Esekiel ǂGAEǂGUIǂGĀS
ǂGAEǂGUIǂGĀS
Esekieli ge Nebukadnesari xa ge 597ǁî kurib ǃnâ Babilons ǃoa ūǃgûhe Jodeǁîn ǁaegu ge hâ i, tsîb ge ǃkhōsis ǃnâb hâ hîa kēbo-aose ge ǂgaihe (1:1-3). ǁÎb ge gaoǁgâusa xub ge hâ i xui-ao pristersi ǃoabas ǃaroma ge mā-amhe hâ i. Esekieli ge hara ǂans ǁîb ǃhaoǃnāsib ǀguib xa tama i tsî hoaraga ǃhūbaib xa hâs tsîna ge ūhâ i. Jerusalems nî ǀgoraǃgâhe tsî hîkākāhe ǃkhaisab ge ǃKhūb xa ǂanǂanhes (24:1-14) khaoǃgâb ge Esekiela ǁîb di ǀnamsa taras nî ǁō ǃkhaisa ge mîbahe. Jerusalems di ǁnās di ǂhôas ra hā ǁaeb aib ge Esekiela ǁkhaeǂgaos tsî ǃâubasens di ǂhôasa Israelǁîna nî aoǁnâba.
Esekieli ge ǂguro danaǃâsa xu ǀuni danaǃâs kōse Elob di gaosiba ra ǁgauǂui. Nē gaosis ǃnâ-ūb ge Eloba ǂanhe tsîb nî ǂanǃgâhe ǃkhaisa ra mîǀgui. Elob ge a ǃnorasa ǁîb khoena ǀgoraǃgâsa tsî ǁkhāti ǁîna ǁîb ra ǂgao ǁaeb ai ǀkhomsa. ǁÎb di ǀgoraǃgâs Israelǁîn ǃoagu hâs ge ǁîb di ǀkhomma ra ǁgauǂui.
Esekieli ǂkhanis ge sao ra ǀgaub ai a ǀgoraǂgāsa: (1) Israelǁîn ǃoagu hâ ǂhôas, (2) ǁaedi ǃoagu hâ ǂhôas, tsî (3) Israelǁîn di ǁkhaeǂgaos. Xaweb ge nē saogub tsî xoaǀgauba Esekieli di ǂkhanis ǃnâ ǃnāsase a ǃgāsa. Nē ǂkhanis ǃnâb ge kēbo-aob Esekiela mâtib Eloba a ǁaixa, xaweb a ǀkhomxaǂgao ǀgausa ra ǂhaiǂhai.
ǃKhōǂgāb
Kēbo-aob di ǂgaihes 1:1—3:27
Jerusalems ǂama hâ ǂhôas 4:1—24:27
ǀŪbe ǁaedi ǂama hâ ǀgoraǃgâs 25:1—32:32
ǃGaeǀhaos ǁaes di orehes 33:1—37:28
Gogi ǃoagu hâ kēbos 38:1—39:29
ǀAsa Tempeli tsî ǃhūb xa hâ ai-i 40:1—48:35
Currently Selected:
Esekiel ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.