SAMUYEL MUDUMBUŊ NAŊ Ɓi madiɗa madiɗa ngi raˀa
Ɓi madiɗa madiɗa ngi raˀa
A zilaka ɗerewol mudumbuŋ ngi Samuyel hana ati mijinga naŋ ti slimiɗ ngi mijiviɗ Samuyel vuna. Samuyel i mbur ngi durba wãˀ ngi wuzla migi kiitahay. Taŋ migi kiitahaya, Buymisemuŋ a vula taŋ da mizli naŋhay, ti hin ngi bonoy muluma taŋ le. Samuyel a ga slra naŋ muwal wal cuwo le, i slra ngi wi mizli ati ngi sipi jiviɗi. Ti hin nah na, Israyeley a wuɗam mbiɗa ɓi macuh ar sukwi taŋ, ɓa a ndir kaɓa ngi sukwi mekelemey gar aya (sap 1-7). Israyeley a wuɗam na, anja mbur joˀ ar wala taŋ, ɓa a wa taŋ ndrehhe, a funa «migi kiitahay» majinaka taŋ bulaw bulaw na le. Samuyel a ngum tiɓa ɓi nah wãˀ zleˀe ta, amma ti nah gar na, mizli Israyeley a cufuɗakaŋ le, yo Buymisemuŋ kwana a pulaŋ jiviɗ nah le, ɓa a cufa taŋ buy madiɗa, i mbur mazilaka Sawul (sap 8-10). Sawul tuwa mizik ta si na, a cifi teŋteŋ avu Buymisemuŋ ta, mbak Buymisemuŋ a muɗa haŋ naŋ ceɗ ava (sap 11-15). Akẽh na, Buymisemuŋ a wina Davit, mangal gawla, ɓa masa zuɓa li ngi Sawulo tumbuŋ i naŋ. Dar Davit a ci ar slra ngi Sawulo, a sirik ti cifi ngi mamay buyo. A dirba nah, Davit a kil, asi Sawul muwuɗ kiɗ naŋ vagay. Sapitr 16-30 na, a biga ndra Sawul mahĩhĩy ti hĩhĩy, yo Davit maru ti gidaŋ nga mbuŋ nga mbuŋ. Ɗerewol hana a kiɗ mi ti ɓi ngi muc ngi Sawul ati ngi ziri naŋ mizilehey, ar vurum ati Filistihey (sap 31). Ɗerewol misenna ara biga ndra di na, Buymisemuŋ, buy madiɗa ngi mizli naŋhay i naŋ pal naŋ. A wuzla mizli tayna, ɓa mbur a gi slra ti gidaŋ mijeŋŋe ngi wi mizli gu na, sey da naŋ vuna mitiɓa le kuy kuy wãˀ ngi hin hirnga a mbuŋ gidaŋ mupurla ngi Buymisemuŋ na far.
Currently Selected:
SAMUYEL MUDUMBUŊ NAŊ Ɓi madiɗa madiɗa ngi raˀa: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.