Ap 20

Li jun mil chihab'

1Chirix chik a'an kiwil jun li ánjel yo chaq chi kub'eek sa' choxa: wan chaq sa' ruq' li xlaawil li Siwan jo'wi' jun li nimla kareen. 2Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.#20,2 Akaq sachenaqeb' chik xwankil li wiib' chi josq' aj xul jo' ajwi' eb' li awab'ej, taasache'q ajwi' xwankil li nimla k'anti' (12,3.7.9). Xb'een taab'ak'e'q chiru jun mil chihab' (12,7-12; cf. 11,2), chirix chik a'an taasache'q xwankil chi junajwa (20,7-10). 3Ut kixkut sa' li Siwan, kixmuq chisa' ut kixtz'ap xb'een li okeb'aal rik'in tz'apleb' re naq ink'a' chik tixb'alaq'iheb' li tenamit, toj taatz'aqloq jun mil chihab'. Ab'an, chirix chik a'an, tento taa'ach'ab'aaq chiru jarub'aq kutan.

4Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.#20,4 Dn 7,9.21-22.26. Chiruheb' li kutan b'ak'b'ooq wi' li nimla k'anti', li Iklees sa chik taawanq chalen sa' xkamikeb' laj mártir (Ap 6,9-11; 14,13) toj sa' xkutankil li raqb'a aatin (20,11-15). 5Ab'an eb' li kamenaq junch'ol chik ink'a' ke'wakliik chi yo'yo toj sa' roso'jik li jun mil chihab'. A'an a'in li xb'een waklijik chi yo'yo.

6Us xaq reheb' li neke'tz'aqonk sa' li xb'een waklijik chi yo'yo: eb' a'an santeb' ut maak'a' xwankil li xkab' kamk#20,6 Li xkab' kamk a'an li tojb'amaak chi junelik (cf. 2,11; 20,14; 21,8). sa' xb'eeneb', aj tijaqeb' b'an chiru li Yos ut chiru li Kriist ut te'awab'ejinq rochb'een chiru jun mil chihab'.

Li xkab' nimla yalok sa' choxa

7Akaq xraqe'k li jun mil chihab', taa'isiiq chaq laj tza sa' li xtz'alam, 8ut taa'elq chi xb'alaq'inkileb' li tenamit wankatqeb' sa' xkaaxukuutil li ruuchich'och', jo'wi' chi xb'alaq'inkil laj Gog ut laj Magog,#20,8 Ez 38,2.9.15. Laj Gog ut laj Magog a'aneb' reetalil chixjunileb' li awab'ej li xik' neke'ilok re li Iklees (cf. Ap 16,14-16; 19,17-19). re xch'utub'ankileb' chi yalok: li xk'ihaleb' a'an kama'aq li samahib' chire li palaw.

9Ke'taqe'k sa' xb'een chixjunil li xnimal ru li ruuchich'och' ut ke'xsut li xna'ajeb' li sant jo' ajwi' li tenamit raaro xb'aan li Yos.#20,9 Li xna'ajeb' li sant (cf. Ex 14,14-20) a'an Jerusalén (21,2. Cf. Lk 21,24), a'an reetalil chixjunil li Iklees. Cf. Ez 38,22. Ab'anan kikub'e chaq xam sa' choxa ut kixsacheb'. 10Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Li xnimal ru raqb'a aatin

11Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.#20,11 Akaq waklijenaqeb' chik chi yo'yo li kamenaq, taawanq li raqb'a aatin li tixb'aanu li xnimal ru aj raqol aatin (Ap 2,23; 3,5; 19,13; Dn 7,10; 12,1). Taawanq ak' choxa ut ak' ruuchich'och' (21,1). Cf. Sal 102,27; Is 51,6; Hch 3,21; Ro 8,18-22. 12Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

13Toja' naq li palaw kixq'axtesiheb' li kamenaq wankeb' chisa'; jo'kan ajwi' li kamk ut li xna'ajeb' li kamenaq ke'xq'axtesiheb' li kamenaq k'uulanb'ileb' chisa', ut kiraqmank aatin sa' xb'een li junjunq, jo' chanru li xb'aanuhom. 14Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk). 15Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

Currently Selected:

Ap 20: QQC

Highlight

Copy

Compare