SLRA 3
3
Mbur kilbeɗe miɗiyi
1Ngi hin mekelem ada, ngi pas ngi ɓula away ngi hay na, Piyer ati Zaŋ ara jiɗam ng'ar hay ngi Bumbulvuŋ a Zeruzalem ɓa a diram dibiɗi. 2Mbur kilbeɗe ada miyakaŋ cak kine. Mizli a zuɓoko di, a soko di vur hin gar nga mizlingre mazilaka «Mizlingre Mezle», ɓa a suk gwat avu mizli macam ng'ar hay ngi Bumbulvuŋ vuna. 3Mbur tuwa mupura Piyer ati Zaŋ mawuɗ a cam ng'ar hay ngi Bumbulvuŋ tuwa na, a tumbulo taŋ ɓa a lum gwat avu taŋ. 4Akẽh na, Piyer ati Zaŋ a puraka cum cum, dar Piyer a ɓaŋ: «Pura ndra!» 5Joˀ mbur tuwa a pura taŋ lawwa, asi ara wuluk, ko mbri a sa lum gwat avu taŋ. 6Dar Piyer a ɓaŋ: «Ani, dala malla ɓiri tapasl tapasl anta avu ya ta, amma gwat ya misi ti naŋ na, yi vuluw di. Ti slimiɗ ngi Yesu Kristu ngi Nazarete, slikiɗ, a ru!» 7Dar Piyer a jaŋ kaw avu haŋ hazumo, a slikiɗaŋ pirtaˀ. Angi nah vuna si na, sar muhurmuso ati hiri sar ngi kilbeɗe tuwa a lumam gidaŋ le, 8a slikiɗ njar deŋ, ara rudigi. Joˀ a cam bumoˀ ati misliney tuwa ng'ar hay ngi Bumbulvuŋ. A ra ru, ara jiɗ ngbik ngbik bal ti hunuma Buymisemuŋ. 9Mizli gar a puraka na, ara ru, ara hunuma Buymisemuŋ. 10A sinakaŋ le gisiŋ, i mbur macifi ngi suko gwat a Mizlingre Mezle ngi hay ngi Bumbulvuŋ tuwa. Ɓi naŋ a zluwuna mizli haɗi, hã a ga taŋ welele teˀe.
Piyer mitil mi ti Ɓimezle ar hay ngi Bumbulvuŋ
11Mbur tuwa, anta pula ti Piyer ati Zaŋ mata. Joˀ mizli gar a kiloko ng'avi taŋ asi palak mazilaka Palak ngi Salomoŋ, asi ɓi naŋ a zuma taŋ hirnga le. 12Piyer mupura kahana na, a ɓa mizli: «Kum Israyeley, gwat migi hana, a zumukum hirnga vur mike? Ki ɗuvoko hiri mi puyõˀ ng'ar ndra ka? Miga mbur misenna ɓa aru na, i gidaŋ ndra ati sipi jiviɗ ndra kwa? 13Buymisemuŋ ngi Abraham, ngi Izak, ngi Zakop, Buymisemuŋ ngi dideˀ ndraˀahaya, a ga Gawla naŋ Yesu le ɗongor. Kum vuna, ki vulakaŋ da mizli madiɗahay ɓa a jakaŋ. Pilat a wuɗ pul naŋ le, amma kumo, ki wuɗakaŋ ta daˀ a mbuŋ naŋ vuna si. 14Mbur mipal, mbur mijeŋŋe, ki hizigakaŋ zloh avra. Dar ki cufuɗam ɓa a pulukum ngi kumo, i mbur mikiɗa hirnga jaka. 15Naŋ kine, Buy ngi siifa, kum mikiɗaka vagay na, Buymisemuŋ a slikiɗa le a muŋ ti wuzla mumucahaya. Ndr'i sedewo naŋhay. 16Mbur kum mapuraka ati kum misinaka hana, mbele tiɓi waɗ slimiɗ ngi Yesu, miɗiyaŋ ngbatak a mihiri kum gara, i tiɓa Yesu. 17«Sukum ɗuwoy, yi si na le, dambalaka kum ati mizli madiɗa kumoy gar na, ki gam tir manja sin naŋ. 18Buymisemuŋ a til mi ti ɓi nah le daf dumbuŋ, a ɓo di ti balam mijiviɗ naŋhay gar, a ɓi na: ‹sey Mesi naŋ a si bonoy seˀ le.› Migi na, i nah so. 19Mbiɗaka mevel kumoyo so, moko ng'avi Buymisemuŋ, ɓa a puya mungra kumoy avra, 20ɓa tapas Bumbulvuŋ masa slino Kristu, Yesu, naŋ muwunukum di nah na, a sa vulukum muska vu. 21Sey Yesu Kristu a cifi a muŋ a diga ɗagay, hã a ndila pas ngi Buymisemuŋ masa ɗiya hiri ngi gwataya gar nawayahay, kaɓa naŋ miɓa ɓi naŋ zleˀe ti balam mijiviɗ naŋhay mipal. 22Dumbuŋ zleˀe, Moyis ɓi na: ‹Bumbulvuŋ, Buymisemuŋ a sa slinukum mijiviɗ misi kaɓa ya, a sa bo ti wuzla kum vuna si. Ki sa cinaka mingiɓi naŋ, naŋ masa ɓukum di gar. 23Mbur gar masa cine mingiɓi ngi mijiviɗ nah ta na, a sa gwahakaŋ avra ti wuzla mizli ngi Buymisemuŋhoyo, yo a sa kiɗaka vagay.› 24Mijiviɗey gar asi cala asi cala, zle avu Samuyele, taŋ kwana a tilam di i mi ti ɓi ngi hin ndra misi anga dana na. 25Ziri ngi mijiviɗey waɗ ngi jumoˀay ngi Buymisemuŋ ati dideˀ kumoy na, i kum vuna. Ti naŋ miɓa Abraham: ‹I sa ɗuwula mi da sukwi ngi mizli gar tisi ziri ɗikey› na, i kum vuna. 26Buymisemuŋ mubo ti Gawla naŋ na, a slino di dumbuŋ da kum, ɓa a ɗuwulukum mi, a mbuɗo hiri kum tivu mungraˀahaya, purla purla gar ng'avaŋ.»
Currently Selected:
SLRA 3: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
SLRA 3
3
Mbur kilbeɗe miɗiyi
1Ngi hin mekelem ada, ngi pas ngi ɓula away ngi hay na, Piyer ati Zaŋ ara jiɗam ng'ar hay ngi Bumbulvuŋ a Zeruzalem ɓa a diram dibiɗi. 2Mbur kilbeɗe ada miyakaŋ cak kine. Mizli a zuɓoko di, a soko di vur hin gar nga mizlingre mazilaka «Mizlingre Mezle», ɓa a suk gwat avu mizli macam ng'ar hay ngi Bumbulvuŋ vuna. 3Mbur tuwa mupura Piyer ati Zaŋ mawuɗ a cam ng'ar hay ngi Bumbulvuŋ tuwa na, a tumbulo taŋ ɓa a lum gwat avu taŋ. 4Akẽh na, Piyer ati Zaŋ a puraka cum cum, dar Piyer a ɓaŋ: «Pura ndra!» 5Joˀ mbur tuwa a pura taŋ lawwa, asi ara wuluk, ko mbri a sa lum gwat avu taŋ. 6Dar Piyer a ɓaŋ: «Ani, dala malla ɓiri tapasl tapasl anta avu ya ta, amma gwat ya misi ti naŋ na, yi vuluw di. Ti slimiɗ ngi Yesu Kristu ngi Nazarete, slikiɗ, a ru!» 7Dar Piyer a jaŋ kaw avu haŋ hazumo, a slikiɗaŋ pirtaˀ. Angi nah vuna si na, sar muhurmuso ati hiri sar ngi kilbeɗe tuwa a lumam gidaŋ le, 8a slikiɗ njar deŋ, ara rudigi. Joˀ a cam bumoˀ ati misliney tuwa ng'ar hay ngi Bumbulvuŋ. A ra ru, ara jiɗ ngbik ngbik bal ti hunuma Buymisemuŋ. 9Mizli gar a puraka na, ara ru, ara hunuma Buymisemuŋ. 10A sinakaŋ le gisiŋ, i mbur macifi ngi suko gwat a Mizlingre Mezle ngi hay ngi Bumbulvuŋ tuwa. Ɓi naŋ a zluwuna mizli haɗi, hã a ga taŋ welele teˀe.
Piyer mitil mi ti Ɓimezle ar hay ngi Bumbulvuŋ
11Mbur tuwa, anta pula ti Piyer ati Zaŋ mata. Joˀ mizli gar a kiloko ng'avi taŋ asi palak mazilaka Palak ngi Salomoŋ, asi ɓi naŋ a zuma taŋ hirnga le. 12Piyer mupura kahana na, a ɓa mizli: «Kum Israyeley, gwat migi hana, a zumukum hirnga vur mike? Ki ɗuvoko hiri mi puyõˀ ng'ar ndra ka? Miga mbur misenna ɓa aru na, i gidaŋ ndra ati sipi jiviɗ ndra kwa? 13Buymisemuŋ ngi Abraham, ngi Izak, ngi Zakop, Buymisemuŋ ngi dideˀ ndraˀahaya, a ga Gawla naŋ Yesu le ɗongor. Kum vuna, ki vulakaŋ da mizli madiɗahay ɓa a jakaŋ. Pilat a wuɗ pul naŋ le, amma kumo, ki wuɗakaŋ ta daˀ a mbuŋ naŋ vuna si. 14Mbur mipal, mbur mijeŋŋe, ki hizigakaŋ zloh avra. Dar ki cufuɗam ɓa a pulukum ngi kumo, i mbur mikiɗa hirnga jaka. 15Naŋ kine, Buy ngi siifa, kum mikiɗaka vagay na, Buymisemuŋ a slikiɗa le a muŋ ti wuzla mumucahaya. Ndr'i sedewo naŋhay. 16Mbur kum mapuraka ati kum misinaka hana, mbele tiɓi waɗ slimiɗ ngi Yesu, miɗiyaŋ ngbatak a mihiri kum gara, i tiɓa Yesu. 17«Sukum ɗuwoy, yi si na le, dambalaka kum ati mizli madiɗa kumoy gar na, ki gam tir manja sin naŋ. 18Buymisemuŋ a til mi ti ɓi nah le daf dumbuŋ, a ɓo di ti balam mijiviɗ naŋhay gar, a ɓi na: ‹sey Mesi naŋ a si bonoy seˀ le.› Migi na, i nah so. 19Mbiɗaka mevel kumoyo so, moko ng'avi Buymisemuŋ, ɓa a puya mungra kumoy avra, 20ɓa tapas Bumbulvuŋ masa slino Kristu, Yesu, naŋ muwunukum di nah na, a sa vulukum muska vu. 21Sey Yesu Kristu a cifi a muŋ a diga ɗagay, hã a ndila pas ngi Buymisemuŋ masa ɗiya hiri ngi gwataya gar nawayahay, kaɓa naŋ miɓa ɓi naŋ zleˀe ti balam mijiviɗ naŋhay mipal. 22Dumbuŋ zleˀe, Moyis ɓi na: ‹Bumbulvuŋ, Buymisemuŋ a sa slinukum mijiviɗ misi kaɓa ya, a sa bo ti wuzla kum vuna si. Ki sa cinaka mingiɓi naŋ, naŋ masa ɓukum di gar. 23Mbur gar masa cine mingiɓi ngi mijiviɗ nah ta na, a sa gwahakaŋ avra ti wuzla mizli ngi Buymisemuŋhoyo, yo a sa kiɗaka vagay.› 24Mijiviɗey gar asi cala asi cala, zle avu Samuyele, taŋ kwana a tilam di i mi ti ɓi ngi hin ndra misi anga dana na. 25Ziri ngi mijiviɗey waɗ ngi jumoˀay ngi Buymisemuŋ ati dideˀ kumoy na, i kum vuna. Ti naŋ miɓa Abraham: ‹I sa ɗuwula mi da sukwi ngi mizli gar tisi ziri ɗikey› na, i kum vuna. 26Buymisemuŋ mubo ti Gawla naŋ na, a slino di dumbuŋ da kum, ɓa a ɗuwulukum mi, a mbuɗo hiri kum tivu mungraˀahaya, purla purla gar ng'avaŋ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.