Job 4
4
Irihuasëri Copo pënëninsoꞌ
1-2Naporoꞌ Irihuasëri Copo pënënaton itapon:
“Iya Copo, tëhuënchachin parisitáran niꞌton,
nontiinënsoꞌ co noyahuëꞌ natanapon.
Napoaponahuëꞌ, naporanso natanato,
shaꞌhuitochinaꞌinquën tënahuë.
3-4Quëmasoꞌ maistro pochin nicaton
naꞌa piyapiꞌsa aꞌchintëran.
Sanpatopiso pochin cancantopisopitantaꞌ,
achinicancanan.
Sëtopisopitanta noya catahuaran.
Yanitëpapisopitanta
noya nontaton achinicancanan niꞌton, co nitëpapihuëꞌ.
5Inaponaꞌpiquën niꞌton,
ipora maꞌsha onporanquë
chiníquën cancantëquëꞌ.
6Quëmasoꞌ noꞌtëquën Yosë natëran.
Inapoaton noyasáchin ninan.
Naporan nichinapon chachin,
‘Yosë mini anoyataantaponco,’ tëquëꞌ.
7Inta yonquiriquëꞌ. Noꞌtëquënáchin natërinsopitasoꞌ,
co Yosëri ataꞌhuantochininhuëꞌ. Co aꞌnaya tërantaꞌ.
8Co noyahuëꞌ nipisopita tëhuënchinsoꞌ,
napopiso marëꞌ noꞌtëquën anaꞌintarin.
Maꞌsharaya shaꞌpatëra,
ina nitërinso chachin manëꞌ.
Inapochachin Yosëriso
noꞌtëquën iꞌhuërëtarin.
Nani huaꞌqui tahuëri nicato,
ina noyá nitotërahuë.
9Panca ihuan paꞌpachina, nani maꞌsha tapirin.
Inapochachin Yosërintaꞌ,
aꞌnanaya inapita noꞌhuiton ataꞌhuantarin.
10Paꞌpiniroꞌsa përapachina aꞌpayaninpoꞌ.
Inapochachin co noyahuëꞌ nipisopitasoꞌ, yanoꞌhuitopi.
Napoápirinahuëꞌ, Yosëri acopitapon.
Paꞌpiniroꞌsa nipanatëtaton acopitërin.
Inapochin inapitanta nitapon.
11Paꞌpiniroꞌsa nipanatëtohuachinara,
co huachi mapintatonaraihuëꞌ chiminpi.
Napohuachinara,
paꞌpiniaꞌhuaroꞌsasoꞌ yanquëëpi.
Inapochachin noꞌhuitërayaroꞌsanta
chiminpachinaꞌ, huiꞌninpita pataponaꞌ.
12Ina caso co nitotopirahuëꞌ anitotërinaco.
Aꞌnara huaꞌyan oshaquëraꞌhuaya
nontatonco shaꞌhuitërinco.
13Yono tashi piyapiꞌsa huëꞌësoiꞌ,
huëꞌëhuëquë nocorinco.
Capayatohuatora, paꞌyan tënahuë.
14Ina quëran paꞌyamiatato,
ropa ropátarahuë.
15Ihuan pochin
pihui pihuirayararinco natanahuë.
Napohuachina, naꞌcon naꞌcon aꞌpayaninco.
16Niꞌpirahuëꞌ, piꞌpian quiró tënin niꞌnahuë.
Napoaporahuëꞌ, co nirayarahuëꞌ.
Topinan tanahuantápirinhuëꞌ,
noninso huachi natanahuë:
17‘Yosë marësoꞌ, co aꞌnaya tëranta
noyasáchin ninaꞌpi yaꞌhuërinhuëꞌ.
Noyápiachin cancantërinsontaꞌ,
co aꞌnaya tëranta yaꞌhuërinhuëꞌ.
18Inápaquë camairinsopita yaꞌhuëtërinso tërantaꞌ,
piꞌpian Yosëri natërin.
Co nanitërinhuëꞌ noyá natëcasoꞌ.
Anquëniroꞌsantaꞌ, tëhuëpiso quënayatërin.
19Aquëtë huarëꞌ piyapiꞌsasoꞌ,
co manta chinipihuëꞌ.
Noꞌpapi pëi amocanquë pëipiso pochin niconpi.
Noꞌson pochin shiꞌsharichináchin niconpi.
20Isoroꞌpaquë nanpipisoꞌ,
co huaꞌquirinhuëꞌ.
Huaꞌhuatopi quëran
chiminaquë huarëꞌ,
aꞌna tahuëriíchin pochin huaꞌquirin.
Chiminpachinara, copi tochinapi.
Co huachi insoari tëranta nohuanaponhuëꞌ.
21Piꞌshirin yashitërëso pochin copi taponaꞌ.
Co yonquínahuan nishátërasoihuëꞌ,
taꞌhuantaponaꞌ,’ itërinco.
Currently Selected:
Job 4: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
