a hudum le ti slimiɗ nga naŋ mipal na, a ɓi:
«Ani hin ara ndilawa avu kumo,
tapasa a sa jukum ti ngalumoy ka kilif, yo a sa jaka ziri ngi kwacay kumoyo ngik ngik ti ziwit misi slimiɗey. 3Ki sa bam tir mifiliw ngi walahaya,
mbur gar a sa kil, dibiɗ dir a mbuŋ naŋ,
kisa kilam kini ngir ti Hermoŋ.
I ya Bumbulvuŋ maɓi.
Sipi jiviɗ ngatara lambaˀ
4A ram nga Betel, mbiɗam hirnga avu ya a diga,
mbiɗam hirnga makaw mbeˀ mbeˀ avu ya a Gilgala,
prik prik na, gaka mikuli kumoyo
yo ar hin mimakir naŋ na, vulaka mukuruˀ ngi gwat kumoyo. 5Mikuli ti gwat ngi zum manja is ara na,
wuraka ngi hunuma Buymisemuŋ,
tilam mi ti ɓi vula gwat ngi mongoyo da mizli gar,
asi gwat kum mawuɗama i nah so takwa Israyeley.
I ya Bumbulvuŋ Buymisemuŋ maɓi.
Ɗaˀɗaˀ le kwana, i ngataraŋ
6Ar walahay madiɗa kumoy gar,
miga ɓa gwat ngi ci nga kwala anta na, i ya,
yo a hay kumoy gar ma na, miga ɓa milef rum anta kwana i ya.
Amma gar ti nah na, ki moko ng'avi ya ta.
I ya Bumbulvuŋ maɓi. 7Miga ɓa vuŋ a cici,
naɓa a ndir kiya makir ɓa sifi a gi na, i ya vuna si,
i ga vuŋ ar walahay mekeleme,
yo ar walahay numuŋ i ga ta,
guva mekelemey a lumam vuŋ le,
amma numuŋhoy ara muˀulom.
8Mizli ngir walahay cuw malla makir,
a ram ng'asi yam ar walahay mekeleme
manja a kiɗa taŋ madalyama.
Gar ti nah kwana, ki moko ng'avi ya ta na si.
I ya Bumbulvuŋ maɓi.
9I go jijihey wal wal da daw ngir guva kumoyo, a muˀulom, a zãˀãm.
Gwat ngir jarne kumoy ati gudubun kumoy,
ˀuruf kumoy waɗ tutumbur kumoyo,
birnjeɗek a zuma taŋ le pay.
Gar ti nah kwana, ki moko ng'avi ya ta na si.
I ya Bumbulvuŋ maɓi.
10I slino jiji mozorbono a wuzla kumo kaɓa migi zleˀe a Ezipte na,
i kiɗa gawla kumoyo le vagay vagay ti maslalam,
yo i tiɓa pilis kumoyo le,
yo zĩˀĩ ngi vagay ngi mizli misi ar walahay guɗuk kumo, aru sesẽŋ a hutuŋ kum.
Gar ti nah kwana, ki moko ng'avi ya ta na si.
I ya Bumbulvuŋ maɓi. 11I mbiɗa gwataya le pulaˀ pulaˀ gar a hay kumo,
kaɓa migi zleˀe a Sodom waɗ a Gomor na.
Kum zleˀe kaɓa misliŋ vu muɗuɗoko di le tir vu.
Gar ti nah kwana, ki soko ng'avi ya ta na si.
I ya Bumbulvuŋ maɓi.
12Vurˀe, gwat ya mawuɗ i guw di na,
kisa pura ti hiri ɗik so Israyel.
Naŋ kine, ka misina i sa gi ti kakanah na,
juw vu nga ji hirnga ti Buymisemuŋ ɗike so Israyel.
13Pura Mbur miga muwãhaya n'ani,
miga himiɗi,
gwat, naŋ maga gar na, a njika da mizli,
a tiri ti luvuŋ njahha,
maru di gi ar li ɗigar ngi si ruwuyoy,
a zilaka Bumbulvuŋ, Buymisemuŋ misi gidaŋ wãˀ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.