Dt 33
33
Li rosob'tesihom laj Moisés
1Laj Moisés, li sik'b'il ru xb'aan li Yos, kirosob'tesiheb' laj Israel, chi rub'eetal li xkamik, 2ut kixye chi jo'ka'in:
“Li Qaawa' xchalk chaq toj Sinaí;
toj Seír kik'utunk chaq li xsaqenk,
ak xkutano'k chaq chalen chiru li tzuul Parán.
Rochb'een chaq k'iila o'q'ob' chi aj k'anjel chiru;
sa' xnim uq' wan chaq li xxamlel li Chaq'rab'.
3Laa'at nakaraheb' li qaxe'toonil yuwa';
chixjunil laasantil tenamit wank sa' laawuq'.
Eb' a'an wiq'wookeb' rub'el laawoq rub'el aawuq',
ut naxik xch'ooleb' chirix laawaatin.
4Laj Moisés kixk'e qe li Chaq'rab',
a'an xmaatan li loq'laj komonil re laj Jakob;
5ut kiwank jun awab'ej aran Yesurún,#33,5, 26 Dt 32,15; Is 44,2.
naq ke'ch'utlaak eb' laj k'amol xb'eheb' li tenamit
jo'wi' chixjunileb' li xteepal aj Israel”, chan laj Moisés.
6Cho'q re laj Rubén kixye a'in:
“Chiyo'yooq laj Rubén ut maajaruj chikamq,
us ta ink'a' k'ihaqeb' li ralal xk'ajol!”, chan laj Moisés.
7Cho'q re laj Judá kixye a'in:
“At Qaawa', chawab'i xyaab' xkux laj Judá
ut chak'am xb'e chi xik rik'in li xtenamit.
Li ruq' taakoloq re ut laa'ataq laj tenq' re
sa' xb'eeneb' li xik' neke'ilok re”, chan laj Moisés.
8Cho'q re laj Leví kixye a'in:
“Chak'e reheb' laj Leví laa'Urim ut laaTumim;#33,8 Ex 28,30.
chak'e reheb' li winq li nasaho'k wi' aach'ool,
a' li kayal rixeb' aran Masá#33,8 Ex 17,7.
ut kaq'useb' chaq chire li ha' re Meribá.#33,8 Ex 17,7; Nm 20,13.
9Q'axal kate'xra chiruheb' li xna' xyuwa'eb',
jo' ajwi' chiruheb' li rech'alal ut eb' li ralal xk'ajoleb'.
Ke'xk'uula sa' xch'ooleb' laawaatin ut ke'xpaab' laaSumwank.#33,9 Ex 32,25-29.
10Eb' a'an neke'xk'ut laataqlahom chiruheb' li ralal xk'ajol laj Jakob
ut laachaq'rab' chiruheb' laj Israel.
Neke'xyeechi'i pom chawu laa'at
ut neke'mayejak chi chaab'il sa' xb'een laa'artal.
11At Qaawa', chawosob'tesiheb' re naq kawaqeb',
ut chak'ul chi anchal aach'ool li k'anjel neke'xb'aanu.
Chasach ruheb' li neke'yalok rik'ineb';
ink'a' chik che'wakliiq chaq li xik' neke'ilok reheb'”, chan laj Moisés.
12Cho'q re laj Benjamín kixye:
“At xrahom li Qaawa',
hilan chi xk'atq A'an chi maak'a'aq aaxiw.
Li Nimajwal taamuheelanq aawe chi junelik;
rub'el xrahom li Yos wanqat chi junelik”, chan laj Moisés.
13Cho'q re laj José kixye:
“Li Qaawa' chi'osob'tesinq re li xch'och'#33,13-17 Gn 49,22-26.
rik'in li k'ajob' nachalk chaq sa' choxa,
rik'in li ha' wank sa' xchamal li ch'och',
14rik'in li xchaab'ilal li awimq rajlal chihab'
ut rik'in li ru awimq rajlal po,
15rik'ineb' li xb'een u neke'xk'e li najter tzuul
ut rik'in li xchaab'ilaleb' li b'ool li wankeb' chi junelik,
16rik'in li q'axal chaab'il wank sa' ruuchich'och'
jo'wi' rik'in li rusilal Li nawank chaq sa' li k'ix.
Chikub'eeq chaq chixjunil a'in sa' xb'een xjolom laj José,
chihilanq chi xpeekem li sik'b'il ru sa' xyanqeb' li ras riitz'in!
17Chaq'al ru jo' li xb'een ral li teelom wakax,
kaw rib' jo' li k'iche'il b'ooyx:
tixxe'q'eb' li tenamit toj sa' xmaril li ruuchich'och'!
Jo'kaneb' li k'iila o'q'ob' chi aj Efraín,
jo'kaneb' li xk'ihaleb' laj Manasés”, chan laj Moisés.
18Cho'q re laj Sabulón ut laj Isakar kixye:
“At Sabulón, chisaho'q aach'ool sa' laak'anjel;
ut laa'at aj Isakar, sahaq taxaq aach'ool rik'ineb' laamuheb'aal.
19Taab'oqeb' laawech tenamitul sa' xb'een li tzuul,
ut aran te'mayejaq chi chaab'il;
te'xyal xsahil li b'ihomal nachalk chaq sa' li palaw
jo' ajwi' li wank chi muqmu chire li ha'”, chan laj Moisés.#33,18-19 Gn 49,13; Jos 19,10-16.
20Cho'q re laj Gad kixye:
“Usilaatinanb'il taxaq li kinimob'resink re li xna'aj laj Gad.
Tuntu kama' li ixqi kaqkoj,
naxt'up li xtel ut li xjolom li ani tixchap.
21Laj Gad kixsik' ru li k'aru jwal chaab'il,
kixchap li ch'och' xk'ulub' wi' junaq aj k'amol b'e.
Kixk'am xb'e li xtenamit;
kik'anjelak chi tiik li xch'ool chiru li Qaawa'
ut kixb'aanu li teneb'anb'il sa' xb'een sa' xk'ab'a' laj Israel”, chan laj Moisés.#33,20-21 Nm 32,1-42.
22Cho'q re laj Dan kixye:
“Laj Dan a'an jun li ch'ina ral kaqkoj
li naxkut chaq rib' chalen toj Basán”, chan laj Moisés.#33,22 Jos 19,47; Jue 18,1-29.
23Cho'q re laj Neftalí kixye:
“Laj Neftalí numtajenaq na'usilaak ru,
ut nujenaq chi rosob'tesihom li Qaawa'.
A'an aj eechal re li rokeb'l saq'e ut rokeb'l iq'”, chan laj Moisés.#33,23 Jos 19,33-39.
24Cho'q re laj Aser kixye:
“Osob'tesinb'il taxaq laj Aser
sa' xyanqeb' li ralal xk'ajol laj Jakob,
a'anaq li raaro sa' xyanqeb' li ras riitz'in;
chixch'aj li roq sa' aseeyt.
25Eb' li rokeb'aal li xtenamit
yiib'anb'ilaqeb' rik'in ch'iich' ut q'anch'iich',
ut junelik chiwanq xmetz'ew jo' najtil yo'yooq”, chan laj Moisés.
26“Maajun junaq jo' li xYos laj Yesurún,
li nab'eek sa' xb'eeneb' li choql re aatenq'ankil,
sa' xb'een li choxa rik'in xnimal xwankil.
27Li najteril Yos a'an li namuheelank aawe;
laa'at wankat junelik rub'el li xkupuhom.
A'an na'aanilasink reheb' chawu li xik' neke'ilok aawe,
ut naxye aawe: «Sacheb' ru».
28Laj Israel wanq chi k'ojk'o li xch'ool;
eb' li ralal xk'ajol laj Jakob wanqeb' sa' tuqtuukilal.
Q'axal naab'al li triiw ut li uub' sa' li xch'och'eb';
junelik wanq li k'ajob' nachalk chaq sa' choxa.
29Us xaq aawe, at Israel.
Ani tawi' jo' laa'at, tenamit kolb'ilat xb'aan li Qaawa'?
A'an namuheelank ut natenq'ank aawe?
Li Qaawa' a'an li ch'iich' nakasacheb' wi' ru li xik' neke'ilok aawe!
Eb' a'an te'raj raj aab'alaq'inkil,
a'ut laa'at tatnumtaaq sa' xb'eeneb'”, chan laj Moisés.
Currently Selected:
Dt 33: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
