Hosea ǂGAEǂGUIǂGĀS
ǂGAEǂGUIǂGĀS
Hoseab dis ge a ǂguro ǂkhani ǀonǂgaihe ra disiǀgamǀa kēbo-aogu tamas ka io ǂKhari Kēbo-aogu disa. Kēbo-aob Hoseab ge ǁîb kēbosis sîsenni ǀkha ǃnubuse kēbo-aob Amob khaoǃgâ ge tsoatsoa. ǁÎb ge ǁaubexa ǃnonadisiǁkhaisaǀa kuriga kēbosis di sîsenna ge dī. Hoseab ge ǂguro kēbo-aob ǀapas di gaosib Israeli diba xu ge ǂoaxaba tsîb ge ǁnā-amaga aitsama ǀapas di gaosib Israeli dib ǃnâ 721ǁî kuri Xristub ǃnaes aiǃâ ǁîb kēbosis sîsenna gere dī. Hoseab ge ǀapas gaosib di kaiǃās Samarias di ǁnās khaoǃgâ (722-721ǁî kuriga Xristub ǃnaes khaoǃgâ) ge xoahe (1:7, 11; 4:15; 5:5, 10, 12-13; 6:4, 11; 10:11; 11:12; 12:2).
ǁÎb di ǃgame-ûib ǀkhab ge Hoseaba khôa hâ ǃgaeǀhaos ǃKhūb tsî ǁîb ǁaes tsîn ǁaegu ge hâ isa gere ǁgauǂui. Nē ǂkhanis ge ǃgōsase Elob di ǀgoraǃgâs ǁîb ǁaes di ǁoreb ǀhûhâsise, ǂgīǂgōsise tsî ǃhaoǃnāsi ǃharib ai hâs ǂama ra ǃhoa. Nēn hoan ǃnâb ge Hoseaba mâǂoa hâse ǀkharaǀkharahe ǁoasa ǀnammi Elob dib xa ǁîb ǁaes ǃoagu ra aoǁnâ. Hoseab di ǃgame-ûiba xus ge nēsa a ǂhaisa (1—3), xawe ǁkhāti sao ra xoadi ǃnâs tsîna, 1:8-11; 14:2-9.
ǃKhōǂgāb
Hoseab ǃgameb tsî ǀgôan âb 1—3
Israeli ǃoagu hâ ǀgoraǃgâs 4:1—14:1
ǃHobasens tsî ǀûbas 14:2-9
Currently Selected:
Hosea ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.