Mateub 2
2
Gā-ai ǀgamiroǂansegu di hās
1Jesub ge gao-aob Herodeb di ǂgaeǂguis ǁaeb ǃnâ, Judeaǀkharib ǃnâ ǂnôa ǃās Betlehams ǃnâ ge ǃnae. ǁNā ǁaeb ǃnâ gu ge ǀnî gā-ai ǀgamiroǂansega#2:1 ǀgamiroǂansega: Grikegowab ǃnâ i ge Magi ti a xoasa. aiǂoas ǃhūga xu Jerusalems ǃoa dîǃnâ rase hā tsî 2“ǀAse ǃnae hâ gao-aob Jodeǁîn diba mâpab hâ? ǁÎb di ǃnaesa ra ǂhôa ǀgamirosa ge ge ǂoaxas rase aiǂoas ǃnâ go mû, o ge ge ǁîba nî ǀgoreǀîse go hā” ti ge mî.
3Gao-aob Herodeb tsî hoaraga Jerusalems khoen ge kaise ge ǂâiǂhansen ǁnāti ī dîǃnâdi xa. 4Tsîb ge Herodeba ǃnoeaǃnauxase Moseb ǂhanub* di ǁkhāǁkhā-aogu tsî danapristergu tsîga ǂgaiǀhao tsî ǁîga ge dî: “Mâpab Xristuba* ǃnae hâ ti ra mî kēbo-aoga?”
5O gu ge ge ǃeream: “Betlehems Judeaǀkharib ǃnâ ǂnôas ǃnâ. Nēti kēbo-aob xa xoahe hâ amaga:
6 #
Mix. 5:2; 2Sam. 5:2 “ ‘Tsî sas, Betlehems Judab ǃhūb dis,
ge tātsē Judab di ǂgaeǂgui-aogu ǃnâ ǂkhari tama hâ.
Sasa xub ǂgaeǂgui-aob,
ti Israelǁîna
ǃûi-aob ase nî ībaba nî hā amaga.’ ”
7Herodeb ge ǀgamiroǂansegu ǀkha ǂganǃgâsib ǃnâ ǂnûsa ūhâ tsî gere ǂanǂui ǂgao, mâǁaeb ǂûb ai gu ge nē ǀgamirosa mû ǃkhaisa. 8ǁÎb ge ǁgui-aisa mā gu tsî “ǃGû Betlehemsa ǃoa, î ǂōrisase sī nē ǀgôaroba ôa. Tsî hō bi go kao, oahā î mîba te, î ta tita tsîna sī ǀgoreǀî bi!” ti ge mî.
9ǀGamiroǂansegu ge gao-aob ǀkha gu ge ūhâ i dîǃnâǃhoaǁares khaoǃgâ ge ǃgû. ǁKhawas ge nē ǀgamirosa aiǂoas ǃnâ ǂhai tsî Betlehems ǃoa ǁnū gu tsî ǀgôarob ǁgoe ǃkhaib ǂamǃnâ sī ge mâ. 10Tsî ǀgamirosa gu ge mû, o gu ge kaise ge ǃgâiaǂgao! 11ǁÎgu ge ǀgôarob tsî ǁîb îs Marias tsîra hâǃnâ oms ǃnâ ǂgâ tsî ǁîb aiǃâ ǃhonǁgoa tsî ge ǀgoreǀî bi. Tsî gu ge ǁuiǂgaede ǁkhowa-am tsî ǃhuniǀurib, wiroki#2:11 Wiroki: ǂHubihe tsî ra ǀanǀanhe ǃgâihamxū-i. tsî miren#2:11 Miren: Hairan khami ī ǃgâihamxūn. tsîna ge ǀkhae bi. 12Elob ge ǁhapos ǃnâ ǁîga Herodeb ǁga oasa ge ǃkhâikhom tsî gu ge oaǁaeb ge ǀoa, o ǀkhara daoba ge ū.
Egipteb ǃoa ǃhūs
13Tsî ǀgamiroǂansegu ge ǁarus khaoǃgâb ge ǀhomǃgāb ǃKhūb diba Josefa ǁhapos ǃnâ ǂhai tsî ge mî: “Khâi îts ǀgôarob tsî ǁîb îs tsîra ū tsî Egipteb ǃoa ǃhū, î mîba tsi ta nî tsēs kōse ǁnāpa hâ, gao-aob Herodeb ǀgôaroba ra ǃgam ǂgao xuige.” 14ǁNā tsuxub ǃnâb ge Josefa, ǀgôarob tsî ǁîb îs, Marias tsîra ū tsî Egipteb ǃoa ǃhū, 15#Hos. 11:1tsî gao-aob Herodeb di ǁōtsēs kōse ǁnāpa ge hâ. Nēs ge, ǃKhūb ge kēbo-aob ǃnâ-u mîn hoan nî dīǀoaǀoahese ge ī. Nēti ra mîsa: “Tita ge ti Ôaba Egipteba xu ge ǂgaiǂui.”
Aore ǀgôarogu di ǃgamhes
16Gao-aob Herodeb ge ǂan ǀgamiroǂansegu xab ǀhôagaoǃnâhe hâ ǃkhaisa ob ge kaise ge ǀara. ǁÎb ge toroǃkhamaoga ge sîǂui, î gu Betlehems tsî ǂnamipeb ǃnâ hâ ǀgam kurixa tsî ǁnās ǃnaka hâ axarogu hoaga ǃgam. ǀGamiroǂansegu ǁaeb ǃoab ge gere ǃgôaǃgôa. 17Gao-aob Herodeb di ora dīgu, kēbo-aob Jeremiab ge kēbogu ge ge dīǀoaǀoahe:
18 #
Jer. 31:15
“Dom-i ǃoaxase ra ā tsî ǃoa-i
ge Ramas ǃās ǃnâ ge ǁnâuhe.
Raxels ge ǁîs ôana ra āba,
tsî ǁkhaeǂgao kaisen ǂgao tama hâ,
ǀkhain a amaga.”
Nasarets ǁga ǁaru-oas xa
19Tsî gao-aob Herodeb ge ǁō, ob ge ǀhomǃgāb ǃKhūb diba Egipteb ǃnâ Josefa ǁhapos ǃnâ ǂhai tsî ge mîba: 20“Khâi î ǀgôarob tsî ǁîb îs tsîra ū, î Israelǁîn ǃhūb ǃoa ǁaru, ǁnān ǀgôarob ûiba gere ôan go ǁō xuige.” 21Ob ge Josefa khâi tsî ǀgôaroba ǁgûs ǀkha ū tsî Israelǁîn ǃhūba ǃoa ge ǁaru. 22Xawe Josefi ge Arxelaub gao-aose ǁîb îb, Herodeb di saoǃgonao Judeaǀkharib ǃnâ ǃkhaisab ge ǁnâu, o ǁnāpa sīsa ge ǃao. ǀNî ǁhapos ǃnâb ge ge ǃkhâikhomhe, îb Galileab di ǃhūǃâs ǃoa oa. 23#Mrk. 1:24; Luk. 2:39; Jhn. 1:45Tsî sīn ge on ge ǃās, Nasaret ti ra ǀonǂgaihes ǃnâ ge ǁan. Kēbo-aogu xa ge mîhes “Nasaretǁîb tib nî ǂgaihes” nî dīǀoaǀoahese.
Currently Selected:
Mateub 2: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.