Esekiel 1
1
Esekieli ǂguro ai-i Elob xa hâ-i
1:1—7:27
Elob di trons
1 #
ǂHai. 19:11
ǃNonadisiǁî kurib#1:1 ǃNonadisiǁî kurib: Mâ kurib ǁga i ra ǁnaeǁgaus ge a ǀūsa. ǃnâ, koroǁî tsēs hakaǁî ǁkhâb dis ai ta ǃkhōsaben ǁaegu Kebarǃāb tawa hâ hîab ge ǀhomma ge ǁkhowa-amsen tsî ta ge Elob di ai-e ge mû. 2#2Gao. 24:10-16; 2Kro. 36:9-10Koroǁî tsēs ǁkhâb dis ai, Gao-aob Jojakinni koro kuriga ǃkhōsis ǃnâb hâ hîas 3ge ǃKhūb mîsa Busi ôab prister Esekieli tawa ge hā, Xaldeaǁîn di ǃhūb Kebarǃāb tawa ǁgoeb ǃnâ; tsîb ge ǃKhūb ǃomma ǁnāpa ǁîb ai ge hâ i.
4Kō ta ra hîas ge ǁkhō ǂoasa ǀapasǀkhāba xu ge hā, tsîs ge kai ǃâus, ǂnamipeb âs gere ǂkhais tsî ǀû tamase gere nani ǀaes, ǁîs ǁaegub ǃnâ i brons-i khami ra ǂkhai xū-e hâsa ge hâ i. 5#ǂHai. 4:6ǁÎs ǁaegu i ge haka ûitsama kurusabegu khami ī xū-e ge hâ i. ǁÎgu ge khoe-i khami ge ī i. 6Mâb hoab ge haka aidi tsî haka ǁgabogu tsîna ge ūhâ i. 7ǁÎgu ǀnūgu ge ge ǂhanu i tsî ǂaiǃnāgu ge tsâu-i ǁkhoradi ǃnakab khami ge ī i; tsî gu ge ǂkhaiǂkhaihe hâ brons i khami gere napa. 8ǁÎgu ge khoeǃomga ǁgabogu ǃnaka, hoa haka ǀkhāgu ai ge ūhâ i. Tsî ǁnā-amaga gu ge haka kurusabega ǁîgu aidi tsî ǁgabogu tsîna ge ūhâ i: 9ǁÎgu ǁgabogu ge gere tsâǀkhāgu; mâb hoab ge ǂhanuse, unusen tamase ge ǃgû.
10 #
Ese. 10:14; ǂHai. 4:7 ǁÎgu aidi di īb ǃoa gu ge hakaga mâb hoaba khoe-i aisa aisǀkhāb ai ge ūhâ i, xammi di aisa amǀkhāb ai, gomab di aisa ǁareǀkhāb ai tsî ǁkhāti ǃariǃkhās di ais tsîna; 11ǁîgu aidi ge ǁnāti ge ī i. ǁÎgu ǁgabogu ge ǀgapise ge ǃāǂuisa i; mâb hoab ge ǀgam ǁgabokha#1:11 ǀgam ǁgabokha: Hebregowab ge ǁÎgu aidi tamas ka io ǁîgu ǁgabogu ti ūhâ. ge ūhâ i, ǀguib di ǁgabob ge naub di ǁgaboba gere tsâǀkhā, ǀgamkha ge ǁîgu sorode gere ǃgū-ai. 12Mâb hoab ge ǃoa gere aiǃgû; gagab ra ǃgû ǃkhai-i hoa-i ǁga, ǃgû gu garu daoba xu ǁgôa tamase.
13Ûitsama kurusabegu ǁaegu#1:13 ǁAegu: Hebregowab ge khami ī ti ūhâ. i ge xū-e ge hâ i khau ra ǂnomdi ǀaes didi khami ī-e, ǃamǀaedi ûitsama kurusabegu ǁaegu ra gondi khami; ǀaes ge ǃgāsase gere ǃnâ tsî ǀaesa xub ge napaba gere hā. 14Napab di nanib khami gu ge ûitsama kurusabega nēpas, naupas ti gere napa.
15 #
Ese. 10:9-13
Ûitsama kurusabega ta ge kō, o ta ge ǀnūsa ǃhūb ai ûitsama kurusabegu xōǀkhā ge mû, mâb hoab xōǀkhās ge ǀnūsa ge hâ i.#1:15 1:11 Tawa sī kō re. 16Nē ǀnūdi īb tsî kuruǀgaub ge ǃgomǀgausa turkoesǀuis khami ge ī i, tsî di ge nē ǀnūde ǀguiti ge ī i tsî ǁîdi ge ǀnūs ǀnî ǀnūs ǃnâ kuruǂgāsa khami ge ī i. 17Gon di ga, o di ge mâ ǀkhāb hoab haka ǀkhāgu dib ǃoa gere ǃkhoe, garu di a ǀkhāba xu dabasen tamase. 18#ǂHai. 4:8ǁÎdi ǀnūǀuridi ge gaxu tsî ǃaorosa ge i, haka ǀnūǀuridi hoadi ge hoaraga ǂnamipeb âdi ai mûde ūhâ i xui-ao. 19Ûitsama kurusabegu ga ǃgû, o di ge ǀnūdi tsîna ǁîgu xōǀkhā gere ǃkhoe tsî ǁîgu ga ǃhūba xu khâi, o di ge ǀnūdi tsîna gere khâi. 20Gagab ra ǃgû ǃkhai-i hoa-i ǁga di ge ǁîdi tsîna gere ǃgû tsî di ge ǀnūde ǁîgu ǀkha gere khâimâ; ûitsama kurusabegu di gagab ge ǀnūdi ǃnâ hâ i xui-ao. 21ǁÎgu ga ǃgû, o di ge ǁîdi tsîna gere ǃkhoe; ǁîgu ga mâ, o di ge ǁîdi tsîna gere mâ tsî ǁîgu ga ǃhūbaiba xu khâi, o di ge ǀnūdi tsîna ǁîgu ǀkha gere khâi, ûitsama kurusabegu di gagas ge ǀnūdi ǃnâ hâ i xui-ao.
22 #
ǂHai. 4:6
Ûitsama kurusabegu di danadi ǂamai i ge xū-i, ǃāǂuisab khami ī-e ge hâ i, ǂkhai ra kristal-i khami ge ǁîgu danadi ǀgapiga khoraǂuisa i-e. 23ǃĀǂuisab ǃnaka gu ge ǁîgu ǁgaboga ǂhanuse ge khoraǃāsa i, mâb hoaba naub ǃoagu; tsî mâ kurusabeb hoab ge ǁîb sorosa ra ǃgū-ai ǁgabokha ge ūhâ i. 24#ǂHai. 1:15; 19:6ǁÎgu ga ǁkhana, o ta ge ǂgui ǁgamgu di ǀōb xase ǁîgu ǁgapogu ǀōba gere ǁnâu, Hoaǀgaixab di ǃgurub tamas ka io toroǂnubis di ǀōb khami. ǁKhanaǀû gu ka, o gu ge ǁgabogu âga gere ǃgam. 25O i ge dom-e ǁîgu danadi ǂamai hâ ǃāǂuisaba xu gere hā; ǁkhanaǀû gu ka, o gu ge ǁgabogu âga gere ǃgam.
26 #
Ese. 10:1; ǂHai. 4:2-3 Tsî ǁîgu danadi ǂamai hâ ǃāǂuisab ǀgapise i ge tron-i khami ī xū-i, ǃgomǀgausa safirǀui-i khami ra mûsen-e ge hâ i. Trons ai i ge khoe-i khami gere mûsen xū-e ge ǂnôa i. 27#Ese. 8:2O ta ge kamanab âb ǀgapise brons-i ǂkhaiba ūhâ xū-e ge mû. ǁÎb kamanab ǃnakab ai ta ge ǀae-i khami ī xū-e ge mû, tsî ǁnāpab ge ǁîb ǂnamipe ǂkhai ra ǃnâba ge hâ i. 28ǀApi ra ǀnanub ǃâudi ǃnâb ǀapiǃhanaba ǂgui ǀûga ra ǁgauǂui, khamib ge ǁîb ǂnamipe hâ ǂkhaiba ge ī i. Nēs ge ǃKhūb di ǂkhaisib ge ī i ǀgausa.
Elob ge Esekiela kēbo-aosis ǃoa ra ǂgai
Nēsa ta ge mû, o ta ge ais âtas ai ge ǁnāǁgoe. Tsî ta ge khoe-i dom-e ge ǁnâu,
Currently Selected:
Esekiel 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.