2 Corintios 13
13
1Tanimu xanhari niraxamkia cha jinguni, tsímani o tanimu uandantsticha jimbo méntkuchi sési péntaka indeni ambe. 2Arhispkaksïnia engani nípka, ka iásïjtuksïni ixu jatini arhixaka, eskani nóma k'amanharhintstini ísku exeaka, 3ekajtsï uéjka míteni eskani ji Krístu jimbosïni uandajka, chájtsï p'ikuarheraaka eska imeri uinhapekua no sapichu ambeska. 4Nájkiruka k'uiripueni cháparhatanhaka no uarhiri pakarasti, Diósïri uinhapekua jimbo tsípiti jarhasti. Jucha engani májkueni nósesi kánhani jaka, juchajtuni tsípekua jatsiaka ima jinguni Diósïri uinhapekua jimbo.
5Ts'éjkukorhe je ka exeni náxantsï jakajkuxaki. ¿Andi nójtsï míteski eskajtsï Jesukristueriska? ¿Ójtsï tsîrhukuskia? 6Mintsikaxaka eskajtsï exeaka eskani jucha sési jámaxaka. 7Kómarhixakachi Diósïni eskajtsï cha no nósesi jámani jaka; no jimbokani jucha sési pakarakuekani jaka, jurajkue xarharani eskaksïni no úska sési arhistacheni, cha sési jáma je, 8xarhantaati ambe enga ísïka, nóchi úaka támisï páni. 9Jucha tsípesïnga ekajtsï cha uinhapentajka no arhiparini eka juchari uinhapekua no xarharamaaka; kómarhixakachi eskajtsï iámu sési kurhaguaka. 10Jimboksïnisï ixu uératini karakacheni jaka, nóksïni uéksïnga jima uinhamarhecheni jarhani, Diósïri uinhapekua jarhojpetarakuesti nóchi úaka arhirpetarani.
11Jimajkani tatecha ka nanecha, Diósïri p'amsperata ka sési jakua cha jinguni jauati ekajtsïni sési kurhajchaska ka jarhojperantsï ka sésijtsï pájperani. 12Sési uandajpera je. Iámendu jakajkutichaksïni ixu uératini uandajperata ma axachexati.
13Acha Jesukristueri kóntperakua ka Diósïri p'amsperakua ka Espiritu Sántueri jarhojperakua chánksïni jinguni jaue.
Currently Selected:
2 Corintios 13: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.