Markub ǂGAEǂGUIǂGĀS
ǂGAEǂGUIǂGĀS
Markub ǃGâiǂhôas ge “Jesub Xristub,* Elob Ôab xa hâ ǃGâiǂhôas” ti hâ ǃnurib ǀkha ra tsoatsoa. Jesub ge ǁkhāsib tsî dīb di khoeb ase ra ǁgauǂuihe. ǁÎb ǁkhāsib ge ǁîb di ǁkhāǁkhās, ǁîb di ǀgaib ǁgâuagu* ǂamai hâb tsî khoen di ǁorena ǀûbas tsîn ǃnâ a mûhesa. Jesub ge Khoen Ôab, khoena ǁîn di ǁorena xu nî ǃnoraǃnorase ge hāb ase ǁîb xa ra ǃhoa.
Markub ǃGâiǂhôas ge Jesub di ǂhôasa ǃoaǃū tsî ǀgaisa ǀgaub ǃnâ ra mâi-aiǃâ. Jesub ra dī xūn ge ǃnāsase ǁîb di mîdi tsî ǁkhāǁkhādi xa ra mâǂoa. ǃNubu ǂgaeǂguiǂgās Johaneb ǁĀǁnâ-aob tsî Jesub di ǁāǁnâhes tsî ǃâitsâhes xa hâs khaoǃgâb ge xoa-aoba ǁnātimîsi Jesub sîǂuis sîsenni, ǂuruǂurus tsî ǁkhāǁkhās diba ra ǃhoaǂam. ǁAeb ra hā khamin ge Jesub saoǃgonaona ǁîba ǃgâise gere ǁnâuǃātsoatsoa, xawen ge Jesub mâǃoa-aona ǃaruǀîǀgui khāb xa gere ǀoa. ǀUni danaǃâs ge Jesub ǃhūbaisi ûib di ǃnaeǃkhaidi tsî ǀuni wekheb ǃnâ gere ī xūn xa ra ǃnuri, ǃgōsase ǁîb di ǃgâuhes tsî khâis tsîra xa.
ǀGam ǀuni ǀamǀamra nē ǃGâiǂhôas ra ǀamǀam-ūhera, ǁkhamkha ǃnâ a xoasara ge hoaǃnā-aixase xoa-aob Markub xas ose, xawe ǀnî khoe-i xa ge xoahese ra ǃgapaǀîhe.
ǃKhōǂgāb
ǃGâiǂhôas di tsoatsoas 1:1-13
Jesub di ǂhaisa ǁkhāǁkhās, Galileab ǃnâ 1:14—9:50
Galileaba xu Jerusalems ǃoa 10:1-52
Jesub di ǀuni wekheb Jerusalems tsî ǀgūseb ǃnâ 11:1—15:47
Jesub di khâis 16:1-8
Khâi hâ ǃKhūb di ǂhais tsî ǀhomǃapas 16:9-20
Currently Selected:
Markub ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.