Levitikus ǂGAEǂGUIǂGĀS
ǂGAEǂGUIǂGĀS
ǃNonaǁî ǂkhanis Elobmîs dis ge Levib ǃhaos di ǀonsa xu ūhe hâ tsî Levitikus ti hâ. Nē ǂkhanis ge Leviǁî pristergu ǃaroma hâ ǁguiǂamdi xa ǀoa hâ. Nēpan ge kaise ǀoro ǁgaeǂhôan ǃnaeǃkhain dina a ǃkhōǂgāsa, Eksodus ǃnâ ra ǁgaehe ǂhôas Numeris ǃnâ ra ǃkharuǃkharuhe xui-ao. Nē ǂkhanis ge kai ǂhâǂhâsasib ase ī ǂgui xūn, Israelǁîn di gagasi ûib din, ǃgōsase ǁguibas ǂama hâ ǁgaragu, ǃanusib tsî ǃanuoǃnâsib ǁaegu ǀgorasa dīs, ǀgapipristeri ra ǀhuru ǃâs tsî ǂkhîbagus di ǂâiǀgaub tsîna ra ǃhoaǂam. ǁÎs ra danase mâǂoa Levitikus di ǂkhanis ǃnâs ge, Elob khoen nî ǁîb a ǃanu khami ǃanu ǃkhaisa. Tentommi ǃnâb ge Eloba ǁîb di ǁaesa hā ge ǀhao-ū (Eks. 40:34a) tsîs ge ǁaesa ǃKhūba nî ǃoabase ge hā.
ǂGuro danaǃâdi (1—7) ǃnâ i ge mâtis Israelǁîn ǃaroma ǁguibas di ǃoabas ǃnâ ǀûbagusa gere dīhe ǀgaus xa ra xoahe. Sao ra ǃâb nē ǂkhanis dib ge ǃoaba-aogu, pristergu hîa nē ǂkhîbagus di ǃoabas ǃnâ ǁaegumâ-aose, ǀgabis tawa Elob tsî khoen ǁaegu ge hâ igu xa ra ǃgû (8—10). Sao ra danaǃâdi ǃnâ i ge ra ǃgāǃgāhe, mâ xūn ai-i khoe-e ǃanuoǃnâ-i tidese ǂâisa nî ǂnûis tsî ǁî-aitsaman ǃanuoǃnâkaisen tsî ǁnās ǃnâ-ū ǂkhîbagus di ǃoabasa xu ǁaraǂuihe tidesa (11—15). Kaitsēs ǂkhîbagus dis ais ge ǂkhîbagusa ǁaes ǃaroma ra dīhe (16). ǀUni danaǃâdi (17—27) ǃnâ i ge Elob ǁaes di ǂhunuma ûiǀgauba ǀnaib (11—15) ǁapoǁapohe hâ khami ǃaruǀî ra khoraǂuihe.
ǃKhōǂgāb
ǃKharagaǃnâgu ǁguibaǃnôan 1:1—7:38
Pristergu di ǀnauhes 8:1—10:20
ǀGabis ǃnâ ǁhaos di xoaǁguigu: ǃAnusib tsî ǃanuoǃnâsib 11:1—15:33
ǂKhîbagus di kaitsēs 16:1-34
ǃGaeǀhaos di ǁaes ûiǀgaub 17:1—27:34
Currently Selected:
Levitikus ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.