1 Tesalonicenses 1
1
Uandajperata
1Páblu, Silbanu ka Timoteo uandajperakuaksïni axachexaka, iámendu chánksïni engajtsï Tesalonika anapueka ka engajtsï jakajkujka, engajtsï Diósï Táte ka Jesukristuni jinguni jámani jaka. Eskaksïni Diósï kóndeni jaka ka eskaksïni sési jakua íntskuni jaka.
Diósï maiamu arhijperantskua
2Jucha chári jimbo, Diósïni méntkisï diósïmaiamu arhintaxaka, ka míasïngaksïni engachi uandamukukorheni jarhajka. 3Diósïni japarinchi, enga juchari Táteka, méntku míantani jarhasïnga cha na enga xáni sési jakajkujka, ka na engajtsï xáni xénhchpejka, ka na engajtsï xáni mintsikani jaka eska Jesukristu junguaaka. 4Erachicha, engaksïni Diósï xáni xénhchajka, míteskachi eskajtsï erakukateska. 5Jimbokaksïni juchari ambakiti aiangperakua no uandakua jimbojkusï janocheka, Diósïri uinhapekuanksïni xarhatacheska ka Espiritu Sántueri úkuajtuksïni xarhatecheska, jimbokajtsï sési míteska, jucha chánksïni xáni xénhchani néna jámaski, engachi cha jinguni jámani jápka.
6Na uéjkijtsï nósesi ambe nitamanchaka, chájtsïni juchantsïni ka Achani ts'éndachentaxaka, kánekua tsípekua jinguntsï jiókorheska uandakuani engaksïni Espiritu Sántu íntskuka. 7Xáni sésijtsï jámaska enga iámu Masedonia ka Akaia ísï anapu jakajkutichani marhuakuani jaka. 8Jimboka cha uénaska, ka iámendu mítenhastia Acheri uandakua ka no Masedoniajku ka Akaiajku, iápurusï mítekorhetia, cha Diósïni na enga xáni káneka jakajkuka, jamberi nóteru uétarhesïndia eskani jucha uandantaaka. 9Jamberiksï ima uandantasïndi jucha néna engani niáraka cha jinguni ka néna enga cha jurajkuakia diósï eratakatechani ka néna engajtsï uénaka Diósï tsípitini jakajkukuni ka marhuakuni, imani enga ísïka, 10ka mintsikani jarhantsï eska Jesusi auandarhu uératini k'uanhatseaka, Diósï Uájpa, ima enga tsítantaka ka engajtsïni ikimperakuarhu p'íjpantaaka enga jurhani jaka.
Currently Selected:
1 Tesalonicenses 1: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.