Hebreǁîn ǂGAEǂGUIǂGĀS
ǂGAEǂGUIǂGĀS
Hebreǁîn ǃoa hâ sîǂkhanis ge ǃnans di Xristeǁîn hîa ǀarosen ra mâǃoasa gere hōǃân tsî Xristesi ǂgomsa xu ǁnāǁgôas di ǃaorosasib ǃnâ ge hâ in ǃoa ge xoahe. Xoa-aob ge ǁîn di ǂgomsa ra ǂgaoǂgaoǃnâ Jesub Xristub* a ama tsî Elob di ǀuni ǂhaiǂhai ǃkhaisa ǁgauǂuis ǀkha. Nēsa dīs ǀkhab ge sao ra ǃnona xūna ra ǁgaraǃgao: (1) Jesub ge ǀamo ǀGôab Elob diba, ǁGûb ǃnâ hâ ama ǁnâuǀnamxasib ǃnâ-u tsâb ǃnâ mâǀgaisa ge ǁkhāǁkhāsenna. Jesub ge Elob Ôab ase ǀOro Testamens di kēbo-aogu, ǀhomǃgāgu tsî Moseb ǂûb hâgu hoagu xa a ǂam. (2) Elob ge Jesuba ǀamo pristeri ase ge ǁgaumâi, ǀOro Testamens di pristergu ǂamai. (3) Jesub ǃnâ-us ge ǂgomsabe-i ge ǁoreb, ǃaob tsî ǁōba xu orehesa; tsîb Jesuba ǀGapipristeri* ase, ama ǃgâiǃōsiba ra māsa hîa khoesi ǁnaetigu tsî ǀgurun di ǁguibas Hebreǁî ǂgoms dis ǀkha ǀgui ge ǃgū-aihe hâ isa.
Nē sîǂkhanis di xoa-aob ge ǂanǂansa khoen Israeli din di ǂgomsa (11ǁî danaǃâs ǃnâ) aiǁgause khomai-aona ra mâi-aiǃâ tsî ǁîna ra ǂgan, în ǂgomǂgomsase hâhâ. Tsî 12ǁî danaǃâs ǃnâb ge ǁîba khomai-aona ra ǂgan, în ǀams kōse ǂgoms ǃnâ mâǀgai tsî mûdi âna Jesub ai ǃammâi tsî mâ tsâ-i tsî ǃgôaǃgonǃnôa-i ga hâ xawe mâǀgai. Nē sîǂkhanis ge ǀapemās tsî ǃkhâikhoms di mîdi ǀkha ra ǀamǀam.
ǃKhōǂgāb
ǂGaeǂguiǂgās: Xristub ge a Elob di dīǀoaǀoasa ǂhaiǂhai 1:1-3
Xristub ge ǀhomǃgāgu xa a ǀgapi 1:4—2:18
Xristub ge Moseb tsî Josuab tsîkha xa a ǀgapi 3:1—4:13
ǀGapisib Xristub ǀgapipristersis dib 4:14—7:28
ǀGapisib Xristub ǃgaeǀhaos dib 8:1—9:22
ǀGapisib Xristub ǁguibas dib 9:23—10:39
ǂOaǂamsasib ǂgoms dib 11:1—12:29
Eloba ǃgâiǃgâiǂgaos 13:1-19
ǀUni ǀgores 13:20-21
ǀUni mîdi 13:22-25
Currently Selected:
Hebreǁîn ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.