Amos 2
2
Moab
1“Moab ge ǃnākorobe ge ǃûǂam tsî ta ge ǁîb ǁkharaba ǁkhaedawa tide. ǁÎb ge Edommi gao-aob di ǂkhōna tsaob kōse ge ǂhubiǂui.#Jes. 15:1—16:14; 25:10-12; Jer. 48:1-47; Ese. 25:8-11; Sef. 2:8-11 2ǁNā-amaga ta ge ǀaesa Moab ai nî sîǁnâ tsîs ge Keriots di ǁkhui-omga nî khauǃkhū. Moab ge torob ǂkhupib tsî xâiǁnâs di ǀōb ǃnâ hâse nî ǁō. 3Tita ge Moab di ǂgaeǂgui-aob tsî ǁîb di ǂamkhoegu tsîgu hoaga nî ǃgam”
tib ge ǃKhūba ra mî.
Judab
4“Judab ge ǃnākorobe ge ǃûǂam tsî ta ge ǁîb ǁkharaba ǁkhaedawa tide. ǁÎb ge ti ǂhanuba ge ǂhara tsî ti ǂnûiǂgāde ǃkhōǀgaipe tama ge i. ǁÎn ge ǂkhaba elogu xa ge ǂgaeǂhapuhe, ǁnā elogu ǁîn di aboxagu xa gere saohe gu xa. 5ǁNā-amaga ta ge ǀaesa Judab ai nî sîǁnâ tsîs ge Jerusalems di ǁkhui-omga nî khauǃkhū,”
tib ge ǃKhūba ra mî.
ǃKhūb ge Israela nî ǀgoraǃgâ
6“Israeli ge ǃnākorobe ge ǃûǂam tsî ta ge ǁîb ǁkharaba ǁkhaedawa tide. ǁÎb ge ǂhanu-ai khoena mari-i ama ge ǁamaxū, ǀgâsa khoena ǀkhapura ǃaroma. 7ǁÎn ge ǀgâsan di danade ǃhūb di tsarab ǃnâ ra dāǂgā tsî huisen ǁoan di ǂhanuba ra ūbē. ǁGûb tsî ǀgôab tsîkha ge ǁkhā khobos ǀkha ra ǁgoe tsî ti ǃanu ǀonsa ra ǀuriǀuri. 8Mâ altars hoas tawan ge surudeb ain ge ū saran ai ǁgoe tsî ǁîn Elob di ommi ǃnâ ǁîna surude hâna xun ge ū ǂauxûiba ra ā.
9“Tita ge Amorǁîn, sederhaidi kōse ǀgapi tsî aikehaidi kōse ge ǀgaisa ina sadu ǃaroma ge hîkākā.#Deu. 3:8-11 10Tita ge sado Egipteba xu ge ǂgaeǂguiǂui tsî hakadisi kuriga ǃgaroǃhūb ǃnâ gere ǂgaeǂgui, Amorǁîn di ǃhūba du nî ūbasense. 11Tsî tita ge ǀnîgu sadu ôagu diga ge kēbo-ao kai tsî ǀnîgu sadu ǂkham khoegu diga Nasirǁîse ge dī; ǁnāti ī tama i hâ, sadu Israelǁîdo?”
tib ge ǃKhūba ra mî.
12“Xawe du ge Nasirǁîga ǂauxûi-e ge ā kai tsî kēbo-aoga kēbo gu nîsa ge ǂkhā. 13ǁNā-amaga ta ge sado hâ du a ǃkhais ai nî ǁgâiǁgui, kaise ǃgom ǃhoroǃgaeǀkhāde ǃnaoǃnāhe hâ kunis hîa ra tsōmâs khami. 14ǃHae khoeb tsîn ge ûiǂoa tide; ǀgaisab di ǀgaib tsîn ge xū-e harebeba bi tide; toroǃkhamaob tsîn ge aitsama huiǂuisen ǁkhā tide. 15Khāǁkhâu-aob tsîn ge mâǀgai ǁkhā tide; ǃhae ǃkhoe-aob tsîn ge ǃkhoeni ǁkhā tide; hāǃgapi-aob tsîn ge ûib âba sâu ǁkhā tide. 16ǁKhoaǂgaoxa ǁē-aob tsîn ge ǁnātsē ǀōǀkhāse nî ǁhâ”
tib ge ǃKhūba ra mî.
Currently Selected:
Amos 2: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.